Yohanes 1 2:16 - Nyangbo New Testament

¹⁶ Ɔmɔsɛ kɛka nyia ka nɛ kanɔ nɔ̀ mɛ, lɛenu ɔdɔ gɛ ebui kpa bhɛbhɛtɛ elete adɛmɛ nɔ, yɛ awuhũ ɔdɔ pɛpɛ nɔ nɛ̀ ahɔɛ tutu nɛitélũ nɛ kɛgɛ lɛ yɛahɔɛ nɛ̀ kɛgɛ yɛabhɛtɛɛ shu, ebui alɛ gide Akaa ɔkɔ, pɔ kanɔ nɔ̀ ɔkɔ ledè.

Yohanes 1 2:16 Referans Kwoze

Romanɛ 13:14

Nɛ alɛ nɛinye mɛɛ, nɔkɔ bɔlɔkɔ Apalete Yesu Kristo kpɛ ishu asɛ akpɛkpɛ ana, tɛ bɔta zɛbhɛtɛ ekpeɖekpeɖe mɛ nɛ kɛmɔ gɛ bɔmɔ same nɛ kanɔ alɛ mɛebui kpa bhɛbhɛtɛ shu.

Galatianɛ 5:17

Ɔmɔsɛ kɛgɛ kanɔ mɛ ebui kpa adɛmɛ nɔ agã ɔtɔ nɛ agɛ Ɔfɔfuĩa nɔ dɛmɛ nɔ shu, kɛlɛ Ɔfɔfuĩa nɔ tsyɛ ɔgã ɔtɔ nɛ kɛgɛ kanɔ mɛ ebui kpa adɛmɛ nɔ. Balɔɛtití nɛ bagɔlɔ shu, sɛ tɛ ɔtɛ bhɛtɛ kɛgɛ ɔpɛɛ nɔ.

Efesoanɛ 2:3

Bɔlɔ petee tsyɛ tɛzã balɛishi ɖi nɛ kibè tili gɛ bafala, pɛ bɔzɛ kpɛ samè nɛ bɔlɔ ebui kpa bhɛbhɛtɛ shu, kɛlɛ bɔzɛ pɛedzo alɛ pɛ bɔɔ bhɛtɛ ekpeɖekpeɖe mɛ nɛ alɛishu. Asɛ gɛ banɔ gɔgɔ̃ɔ aza bhɛtɛɛ, budzi banɔ gɛ ɔmɔpɔɛ kpa ɔzã bɔlɔ mɛ.

Yakobo 3:15

“Bubuti” ɛlɛ nɛidiɛ, anɛ kitití bude ba, pɔ kanɔ mɛ ɔyɛ bunu, gɛ ɔfɔfuĩa ɔma ɔlɛ mɛ, Abosam ɔyɛ ulinu.

Petro 1 2:11

Ɛbhia gɛ ɛdɛmɛ nɔ, ɛɛkpalà wɔnɔ, wɔnɔ asɛ beefù ana nɛ̀ bafafala nɛ kanɔ nɔ̀ mɛ, sɛ tɛ̀ nɔobu wɔnɔ ishu oyinɔ odenɔ tɛdɛdɛmɛ nɔ ebui kpa, gɛ laatà keyù nɛ̀ wɔnɔ atɔwuiɛ.

Petro 2 2:10

Kibui ɛlɛ inu kɛgbã ɔkɔ banɔ nɔ̀ gɛ bazana ɛkpã kpa nɛ alɛ tɛpɛpɛ ulu pɛ bagɛ lɔkɔ ɔsha niesi gɛ balɛ akpɛ kɛnanà mɛ betielũ atɔ̃ ɔkɔ ɔsha. Nɛ kitè kpɛkpɛ nɛ̀ ishu fefeke mɛɛ, balà ɖɔaɖɔ kpa nɛ kititì banɔ nɔ shu

Tito 2:12

Kɛkasɛ ɔlɔ sɛ bɔɖɔ sɛ, “Ao” nɛ kɛgɛ gɛ kpaplɛnɔ Owusoso Akaa pɛ kinu kanɔ mɛ ebui tɛpɛpɛ shu, nɛ tɛ̀ bɔŋã bɔlɔ shu abha, bɔɖɔ olugbũ tonikpo tɛ bɔzana ɛkpã ɔkɔ Owusoso Akaa nɛ obo kanɔ alɛ mɛ,

Petro 2 2:18

Pɔ baaɖɔ kɛlɛ́ɛ mɛ ebui alɔkɔ ahɔɛ etũ etelũ nɔ, kɛlɛ balɔkɔ balɛ ishupiɛ nɛ̀ ebui kpa gɛ badɛmɛ nɔ, awɔɛ bagɛ akpɛ esi ebù tɛtsɛɖɛ̀ mɛ ashɛ nɛ bagɛ azanà ɛkpã kpa ɔbha.

Petro 1 1:14

Asɛ beyi gɛ belũ atɔ̃ ana, nɔtɛ̀ dɛmɛ ɔtɔɖɔ abosam yɛebuiɛ gɛ lazã wɔnɔ mɛ nɛ kibeɛ gɛ nɔzã matì matiɛ mɛ.

Tito 3:3

Kibè tili gɛ bafala, bɔlɔ tsyɛ zɛdɔ bɔga, bugizi lũ atɔ̃, bawɔɛ ɔlɔ budzi banɔ dzidzi ɔkɔ kanɔ mɛ bɔdɔ̃ nɛ̀ kalɛ mɛ same ebuiɛ petee. Bɔzana ɛkpã kpa kɛlɛ bɔkpɛ banɔ awɔ̃, bɔkɔ sɛ banɔ anyanã ɔlɔ akpɛ ɛyamɛ kɛlɛ bɔlɔ tsyɛ nyanã bagɔlɔ kpɛ ɛyamɛ.

Galatianɛ 5:24

Bagɛ enu Kristo Yesu ayɛ xɔnɔ, bakpalà balɛ ebui kpa bhɛbhɛtɛ nɛ̀ kɛgɛ badɛmɛ nɔ nɛ̀ kɛgɛ bapɛ nɔ nɛ butsi osiɛ shu.

Korintoanɛ 1 10:6

Ebui alɛ aba ɛlɛ mɛ ana ɔsɛ tɛ̀ kidzì kibui mɔmɔlu, tɛ kɛkɔ ɔsɛ bɔtakà lɔkɔ bɔlɔ etúɔ tɔɖɔ ebui kpa bhɛbhɛtɛ abha asɛ gɛ babhɛtɛ ana.

Yakobo 4:16

Otsiɛ nɔ, notũ itelũ pɛ nobu olugbũ mɛ. Kitelũ tutũ ɛlɛ nɛidi pɔɔ, kibui zizĩ kinu.