Yakobo 3:15 - Nyangbo New Testament

¹⁵ “Bubuti” ɛlɛ nɛidiɛ, anɛ kitití bude ba, pɔ kanɔ mɛ ɔyɛ bunu, gɛ ɔfɔfuĩa ɔma ɔlɛ mɛ, Abosam ɔyɛ ulinu.

Yakobo 3:15 Referans Kwoze

Yakobo 3:17

Bubutiɛ gɛide kititíɛ pɔɔ, putɔ nɔɔ, bɔlɛishu dalɛ, gɛ bɔdɛmɛ nɛ anɔ nɛishu yɔyɔ mɛ, ɔhagbo esi tilulũ, ishu esi tizhizhinɔ, gɛ ashagabui ɖiɖi nɛ̀ eyuyu gbangbã akpasɛ, banɔ amɛ maɖimaɖi nɛ̀ ebui mɛ dadalɛ alɛ.

Yakobo 1:17

Bɔdɔ̃ kɔkɔ gbangbã nɛ̀ bɔgɛ na piapii nɔ, kitití bude, nɛ kitití udɔ̃ gɛitseɛ bɔlɛ Akaa ɔkɔ, anunɔ gɛ etitsyina asɛ atɔwui gɛ tsrakɛ ɔzãkɔ ana.

Korintoanɛ 1 3:19

Ɔmɔsɛ kanɔ mɛ bubuti ɛlɛ nu bɔga dɔdɔ nɛ Owusoso Akaa namɛ. Asɛ gɛ bafɔnɔ elú asɛ, “Eevũ bagɛ eɖi asɛ benyi kibuiɛ nɛ balɛ bɔshɛ̃ ebui bhɛbhɛtɛ mɛ”

Filipianɛ 3:19

Kɛgɛ babà alɛ abha kɛlɛinu butsí, balɛ obudiɛ ɔlɛonu balɛ kevũɔ, same eku alɛ nɛ kibui nɔnɔ shu gɛ kɛlɛ sɛ baŋã kiwũi. Balɛ ekpeɖekpeɖeɛ mɛ etsiɖi kesiakpa abha ɔdɔ̃ abha.

Korintoanɛ 1 2:14

Anunɔ gɛ Ɔfɔfuĩa nɔ ma yɛmɛɛ, atɛyɛkɛ ebuiɛ gɛ alɛ ede Owusoso Akaa Ɔfɔfuĩa nɔ mɛ, ɔmɔsɛ lenu kɛwɔaga ibui ɔkɔɛ, kɛlɛ atɛ balà elũ alɛ esi ɔmɔsɛ ɔfɔfuĩa balɔkɔ elũ alɛ esi nɔ.

Korintoanɛ 2 1:12

Pɔ otsiɛ nɔ butũ kitélũ ɔsɛ, bɔlɔ kitú mɛ ebui etseɖe bɔlɔ ɔsɛ bɔnyãna bɔlɔ shu piapii nɛ kanɔ nɔ̀ mɛ, asɛ kana gɛ bɔkpɛ ɔha nɛ̀ wɔnɔ, nɛ tɛdadalɛ kibui gɛlɛ kɛlɛ ɔzãkɔ tɛɖɔɖɔ kide Owusoso Akaa ɔkɔ. Gɛnɛ kesiakpa abha bubutì bɔlɔkɔ bhɛtɛ ebui alɛ nɔ, pɔ nɛ Owusoso Akaa tibhui bhuibu mɛ boŋ.

Yakobo 1:5

Onupɛ bubutì ma wɔnɔ ɔmayɛmɛ teli ahɔɛɛ, ebisi Owusoso Akaa gɛ àkɔ anɔ nyɔ̃ɔ ɔdɔ̃ nɛ̀ ɛyamɛ fãa nɔ, pɛ etiɖi ibui kpa nɛ anɔ shu flogo nɔ, kɛlɛ abalɔkɔ akɔɛ.

Timoteo 1 4:1

Ɔfɔfuĩa nɔ dalɛ ɛlɛ mɛ ɔsɛ nɛ ewui gɔgɔɛ nɔ mɛɛ, beteli aba shɛnɛ ahɔɛ nɛ tɛyɛyɛkɛŋã shu pɛ babà kpatɔnɔ asɛnɛ ɛfɔfuĩa nɛ̀ ebui gɛ ɛfɔfuĩa zizĩɛ kasɛ.

