Yakobo 3:17 - Nyangbo New Testament

¹⁷ Bubutiɛ gɛide kititíɛ pɔɔ, putɔ nɔɔ, bɔlɛishu dalɛ, gɛ bɔdɛmɛ nɛ anɔ nɛishu yɔyɔ mɛ, ɔhagbo esi tilulũ, ishu esi tizhizhinɔ, gɛ ashagabui ɖiɖi nɛ̀ eyuyu gbangbã akpasɛ, banɔ amɛ maɖimaɖi nɛ̀ ebui mɛ dadalɛ alɛ.

Yakobo 3:17 Referans Kwoze

Yakobo 3:15

“Bubuti” ɛlɛ nɛidiɛ, anɛ kitití bude ba, pɔ kanɔ mɛ ɔyɛ bunu, gɛ ɔfɔfuĩa ɔma ɔlɛ mɛ, Abosam ɔyɛ ulinu.

Romanɛ 12:9

Nɔkɔ wɔnɔ tɛdɛdɛmɛ nɔ nɛ̀ banɔ nɔ̀ ode ɛya gbangbã mɛ. Nɔtɛ dɛmɛ nɔ nɛ kibui zizĩ, nɔnyana kibui gbangbã bhɛbhɛtɛ mɛ ovunɔ.

Yakobo 1:17

Bɔdɔ̃ kɔkɔ gbangbã nɛ̀ bɔgɛ na piapii nɔ, kitití bude, nɛ kitití udɔ̃ gɛitseɛ bɔlɛ Akaa ɔkɔ, anunɔ gɛ etitsyina asɛ atɔwui gɛ tsrakɛ ɔzãkɔ ana.

Yakobo 1:5

Onupɛ bubutì ma wɔnɔ ɔmayɛmɛ teli ahɔɛɛ, ebisi Owusoso Akaa gɛ àkɔ anɔ nyɔ̃ɔ ɔdɔ̃ nɛ̀ ɛyamɛ fãa nɔ, pɛ etiɖi ibui kpa nɛ anɔ shu flogo nɔ, kɛlɛ abalɔkɔ akɔɛ.

Yohanes 1 3:18

Mɛeyi alɛ gɛ ɛdɛmɛ nɔ, nɔtɛkɔ bɔlɔkɔ kineke lɔkɔ dɛmɛ nɛ anɔ nɔ, pɔ nɔkɔ bɔlɔkɔ ɔlɔ ebui bhɛbhɛtɛ nɛ̀ kibui gbã builɛ ɔkasɛ.

Petro 1 1:22

Otsiɛ gɛ nɔoplu ishu pɛ nɔolũ atɔ̃ ɔkɔ kibui gbã, sɛ tɛ nɔdɛmɛ nɔ nɛ̀ wɔnɔ adzya alɛ, tɛ nɔdɛmɛ nɔ nɛ bagɔlɔ denɔ kitúɔ mɛ piapii.

Yohanes 1 3:3

Anunɔ gɛ eɖì idzomɛ akɔ yɛɛ adalɛ yɛishu, asɛ kana gɛ yɛishuɔ dalɛ ana.

Hebrianɛ 12:14

Nɔgã idzo ka nyia ka abha tɛ nɔzã nɛ ishu yɔyɔ mɛ nɛ̀ anɔ ka nyia ka tɛ wɔnɔ shu dalɛ, ɔmɔsɛ onu anɛ tɛdadalɛ mɛɛ, anɔ nanà atɛ balà amɔ Apaleteɛ.

Timoteo 2 2:24

Pɔ kɛma ɔsɛ Apaleteɛ axɔ̃ɛdɛ apɛ ebelá, pɔ, kɛlɛ sɛ yɛyamɛ pɛ ɔkɔ aka nyia aka, kɛlɛ sɛ alà bɔdɔ̃ akasɛ, atɛza akpɛ ɔmɔpɔɛ.

Petro 1 2:1

Klisoɔ nɔobu ishu oyinɔ odenɔ banɔ shu zizĩ nɛ̀ banɔ wɔɛwɔɛ mɛ, asɛnɛ sɛsɛ, kawɔ̃kpɛ nɛ̀ banɔ ishutibui tɛɖɔɖɔ ka nyia ka ɛdi mɛ.

Yakobo 2:4

Nɔbhɛtɛ ana pɔ, anɛ ɔtɔ nɔkpɛ nɛ bagɔlɔ ishi, pɛ nɔlɔkɔ ekpeɖekpeɖe mɛ zizĩ okulu ebhu nɔ mɔɔ dza?

