Yakobo 3:14 - Nyangbo New Testament

¹⁴ Onupɛ kiwuhũ dzadzã kɛtɛ́kɛtɛ́, nɛ̀ mɛ ete yɛtɛpɛpɛ ebui alɛ akpasɛ ɔnɔ etúɔ mɛɛ, nɔtɛotũ itelũ nɛ alɛishu alo tɛ nɔzɔdɛ adã nɛ ibui gbangbã shu.

Yakobo 3:14 Referans Kwoze

Yakobo 3:16

Ɔmɔsɛ ɛkɛlɛ gɛ kiwuhũ dzadzã nɛ̀ mɛete ɛyɛ ko kɛlɛ pɛ lɛ̀ɛ, ɛkɛlɛ ɔtɔ bubú nɛ̀ ebui kpa bhɛbhɛtɛ ka nyia ka idi tsyɛ azã.

Korintoanɛ 1 13:4

Tɛdɛdɛmɛ nɔ tɛdɔ fɔ̃ɔ, tɛdɛdɛmɛ nɔ nu ɛyamɛ gbangbã bhɛbhɛtɛ. Tɛdɛdɛmɛ nɔ tɛkpɛ̀ anɔ awɔ̃, tɛdɛdɛmɛ nɔ titũ ahɔɛ nɛ kitelũ, tɛdɛdɛmɛ nɔ tifeke ishu.

Filipianɛ 2:3

Nɔtɛ bhɛtɛ kibui nanà ɔlɔkɔ pɛ ishu tɛpɛpɛ̃ nɔ, alo ishu fefeke gɛ ma kɛnanà mɛ, pɔ nɔ ozhinì ishu esi, tɛ nɔmɔ babhlatɔ asɛ bapɛ̃ adɛ ɔnɔ shu.

Korintoanɛ 1 3:3

Kanɔ mɛ banɔ ete nonu. Gɛ kiwuhũ dzadzã nɛ̀ ebela ebui akpasɛ wɔnɔɛishiɛɛ, kɛlɛ kanɔ mɛ anɔ nonuɔ dza? Nɔtɛ ɔbhɛtɛ ebui ɔmɔ asɛ kanɔ nɔ̀ mɛ banɔ nɔ ete dza?

Romanɛ 13:13

Nɔkɔ bɔzã nɛ ɛkpã gbangbã asɛ kiwui dadalɛ mɛ ana, tɛ bɔta bhɛtɛ agbagbà ebui asɛ bɔmɔ same, tɛ bɔzɛwɔ̃ɛ bunũ tizì buku, tɛ bɔɔbhɛtɛ banyɛ nɛ̀ badzɛ ebui pɛ bɔbaatɛ ishu lu esi. Kɛgɛ pɛ ɔsɛ tɛ bɔɔkpɛ ɔmɔpɔɛ tɛ bɔzɛpɛ ebalá alo tɛ bɔzɛdzã awuhũ nɛ bagɔlɔ shu.

Korintoanɛ 2 12:20

Ɔmɔsɛ kifù yimɛ sɛ onupɛ ɛba wɔnɔ ɔkɔ, ɛtɛbà mɔ wɔnɔ asɛ kana gɛ ɛpɛ sɛ nɔzã, kɛlɛ wɔnɔ tsyɛ ɔtɛbɔ mɔ mɛ asɛ kana gɛ nɔpɛ ɔsɛ tɛ mɛzã. Kifù yimɛ ɔsɛ ebelà pɛpɛ ebui, kabhãwawlakɛ ebui, ɔmɔpɔɛ kpɛkpɛ, ɔhakpa yaya, kaɖɔ kpa tɛɖɔɖɔ, banɔ shu tizizĩ, ishu fefeke nɛ̀ kawlɔ̃akɛ ebui ebeku wɔnɔ mɛ.

Filipianɛ 1:15

Kibui gbã kinu ɔsɛ, beteli aɖɔ Kristo ibuiɛ nɛ kiwuhũ dzadzã nɛ̀ kabhã wɔawlɔ̃akɛ mɛ, pɔ teli xɔnɔ̃ aɖɔ ɛlɛ ɔganà kibui gbangbã mɛ.

Yakobo 5:19

Mɛadzya alɛ mɔ, onupɛ ɔnɔ mɛ anɔ teli etsyina nɛ ibui gɛ lɛ ɛlɛ ɔzãkɔ niede pɛ anɔ teli edzini yɛetsyina amanaa,

Banɔkpɛkpɛ Axɔ̃ɛ 5:17

Kɛlɛ banɔlũazazã gbagbla nɛ̀ yɛɔbhialɛ gɛenu Zadukianɛ kɛza mɛ anunɔ, balɔkɔ kabhã wɔawlɔakɛ.

Tito 3:3

Kibè tili gɛ bafala, bɔlɔ tsyɛ zɛdɔ bɔga, bugizi lũ atɔ̃, bawɔɛ ɔlɔ budzi banɔ dzidzi ɔkɔ kanɔ mɛ bɔdɔ̃ nɛ̀ kalɛ mɛ same ebuiɛ petee. Bɔzana ɛkpã kpa kɛlɛ bɔkpɛ banɔ awɔ̃, bɔkɔ sɛ banɔ anyanã ɔlɔ akpɛ ɛyamɛ kɛlɛ bɔlɔ tsyɛ nyanã bagɔlɔ kpɛ ɛyamɛ.

