Yakobo 5:9 - Nyangbo New Testament

⁹ Nɔtɛ ɔvɛnɔ olugbũ nɛ bagɔlɔ ɔkɔ, mɛadzya alɛ mɔ, sɛ tɛ batɛ bekulu ebhu nɛ ɔnɔ. Ɖio, kebhukulueleteɛ tsyɛ yɛeli edulũɔ alɛ!

Yakobo 5:9 Referans Kwoze

Korintoanɛ 1 4:5

Kliso nɔoti kulu kebhu kpɛ otugbà flogo tɛ̀ kibeɛ ba na, nɔzã opo odiyinɔ ɔsɛ Apaleteɛ aba. Yɛaba ebu ebui kpukpũ nɔnɔ gɛ akpasɛ otumũɔ mɛ oyinɔ amana ɔtɔ̃, kɛlɛ ebebu ebuiɛ gɛ lakpasɛ anɔdzyrame yɛitùɔ mɛ akasɛ. Nɛ kibe ɛlɛ Owusoso Akaa aba kpɛ bagɛ kɛlɛ sɛ akpɛ nititíɛ.

Yakobo 4:11

Mɛadzya alɛ mɔ, nɔtɛ ɔzɔɖɔ ebui kpa nɛ bagɔlɔ shu. Anunɔ gɛ aɖɔ ebui kpa nɛ yɛadzya shu alo ekulu ebhu niyɛɛ, alɔɛtití nɛ ɔshaa shu, kɛlɛ ekulu ebhu nɛ ɔlɛ. Onupɛ nokulu ebhu nɛ̀ ɔshaa, kɛlɛ anɛ ɔlɛ abha bhɛbhɛtɛelete nonu, pɔ nodzi ebhu ekukuluelete ɔkɔ ɔshaa.

Petro 1 4:9

Nɔyɛkɛ agɔlɔ kpɛ bapãmɛ ɔkɔ tɛ̀ nɔtɛ zɔɖɔ kaɖɔ nɛ kɛlɛ shu.

Galatianɛ 5:26

Nɔtɛ kɔ buzi feke ɔlɔ ishu, tɛ bɔzɛ kpɛ bagɔlɔ ɔmɔpɔɛ nɛ̀ awɔ̃.

Petro 1 4:5

Pɔ babà bhɛtɛ̀ akɔnta akɔ anunɔ gɛ abalɛ̀ eli akɔ kebhu kukulu nɛ̀ benunuɔ nɛ̀ bagɛ etsitsíɛ tsyɛ.

Galatianɛ 5:14

Bebhui ɔshaa petee gulũi nɛ̀ ɔsha kɔkɔ tonikpo ɔlɛ ɔsɛ, “Dɛmɛ nɛ wɔhagbo asɛ gɛ ɔdɛmɛ nɛ wɔshu ana.”

Korintoanɛ 1 10:11

Ebui alɛ aba balɛ abha sɛ tɛ balɔkɔ amɔ elu, kɛlɛ bafɔnɔ alɛ elú sɛ tɛ balɔkɔ etseɖe nɔ nɛ bɔlɔ, bɔlɔ bagɛ ebuiɛ gɛ bafɔnɔ eluɔ aba bɔlɔ abha.

Korintoanɛ 2 9:7

Kɛlɛ sɛ anɔ ka nyia ka akɔ kɛgɛ atɔɖɔ asɛ akɔ edenɔ yitúɔ mɛ̀, gɛnɛ gana kibui tɔtɔɖɔ ɔkɔ banɔ abha, ɔmɔsɛ Owusoso Akaa adɛmɛ nɛ̀ anɔ gɛ akɔ kɛdɔ̃ nɛ̀ same.

Kibui Bubú Kasɛ 3:20

Mɛ nɛ alɛ! Ili itití nɛ edulũɔ pɛ ibho opupuɔ. Onupɛ anɔ teli elũ mɛɔdɔ̃ pɛ adalɛ opupuɔ, ɛbatsoku buvũɔ mɛ kɛlɛ ɛbaŋã ɔdɔ̃ nii, kɛlɛ yɛtsyɛ abaŋã nɛ̀ mɛ.

Yakobo 4:12

Anɔ tenikpo ko yɛenu Ɔshakpɛkpɛelete nɛ̀ Kebhukluanɔ, yɛenu anunɔ gɛ alà elu anɔ ɛkpã kɛlɛ yɛalà ezĩ udɔ̃ tsyɛ. Wɔnɔ pɔ, afana nɔonu pɛ nokulu ebhu nɛ̀ wɔnɔ ɔhagbo alɛ?

Yakobo 5:7

Kliso mɛadzya alɛ mɔ, nɔdɔ fɔ̃ɔ ɔvɛnɔ Apalete nɛbabe. Nolu awɔ̃ nɛ kɛdɔ gɛ ayadɛ àdɔ fɔ̃ɔ akɔ esiakpa sɛ tɛ kakɔ ɔdɔ̃eyi eshè nɛ alɛ abha, nɛ̀ kipoɔ gɛ epo subha nɛ yɛdɔbeɛ oɖi.

Yakobo 5:10

Mɛadzya alɛ mɔ, tɛ kidzi tɛlɔlɔkɔ shɔnɔ nɛ tɛdɔdɔ fɔ̃ɔ nɛ bɔtɔ mɛ shuɔ, nɔbaka ebuiɖɔluanɛ gɛ azaɖɔaɖɔ nɛ Apalete nɛinye mɛ ayɛ oɖi.