Hebrianɛ 12:11

Same atɛzã batɔ̃ ɛpɔbe nanà mɛ, bɔtɔ ɛbe kinu. Nɛ kɛlɛ idegba pɔɔ, kɛmana tɛzazã piapii nɛ̀ ishu yɔyɔ ɔkɔ bagɛ bazã tɛgbagbana niesiɛ.

Koloseanɛ 1:10

Kɛlɛ bukulù Owusoso Akaa sɛ tɛ̀ nɔzã nɛkpã gɛ ɛshɔ̃ ɔkɔ Apaleteɛ pɛ lɛbàku yɛawɔ̃ nɛ kidzo ka nyia ka abha, tɛ̀ nɔoyu eyuyù nɛ kɛxɔ̃ɛ gbangbã ka nyia ka wɔawɔa mɛ̀, tɛ̀ nɔoshè nɛ Owusoso Akaa kibuititìɛ mɛ,

Romanɛ 15:14

Mɛelɛ alɛ mɔ, ɛmɔ kɛlɛ idenɔ mɛishu mɛ ɔsɛ, nodzi banɔ gbangbã nɛ bubuti mɛ, kɛlɛ nɔna gɛ nɔbɔlà kasɛ bagɔlɔ ɔdɔ̃.

Korintoanɛ 1 12:8

Anɔ teli bakɔɛ bubutì kaɖɔɖɔɖɔ ɔganà Ɔfɔfuĩa nɔ mɛ, anɔbhlatɔ tsyɛ bakɔɛ kibuititì ɔganà Ɔfɔfuĩa nɔ mɛ,

Yakobo 4:8

Nótsu ɔplɛnɔ Owusoso Akaa tɛ yɛtsyɛ etsu aplɛnɔ ɔnɔ. Ebui kpa bhɛbhɛtɛ eleteɛ, noplu ɔnɔ ahɔɛ, tɛ nɔdalɛ ɔnɔ etúɔ mɛ, wɔnɔ gɛ ekpeɖekpeɖe mɛ aya taabhaa.

Timoteo 1 5:21

Ɛlɛkɔ ɛlɛ kpɛ wɔahɔɛ sɛ, nɛ Owusoso Akaa nɛ̀ Kristo Yesu nɛ̀ baxɔ̃ɛdɛ namɛɛ, tɛ ɔnyana ebui alɛ mɛ ovunɔ banɔ amɛ maɖi maɖi, kɛlɛ tɛbhɛtɛ kɛnanà tsyɛ ɔlɔkɔ oku banɔ awɔ̃ nɔ.

Banɔkpɛkpɛ Axɔ̃ɛ 11:24

Barnaba edzi anɔ gbangbã teli gɛ̀ Ɔfɔfuĩa Gbangbã ɔzã yɛmɛ̀ pɛ̀ ayɛkɛ aŋã, kɛlɛ bagbana banɔ kpekpè teli amana Apaleteɛ ɔkɔ.

Tesalonikanɛ 1 2:7

pɔ budzi banɔ yɔyɔ nɛ wɔnɔɛshi, asɛ kana gɛ eyielĩ eɖi yɛeyi alɛ abha ana.

Filipianɛ 4:8

Gɔgɔɛ nɔ, mɛadzya alɛ mɔ, kɛnɔnɔ gɛ lɛ ɛlɛ ɔzãkɔ, kɛnɔnɔ gɛ dzã kiwuhũ, kɛnɔnɔ gɛ pɛ̃, kɛnɔnɔ gɛ ɛlɛ shu dalɛ̃, kɛnɔnɔ gɛlɛ sɛ badɛmɛ nɔ, kɛnɔnɔ gɛ kiku anɔ same, onupɛ kibui gbangbã tili, kɛpɛ̃ ɔsɛ bakpɛ ɛlɛ nɛititíɛ, nɔ bhɛtɛ ekpeɖekpeɖe mɛ nɛ alɛ nɛidi shu.

Filipianɛ 1:11

Nɔkɔ kibui gbangbã bhɛbhɛtɛ busi eyuyuɔ gɛ agã Yesu Kristo abha eyuku ɔnɔ mɛ, tɛ kidzi ishu dadalɛ nɛ̀ kinye kpɛkpɛ nɛitití ɔkɔ Owusoso Akaa.

Banɔkpɛkpɛ Axɔ̃ɛ 9:36

Nɛ Yopa ɔmamɛɛ, adɔkpasɛnɛ teli gɛ bezekulu yɛasɛ Tabita azã ɛkɛlɛ. (Nɛ Hela buluhũɔ mɛɛ, bekului asɛ Dorkas.) Tabita azabhɛtɛ ebui gbangbã pɛ alɔkɔ aplɛnɔ betsyuitsyuiɛ nɔ.

