Yohanes 1 2:13 - Nyangbo New Testament

¹³ Ɛfɔnɔ ebui alɛ kɔ wɔnɔ, bakaa ɔmɔsɛ nɔonyi anunɔ gɛenu odenɔ kesiɛ ɔkpɛkɔɔ. Ɛfɔnɔ ebui alɛ kɔ wɔnɔ bayisɔ̃, ɔmɔsɛ nɔ ɔŋã anɔ kpa nabha. Ɛfɔnɔ ebui alɛ kɔ wɔnɔ beyiɛ gɛ ɛdɛmɛ nɔ, ɔmɔsɛ nɔonyi Akaa.

Yohanes 1 2:13 Referans Kwoze

Yohanes 1 2:14

Ɛfɔnɔ ebui alɛ kɔ wɔnɔ beyiakaa, ɔmɔsɛ nɔonyi anunɔ gɛenu odenɔ kesiɛ ɔkpɛkɔɔ. Ɛfɔnɔ ebui alɛ kɔ wɔnɔ bayisɔ̃, ɔmɔsɛ nɔgagalĩ, kɛlɛ Owusoso Akaa nibuiɛ kpasɛ wɔnɔ mɛ, kɛlɛ nɔŋã anɔ zizĩɛ nabha.

Yohanes 1 4:4

Wɔnɔ mɛeyi alɛ gɛ ɛdɛmɛ nɔ, Owusoso Akaa ɔkɔ nɔodè kɛlɛ nɔŋã alɛ abha, ɔmɔsɛ agɛ yɛakpasɛ wɔnɔ mɛɛ egbogblo adɛ agɛ yɛalɛ kanɔ nɔ̀ mɛ.

Yohanes 1 1:1

Kibuiɛ gɛ zã odenɔ kanɔ nɔ̀ esiɛ ɔkpɛkɔɔ, gɛ butilũ ɖiɛ, pɛ bɔtɛ mɔɖi tsyɛ nɛ̀ bɔlɔ awuhũɔ, pɛ bulu awɔ̃ oɖi pɛ bɔlɔ ɛhɔɛ tsyɛ hunùɔ, ebui alɛ bɔɖɔ tseɖe wɔnɔ nɛ ɛkpa Ebuiɛ shu.

Yohanes 1 5:18

Bunyi sɛ aka nyia aka gɛ bamɔ nɛ Owusoso Akaa mɛ atɛzã kɛlɛ abha pɛ aza bhɛtɛ̀ kibui kpa, anunɔ gɛ bamɔ nɛ Owusoso Akaa mɛ yɛakɔ anɔ alɛ nɛidi azã piapii, kɛlɛ abosam atɛ balà kpɛ̀ kɛpɔ̃ nɛishu.

Yohanes 1 3:12

Nɔtɛ̀ zã asɛ Kain ana, anɔ gɛenu Abosam ayɛ pɛ eyí yɛadzyaa. Kɛlɛ kiɖuwoe so pɛ eyíi? Ɔmɔsɛ yɛ ahɔɛ edzoɔ enu edzo kpa pɛ yɛadzya ayɛ xɔnɔ adalɛ.

Yohanes 1 5:20

Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.

Yohanes 1 2:12

Ɛfɔnɔ ebui alɛ kɔ wɔnɔ, mɛeyi alɛ gɛ ɛdɛmɛ nɔ ɔmɔsɛ balɔkɔ wɔnɔ ebui kpa etsye wɔnɔ nɛ yɛinye nɛtakpu.

Yohanes 1 2:1

Mɛeyi alɛ gɛ ɛdɛmɛ nɔ, ɛfɔnɔ ebui alɛ kɔ wɔnɔ ɔsɛ tɛ̀ nɔtɛ̀ bhɛtɛ kibui kpa. Pɔ onupɛ anɔ teli abhɛtɛ kibui kpa, anɔ teli alɛ bɔlɔ ahɔɛ gɛ aɖɔaɖɔ ebu bɔlɔ ulũ nɔ nɛ Akaa namɛ, yɛenu Yesu Kristo, Anɔ Dadalɛ.

Tito 2:6

Kidzo ɛlɛ nabha, nɔkpɛ bayisɔ̃ nɔ emi tɛ baŋã balɛishu abha.

Korintoanɛ 2 4:6

Ɔmɔsɛ Owusoso Akaa aɖɔ asɛ, “Nɔkɔ kifu dɛkɛ nɛ otumũɔ mɛ,” nɔkɔ yɛifúɔ dɛkɛ nɛ bɔlɔ etúɔ mɛ, tɛ kɛdɛkɛ kɔ bɔlɔ asɛ bubuti kifù ana tɛ kɛkɔ Owusoso Akaa shu dalɛ nɛ Kristo amɛ.

Timoteo 1 5:1

Titseɖenɔ nɛ̀ anɔ sheshè gagalĩ, pɔ hu buluhũ kɔɛ asɛ wɔ akaa ana. Lɔkɔ bunuvɔɛ nɔ asɛ baadzya ana,

Kibui Bubú Kasɛ 2:7

Anunɔ gɛ batɔ̃ alɛ yɛ, tɛ elũ ibuiɛ gɛ Ɔfɔfuĩa nɔ ɔɖɔ otseɖe baháa. Kɛlɛ anɔ gɛ aŋã abhaa, ɛbakɔ yɛidzo yɛaŋã busiɛ gɛ ɛkɔ ɛkpã, pɛ lɛlɛ Owusoso Akaa Bɔkã mɛɛ.

Kibui Bubú Kasɛ 12:11

Baxɔ̃ɛdɛ aŋã kɛtsɔpɛ nabha ɔgana Obhoshieyiɛ dzyosu nɔ mɛ nɛ̀ yɛibui gbangbã tɛdadalɛ mɛ, bagɛ adɛmɛ nɔ nɛ̀ balɛ ɛkpã adɛ pɛ besì butsí ifu.