Yakobo 5:19 - Nyangbo New Testament

¹⁹ Mɛadzya alɛ mɔ, onupɛ ɔnɔ mɛ anɔ teli etsyina nɛ ibui gɛ lɛ ɛlɛ ɔzãkɔ niede pɛ anɔ teli edzini yɛetsyina amanaa,

Yakobo 5:19 Referans Kwoze

Galatianɛ 6:1

Mɛadzya alɛ mɔ, onupɛ bevũ anɔ teli nɛ ebui kpa bhɛbhɛtɛ mɛɛ, wɔnɔ bagɛ ɔfɔfuĩa nɔ kpasɛ ɔnɔ mɛɛ, nɔohu buluhũ ɔkɔɛ nɛ kidzo gbangbã abha tɛ etsyina aba. Pɔ noɔlu awɔ̃ nɛishu, ɔsɛ tɛ wɔnɔ tsyɛ ɔtɛmɔ̃ tifefekeɖi ɛlɛ.

Yakobo 5:20

nɔbaka ɔsɛ, anunɔ gɛ etsyina ebui kpa bhɛbhɛtɛelete nɛ yɛesitatá edzo nabhaa, ebui nɛ utsí ahɔɛ mɛ, kɛlɛ balɔkɔ yɛebui kpa bhɛbhɛtɛ gelee nɔ etsyee.

Petro 2 3:17

Klisoɔ, mɛ ɔbhia alɛ gɛ ɛdɛmɛ nɔ, gɛ nonyi kibui ɛlɛ soɔ, nɔzã nawɔ̃ sɛ tɛ̀ bagɛ betie shù ɔshaa atɛba gbanà wɔnɔ ata esi, tɛ̀ nɔotibo dɔ oboe nɛ ɔzãkɔ gɛ nodzi gagalĩɛ.

Timoteo 1 6:10

Ɔmɔsɛ ehoeyi tɛdɛdɛmɛ nɔ alɛenu iguɔ ɔkɔ ebui kpa bhɛbhɛtɛ petee. Banɔ teli gɛ bapɛ asɛ tɛ bamɔ ehoeyiɛ, betsyina nɛ tɛyɛyɛkɛŋã shu kɛlɛ bakpɛ balɛishu apɔ̃ nɛ̀ ɔwɔ̃nyɔnɔ gelee.

Timoteo 1 6:21

ebui gɛ banɔ teli baɖɔ elu, kɛlɛ nɛ ebui alɛ tɛbhɛbhɛtɛ mɛɛ, bashɛ nɛ tɛyɛyɛkɛŋã niede. Tibhui bhuibuɔ zã plɛnɔ wɔ o.

Yuda 1:11

Aba gagalĩ akɔ alɛ! Balɔkɔ Kain idzoɔ, bebu tɛtsɛɖɛ mɛ avɛ̀ tɛ badɛ mɔ ɛdɔ̃ gɛmɔ tɔɖɔ odenɔ Baalam kesi tata mɛ, beyì alɛ nɛ Korax kititì lɔlɔ mɛ.

Yakobo 3:14

Onupɛ kiwuhũ dzadzã kɛtɛ́kɛtɛ́, nɛ̀ mɛ ete yɛtɛpɛpɛ ebui alɛ akpasɛ ɔnɔ etúɔ mɛɛ, nɔtɛotũ itelũ nɛ alɛishu alo tɛ nɔzɔdɛ adã nɛ ibui gbangbã shu.

Timoteo 2 2:18

banɔ gɛ beyì ide nɛ kibui gbã shu. Baɖɔ asɛ tɛlɔlɔ denɔ bekpuɔ mɛ tɛba bafalanɔ, kɛlɛ bezĩ beteli tɛyɛyɛkɛŋã mɛ.

Hebrianɛ 5:2

Banɔlũazazã gbagbla alɛ, alàdɔ fɔ̃ akɔ bagɛ nɛ balɛ ibui matimati mɛ pɛ batɔnɔ edzo bhlatɔ avɛɛ, gɛ yɛ tsyɛ bɔtɔ ɔlɛ lɛ yɛishu so.

Yakobo 1:16

Mɛadzya alɛ gɛ ɛdɛmɛ nɔ, nɔtɛkɔ anɔ nanà awɔɛ ɔnɔ.

Yakobo 1:19

Mɛadzya alɛ gɛ ɛdɛmɛ nɔ, nolu awɔ̃ nɛ̀ ibui ɛlɛ ɔsɛ, anɔ nyia anɔ àhɔa nɛ ibui tilulũ mɛ, tɛ adɔfɔ̃ nɛ kaɖɔ ɖɔɖɔ nɛ̀ ɔmɔpɔɛ kpɛkpɛ mɛ,