Yohanes 1 2:11 - Nyangbo New Testament

¹¹ Pɔ anunɔ gɛ anyana yɛadzya akpɛ ɛyamɛ xɔnɔ akpasɛ otumũ mɛ kɛlɛ anyɔ afalà nɛ otumũ mɛ, kɛlɛ etinyi ɛkɛlɛ gɛ avɛɛ, ɔmɔsɛ otumũɔ opú yɛahũɔ.

Yohanes 1 2:11 Referans Kwoze

Tito 3:3

Kibè tili gɛ bafala, bɔlɔ tsyɛ zɛdɔ bɔga, bugizi lũ atɔ̃, bawɔɛ ɔlɔ budzi banɔ dzidzi ɔkɔ kanɔ mɛ bɔdɔ̃ nɛ̀ kalɛ mɛ same ebuiɛ petee. Bɔzana ɛkpã kpa kɛlɛ bɔkpɛ banɔ awɔ̃, bɔkɔ sɛ banɔ anyanã ɔlɔ akpɛ ɛyamɛ kɛlɛ bɔlɔ tsyɛ nyanã bagɔlɔ kpɛ ɛyamɛ.

Kibui Bubú Kasɛ 3:17

Ɔɖɔ ɔsɛ, ‘Inu ehoeyielete, gɛ ɛmɔ ehoeyiudɔ̃ gɛ ɛtɛpɛ ɛdɔ̃ nanà.’ Pɔ ɔgɛmɔ wɔshu ɔsɛ onu ahɔɛ kpaelete, ashagabuielete, etsyuitsyui, awuhũpu nɛ̀ ɛdɔ̃ makpɛ makpɛ nɛishu anɔ.

Yohanes 1 1:6

Onupɛ bɔɔɖɔ ɔsɛ bɔkpasɛ ɔhakpɛkpɛ mɛ ɔplɛnɔ yɛɛ, pɛ bɔkà gã nɛ otumũɔ mɛɛ, bɔsɛ asɛnɛ kɛlɛ bɔgɛ gã nɛ kibui gbã shu.

Yohanes 1 2:9

Anunɔ gɛ aɖɔ asɛ akpasɛ tɛdadalɛ mɛ, pɛ anyanã yɛadzya akpɛ ɛyamɛɛ, anɔ alɛ aka kpasɛ otumũ mɛ.

Korintoanɛ 2 4:4

Obo kanɔ nɔ̀ ibudiɛ pú awuhũ akɔ bagɛ agɛ yɛkɛ aŋã, sɛ tɛ batɛmɔ tɛdadalɛ gɛlɛ Kristo yɛibuiɛ shu, anɔ gɛ alɛ asɛ Owusoso Akaa ana.

Korintoanɛ 2 3:14

Pɔ babhɛtɛ balɛ ekpeɖekpeɖeɛ yɛazã yɔɔ, ɔmɔsɛ oboyinɔ otsiɛnɔ kɛpɔtɛ wɔ balɛ amɛ nɛ kibeɛ gɛ bakà akalà olugbũ nyanyã kukuɔ. Bagɛ tsɛ ɛlɛ nɛ balɛ amɛ, ɔmɔsɛ kristo mɛ ete babà tsɛ ɛlɛ ashɛnɔ.

Petro 2 1:9

Pɔ onupɛ ɛkpã ɛlɛ nɛidi ma anɔ teli ahɔɛ, enu anɔ gɛ atɛ amɔ piapii kɛlɛ enu awuhũpú, pɛ adzɛkɛ asɛ betiplu yɛebui kpa gɛ abhɛtɛ abafala nɔ.

Yohanes 1 2:10

Anunɔ gɛ adɛmɛ nɔ nɛ yɛadzyaa, anɔ alɛ akpasɛ tɛdadalɛ mɛ, kɛlɛ kibui nanà ma yɛmɛ gɛ bakɔ yɛakpatà bɔdɔ̃.

Yohanes 1 3:15

Anɔ nyia anɔ gɛ agɛ dɛmɛ yɛadzya ibuiɛ enu anɔ gɛ eyianɔ, kɛlɛ nɔonyi ɔsɛ anɔ gɛ eyianɔ atɛ bàmɔ ɛkpã tihɔɔ mɛ azã.

Yohanes 1 4:20

Onupɛ anɔ teli aɖɔ asɛ “Ɛdɛmɛ nɔ Owusoso Akaa,” pɛ atɛ adɛmɛ nɔ nɛ̀ yɛadzyaa, asɛnɛ elete yɛenu. Ɔmɔsɛ anɔ ka nyia ka gɛ agɛ dɛmɛ nɔ nɛ̀ yɛadzyaa, anɔ gɛ amɔ nɛ̀ awuhuɔ, atɛ balà adɛmɛ nɔ nɛ̀ Owusoso Akaa gɛ atɛ amɔ nɛ̀ awuhũ.