Yuda 1:19

Banɔ alɛ balɛ ebù wɔnɔ ɔtɔ, banɔ gɛ batɔnɔ ishupi mɛ ebui ede pɛ Ɔfɔfuĩa nɔ ma balɛ mɛ.

Korintoanɛ 1 3:3

Kanɔ mɛ banɔ ete nonu. Gɛ kiwuhũ dzadzã nɛ̀ ebela ebui akpasɛ wɔnɔɛishiɛɛ, kɛlɛ kanɔ mɛ anɔ nonuɔ dza? Nɔtɛ ɔbhɛtɛ ebui ɔmɔ asɛ kanɔ nɔ̀ mɛ banɔ nɔ ete dza?

Kibui Bubú Kasɛ 12:9

Balɔkɔ kɛtsɔpɛ hohoeɛ awɔanyã akpɛ esiakpa, eblidzya alɛ gɛ bekulu asɛ Abosam alo Satana pɛ agbana kanɔ nɔ̀ pete aganà kidzo kpa abhaa, balɔkɔ yɛ nɛ̀ yɛaxɔ̃ɛdɛ awɔanyã akpɛ esiakpa.

Kibui Bubú Kasɛ 9:11

Ekusiɛ galɛ alɛ ahɔɛ yɛenu axɔ̃ɛdɛ galɛ ozĩ dzudzu nulũ. Nɛ Hebrianɛ uluhũɔ mɛɛ, bekului asɛ Abadon, kɛlɛ nɛ Helanɛ ɔyɛ mɛ pɔɔ, bekului asɛ Apolion.

Kibui Bubú Kasɛ 2:24

Wɔnɔ Tiatiranɛ gɔgɔɛ nɔ gɛ nɔgɛ nyana yɛɔdɔ̃ kakasɛ ɛlɛ mɛ ovunɔ, pɛ nɔgɛ kpasɛ Satana yɛotumũ mɛedzoɔ (ɛtɛ bawlui kpɛ ɔnɔ bɔtɔ bhlatɔ nanà.)

Tesalonikanɛ 2 2:9

Kɛtakpumɛ gagalĩ eleteɛ tɛbaba bashɔnɔ Satana axɔ̃ɛ wɔawɔa gɛ bebu akasɛ nɛ asɛnɛ atsyindzye ebui, bɔdɔ̃ bubu kasɛ nɛ̀ ebui gɛ abhɛtɛ ibi mɛ,

Korintoanɛ 2 11:3

Pɔ kifu yimɛ sɛ asɛ kana gɛ eblidzya alɔkɔ bɔshɛ edzo awɔɛ Eva nɔ, babà tsyina wɔnɔ tsyɛ ekpeɖekpeɖe mɛ ashɛnɛ nɛ wɔnɔ kibui gbangbã tɛbhɛbhɛtɛ nɛ̀ wɔnɔ ishu tɛlɔlɔkɔ ɔkɔ Kristoɔ shu.

Korintoanɛ 1 1:27

Pɔɔ Owusoso Akaa alɔkɔ bɔga dɔdɔ ebuiɛ nɛ kanɔ nɔ̀ mɛ sɛ tɛ̀ alɔkɔ akpɛ bebutinɛ nawuĩ nɔ. Owusoso Akaa alɔkɔ bɔdɔ̃ gɛ bubotsoɔ akpɛ bɔgagalĩ nawuĩ nɔ.

Romanɛ 1:22

Beɖi asɛ bebuitinɛ benu, pɔ bebedzi baga,

Banɔkpɛkpɛ Axɔ̃ɛ 13:10

“Ɔfɔfuĩa zizĩ eyi wonu, nɛ̀ anɔ gɛ atɔɖɔ kibui kpa nɛ kibui ka nyia ka gɛpɛ shu! Asɛnɛ nɛ̀ bɔshɛ bhɛbhɛtɛ ebui nyɔ̃ɔ alɛ yuku wɔ mɛ. Ɔgɛ zɔyɔlɔ Apaleteɛ nidzoɔ gɛpɛ titsyitsyina dza?