Tito 3:2

tɛ̀ batɛ gã olugbũ kedzi nɛ ananà shu, bazã ishu yɔyɔ mɛ tɛ beɖi anɔ ashagabui, tɛ bezhini ishu esi ɔkɔ aka nyia aka.

Tito 1:15

Nɛ banɔ gɛ balɛishu dalɛ shuɔ, kɛka nyia ka shu dalɛ, pɔ nɛ bagɛ batsɔmɔ̃ pɛ bagɛ yɛkɛ aŋã ɔkɔ xɔnɔ, kɛnanà shu gɛ dalɛ. Nɛ kibui gbã mɛ, balɛ ekpeɖekpeɖe nɛ̀ balɛ etúɔ mɛ atsɔmɔ.

Romanɛ 12:18

Onupɛ kɛbalà de wɔnɔ kawɔ̃pɛ mɛɛ, tɛnɔzã nɛ̀ anɔ ka nyia ka nɛ ishu yɔyɔ mɛ.

Efesoanɛ 5:9

tɛ nɔ pɛɛ kɛgɛ ikù Apaleteɛ sameɛ,

Korintoanɛ 2 10:1

Gana mɛishu esi zhizhinɔ nɛ Kristo mɛɛ, ibisi ɛlɛ denɔ wɔnɔ ahɔɛ mɛ, mɛ Paulo ɛbhɛtɛ ebui asɛ “anɔ gɛ esi kifú” nɛ wɔnɔ bamɛ pɔ ɛkpɛ kité gɛ onupɛ ɛlɛ kitsí nɛ wɔnɔ ɔbha.

Korintoanɛ 2 9:10

Otsi nɔ, anɔ nɔ̀ gɛ yɛalɔkɔ bɔdɔ̃eyi akɔ anɔ gɛ yɛahɔɛ bɔdɔ̃eyi nɛ̀ kɛŋaŋã gɛ baŋã, yɛabakɔ asɛ wɔnɔ kibui gbangbã bhɛbhɛtɛ bɔdɔ̃eyi ɔbalɛ ɔkɔ ɔnɛ̀ɛ ɔtɔɖɔ, kɛlɛ abakɔ asɛ wɔnɔ tɛzazã piapi nɔ tsyɛ ba gbogblo ɔtɔɖɔ.

Korintoanɛ 2 6:6

nɛ ekpeɖekpeɖe gbangbã mɛ, ebui esi lulũ, kitú esi lulu nɛ̀ ɛyamɛ gbangbã tɛbhɛbhɛtɛ mɛ, nɛ Ɔfɔfuĩa Gbangbã mɛ tɛzazã nɛ̀ tɛdɛdɛmɛ nɔ gidzuɔ mɛ̀,

Korintoanɛ 2 7:11

Noɖi kɛgɛ ɔwɔ̃nyɔnɔ nɛ Owusoso Akaa mɛ ɔbhɛtɛ nɛ wɔnɔ ɛkpã mɛ, akɔ asɛ nɔkpɛ kemi nɛ kibui shu ɔdɛ, akɔ asɛ nɔpɛ ɔsɛ tɛ wɔnɔ shu dalɛ, akɔ asɛ nɔkpɛ ɔmɔpɔɛ nɛ kɛgɛ gɛpɛ̃ɛ shu, akɔ asɛ notisi kifù, akɔ asɛ noɖi kidzo mɛ ɔkɔ ebui teli, akɔ asɛ nɔlɔkɔ tili nɛebui mɛ, akɔ asɛ nɔpɛ ɔsɛ tɛ bapɔ̃ batɔ̃ akɔ anɔ gɛ atɛa bhɛtɛ kibui gbangbã. Nɛ ebuiɛ alɛ petee mɛɛ, nɔkasɛ ɔsɛ wɔnɔ shu dalɛ nɛ alɛ shu.

Yakobo 2:13

ɔmɔsɛ babalɔkɔ ashagabui maɖimaɖi ekulu ebhu akɔ bagɛ etiɖi anɔ ashagabuiɛ. Yɛ pɔɔ, ashagabui ɖiɖi yɛenu yɛtɛtɔtɔ ɖɔ nɛ yɛebhu kukulu mɛ. Ashagabui ɖiɖi pɔ yɛaŋã abha nɛ yɛebhu kukulu mɛ.

Petro 1 2:18

Banɔ dzidzi mɔ, nɔozhinì wɔnɔ ishu esi ɔkɔ wɔnɔ bapaleteɛ nɛ kɛtakpu esi kpɛkpɛ petee mɛ, gɛnɛ banɔ alɛ gɛapɛ pɛ beeɖì banɔ ashagabui ete, pɔ nɔbhɛtɛ ɛlɛ ɔkɔ bagɛ bagbanà wɔnɔ nɛ tɛgagalĩɛ mɛ tsyɛ.