Yakobo 4:4 - Nyangbo New Testament

⁴ Wɔnɔ ɔmamɛ dɛdɛelete, notinyi ɔsɛ nɔɔŋã ɛbhia nɛ̀ kanɔ alɛ mɛɛ, kɛlɛ notsyina odzi banɔ gɛ banyana Owusoso Akaa akpɛ ɛya mɛɛ dza? Anɔ nyia anɔ gɛ edzi ɔbhia ɔkɔ kanɔ alɛɛ, kɛlɛ etsyina edzi anunɔ gɛ agɛ dɛmɛ nɛ Owusoso Akaa.

Yakobo 4:4 Referans Kwoze

Romanɛ 8:7

ebui kpa bhɛbhɛtɛ ekpeɖekpeɖe enu kitití lɔlɔ nɛ Owusoso Akaa shu. Atɛ bhɛtɛ Owusoso Akaa ɔsha nabha, kɛlɛ atɛ balà abhɛtɛ tsyɛ.

Galatianɛ 1:10

Banɔ mɛpɛ otsiɛ ɔsɛ baɖɔ atɔɖɔ mɛibuiɛ nabha pɛnɔsɛ Owusoso Akaa dza? Pɛnɔsɛ banɔ mɛpɛ ɔsɛ tɛ mɛiku alɛ awɔ̃ dza? Onupɛ ɛka pɛ ɔsɛ tɛ mɛiku banɔ awɔ̃ɔ, kɛlɛ ɛtɛ balà dzi axɔ̃ɛdɛ ɔkɔ Kristo.

Yakobo 1:27

Kɛtakpu esi kpɛkpɛ gɛ kɛli shu bhui pɛ kibo nanà ma kɛlɛishu, nɛ bɔlɔ Owusoso Akaa namɛɛ nu ɔsɛ tɛ nɔplɛnɔ batsyãnbhi nɛ̀ bavɛvɛ edzini nɛ balɛ ɔtɔ mɛ. Kɛlɛ tɛ anɔ alà yɛishu ebu nɛ kanɔ mɛ ebuiɛ gɛ letuturu anunɔɔ mɛ.

Romanɛ 5:10

Ɔmɔsɛ nɛ kibeɛ gɛ bɔgɛ dɛmɛ nɛ Owusoso Akaa, Yɛeyiɛ ebevũ iboe nɛ bɔlɔɛishi, ɔgana yɛutsíɛ mɛ. Gɛ evũ iboe ɛlɛ anaa, kɛlɛ́ pɛ atɛ balà ɔlɔ ebu ɔgana yɛkpã gɛ alɔkɔ eluɔ mɛɛ dza?

Korintoanɛ 1 1:20

Fakɔ ebutinɛ alɛ? Fakɔ buplukpaeleteɛ alɛ. Fakɔ bagɛ apɛɛ obo kanɔ nɔ̀ bubutì idzoɔ alɛ dza? Owusoso Akaa egitsyina kanɔ alɛ mɛ bubutiɛ budzi bɔga dɔdɔ dza?

Korintoanɛ 1 1:21

Nɛ Owusoso Akaa bubuti nulũ soɔ, kanɔ alɛ mɛ gana kalɛ bubutiɛ mɛ betinyi yɛ, bɔwɔaga kibuiɛ gɛ baɖɔ tɛ bebù bagɛ ayɛkɛ aŋã elu nɛkpã ku Owusoso Akaa nɔ awɔ ɔdɛ.