Yakobo 5:16 - Nyangbo New Testament

¹⁶ Kliso nɔdalɛ ɔnɔ ebui kpa mɛ ɔkɔ bagɔlɔ, tɛ nokulu Owusoso Akaa ɔkɔ bagɔlɔ tɛ kɛkɔ ɔsɛ nɔmɔ ishu mɛ gagalĩ. Bupu lɛ anɔ gbangbã yɛ Akaa tikukulu mɛ kɛlɛ kɛwɔa axɔ̃ɛ tsyɛ popopo.

Yakobo 5:16 Referans Kwoze

Petro 1 2:24

Yɛalɔkɔ bɔlɔ ebui kpa akpɛ yɛishuɔ mɛ̀ nɛ busiɛ shu, sɛ tɛ butsì ɔkɔ kibui kpa bhɛbhɛtɛ tɛ̀ bɔzã nɛkpã ɔkɔ kibui gbangbã tɛbhɛbhɛtɛ, ganà yɛapɔ̃ mɛ bebu banyã akɔ wɔnɔ.

Yohanes 1 3:22

asɛ bɔbà yɛkɛ kɛka nyia ka gɛ bubusì odenɔ yɛahɔɛ mɛ, ɔmɔsɛ bulũ batɔ̃ akɔ yɛɔsha pɛ bɔbhɛtɛ kɛgɛ kikù yɛawɔ nabha.

Banɔkpɛkpɛ Axɔ̃ɛ 19:18

Otsi alɛ banɔ kpekpèɛ gɛ ayɛkɛ aŋã bege kpũ balɛishu kɛlɛ babadalɛ balɛ ishumɛ nɛ balɛ ebui kpa gɛ bahɛtɛ shu.

Tesalonikanɛ 1 5:17

Nɔzã kɛlɛ abha tɛ nokulu Owusoso Akaa,

Hebrianɛ 12:13

“Nowoese edzoɔ tɛ ladɔ akɔ wɔnɔ ɛtsɛɖɛkpɔ,” sɛ tɛ banɔ gɛ agbã atɛgbã atɔɖɔ, pɔ tɛ bamɔ ishu mɛ gagalĩ.

Tesalonikanɛ 1 5:25

Bɔlɔ adzya alɛ mɔ, nokulu Owusoso Akaa ɔkɔ ɔlɔ.

Hebrianɛ 13:18

Nookulu Owusoso Akaa nɛ ɔlɔ ɛtakpu. Bɔyɛkɛ ŋã sɛ bɔlɛ nɛ etú dadalɛ mɛ, kɛlɛ bɔɔpɛ sɛ tɛ bɔzã nɛ̀ ɛkpã dadalɛ nɛidzo nyiɛ idzo abha.

Hebrianɛ 11:7

Gana tɛyɛyɛkɛŋã mɛɛ, gɛ bakɔ Noa yɛeti asɛ kɛgɛ kabaɖi bàba ɛlɛ mɛɛ, alɔkɔ atɔ̃ lulũ gbangbã afatɛ kelĩabha ohu pɛ alɔkɔ ebu yɛɔpã nɔ. Alɔkɔ yɛtɛyɛyɛkɛŋã ebu kanɔ mɛanɛ nɛpɔ nɔ̀, kɛlɛ edzi kaŋãsiɛelete gbangbã gɛide tɛyɛyɛkɛŋã mɛ.

Romanɛ 5:19

Ɔmɔ asɛ gana anɔ tenikpo alɛ batɔ̃ malũ malu mɛɛ, banɔ petee edzi ebui kpa bhɛbhɛtɛeleteɛ, kidzo ɛlɛ nabha ke gana anɔ tenikpo alɛ batɔ̃ lulũ mɛɛ, babàbhɛtɛ banɔ gele tɛ bedzi banɔ gbangbã.

Romanɛ 3:10

Asɛ kɛfɔ̀nɔ gɛ bafɔnɔ elu asɛ, “Anɔ nanà ama gɛ enu anɔ gbangbã, tenikpo ete tsyɛ ama,

Hebrianɛ 11:4

Nɛ tɛyɛyɛkɛŋã mɛɛ, Abel akɔ Owusoso Akaa ɔdɔ̃ pɔpɔɛ gbangbã ɔdɛ Kain. Gana tɛyɛyɛkɛŋã mɛɛ, yɛibui ku Owusoso Akaa awɔ̃ kɛlɛ aɖɔaɖɔ gbangbã nɛ yɛɔdɔ̃ kɔkɔɔ shu. Abel etitsí, pɔ nɛ tɛyɛyɛkɛŋã mɛɛ, akaɖɔaɖɔ.

Banɔkpɛkpɛ Axɔ̃ɛ 10:38

kana gɛ Owusoso Akaa asara bɔbɔ akɔ Yesu Nazareteyiɛ nɛ̀ Ɔfɔfuĩa Gbangbã nɛ̀ ohumi, nɛ kana gɛ azagã fala pɛ azabhɛtɛ ebui gbangbã, pɛ ebu banyã nɛ bagazã abosam yɛ ohumi niesi pete mɛ, ɔmɔsɛ Owusoso Akaa azãplɛnii.

Tesalonikanɛ 1 5:23

Owusoso Akaa, yɛahɔɛ ishu yɔyɔ, dalɛ wɔnɔ shu tɛ̀ edzinɔ adalɛ. Tɛ̀ Wɔnɔ ɔfɔfuĩa nɔ petee, kɛtɔwuiɛ nɛ̀ ishudzyaa zã kɛpɔ mabu mabu nɛ Apalete Yesu Kristo tɛbabaa shu.

Koloseanɛ 1:9

Nɛ kibui ɛlɛ shu soɔ, odenɔ kiwuiɛ gɛ kɛlɛ abha bulũ wɔnɔ ɔdɔ̃ɔ, bɔkà yɔlɔ Owusoso Akaa tikukulu kɔ ɔnɔ pɛ bubisi Owusoso Akaa sɛ eyuku ɔnɔ mɛ nɛ̀ kibuititì nɛ yɛ tɛpɛpɛ ulũ ɔganà ɔfɔfuĩa mɛ bubuti nɛ̀ ebui esi lulũɔ petee mɛ.

Banɔkpɛkpɛ Axɔ̃ɛ 8:24

Simon ebuiliulũ asɛ, “Nokulu Apaleteɛ nɛ mɛ ɛtakpu, ɔsɛ tɛ ebui alɛ gɛ nɔɖɔɔ nanà atɛba mɛabha.