Timoteo 1 6:4

efeke yɛishu kɛlɛ etielũ kɛnanà esi. Enu anɔ gɛ akpɛ same nɛ ebui wɔawlɔ̃akɛ gɛ kesilulũ nanà ama alɛ shuɔ mɛ, ebela pɛpɛɛ nɛ̀ ebui gɛ la mana kiwuhũ dzadzã, anɔ nyanyana kpɛ ɛyamɛ, anɔ shu zizĩ ebui tɛɖɔɖɔ, kizizĩ tɛlɔlɔkɔ nɛ anɔ shu,

Korintoanɛ 1 5:2

Kɛlɛ nofeke wɔnɔ ishu! Gɛnɛ ɔwɔ̃nyɔnɔ boŋ ɔlɔtɔzã wɔnɔ mɛ pɛ notobu anyɛ gɛ abhɛtɛ kibui ɛlɛ oyinɔ nɛ wɔnɔ ɛshiɛ dza?

Romanɛ 2:8

Pɔ bagɛ bapɛ balɛyɛ ete tɛpɛpɛ, pɛ bashɛ nɛ ahɔɛ nɛ kibui gɛlɛ ɛlɛ ɔzãkɔ shu pɛ balɛ ebui kpa edeɛ, batɔ̃ pɔpɔ̃ gagalĩi nɛ̀ ɔmɔpɔɛ ɔlɛ ɔkɔ alɛ.

Galatianɛ 6:13

Bagɛ bebhui ahɔ̃a akɔ alɛ tsyɛ elo, batɛ abhɛtɛ atɔɖɔ ɔshaa nabha, pɔ bapɛ asɛ tɛ̀ bebhui kɛhɔ̃a akɔ ɔnɔ sɛ tɛ̀ betũ itelũ nɛ ɔnɔ ishu tɛlɔlɔkɔ kɔ alɛ sɛ bebhui kɛhɔ̃a akɔ ɔnɔ shu.

Galatianɛ 5:26

Nɔtɛ kɔ buzi feke ɔlɔ ishu, tɛ bɔzɛ kpɛ bagɔlɔ ɔmɔpɔɛ nɛ̀ awɔ̃.

Galatianɛ 5:21

nɛ̀ kawɔ̃kpɛ, bunù tibubuku, edzo kpa ede tɛtɔtɔnɔ, nɛ agɛ dzi asɛ alɛ nɛidi. Ɛkpɛ ɔnɔ ɔsha, asɛ gɛ ɛtɛ kpɛ bafala nɔ ɔsɛ, banɔ gɛ edzi nɛ ɛkpã ɛlɛ nɛidiɛ batɛ bavɛ Owusoso Akaa bukusi ŋaŋãa mɛ.

Galatianɛ 5:15

Onupɛ nɔ onemì agɔlɔ asɛ tɛ̀ novũ agɔlɔ mɛnɔ ana, nɔoɖi piapii onu gɛnɛ ana, noboyì agɔlɔ.

Korintoanɛ 1 5:6

Wɔnɔ ishuɔ gɛ nofekeɛ gɛ pɛ. Nɔoti nyi ɔsɛ amɔwɔ tsɔtsɔ̃mɔ bhlui teli yɛakɔ avɔvɔ gɛ ekpéɛ tsyɛ atsɔmɔ̃ɔ dza?

Romanɛ 2:17

Wɔ, onupɛ okulu ishu ɔsɛ Yudaeyi wonu, pɛ olu awɔ̃ nɛ ɔsha nabha, pɛ ofeke ishu nɛ wɔ Owusoso Akaa yɛeyi dzidzì shu,

Romanɛ 1:29

Banunɔ mɛ eyuku nɛ̀ atakpu mɛ gagalĩ, ebui zizĩ, mɛete ɛyɛ tɛpɛpɛ̃ nɛ̀ banɔ tidzyidzyini ɔkpɛ, alɛ ayɛkɛ alɛ mɛ. Ebui kpa bhlatɔ enu awuhũ dzadzã nɛ banɔ shu, banɔ yiyí, ebla pɛpɛ, banɔ wɔɛwɔ̀ɛ nɛ̀ ɔhagbo shu tizizĩ. Benu olugbũedzi agagã anɔ,

Banɔkpɛkpɛ Axɔ̃ɛ 26:9

“Mɛtsyɛ kibui ɛlɛ gɛikù mawɔ flogo, kliso ɛbhɛtɛ kɛka nyia gɛ ɛbalà tɛ ɛlɔɛtití nɛ Yesu Nazaretieyiɛ shu.

Banɔkpɛkpɛ Axɔ̃ɛ 13:45

Gɛ Yudanɛ amɔ banɔɛza gɛishogòɔ, kabhã wɔawlɔakɛ eku balɛ mɛ, kɛlɛ bakpà akwalatu ebui aɖɔ nɛ kɛgɛ Paulo azaɖɔɔ shu.

Banɔkpɛkpɛ Axɔ̃ɛ 7:9

Gɛ balɔkɔ kawɔ̃kpɛ nɛ Yosef shu soɔ, badɛ̀ yɛakɔ Egipteanɛ asɛ anɔ dzidzì ana. Pɔ, Owusoso Akaa azã aplɛnii,

Galatianɛ 5:20

ibudi ebui bhɛbhɛtɛ nɛ̀ banɔ tatã, anɔ nyanyana kpɛ ɛyamɛ, ebela pɛpɛɛ, kiwuhũ dzadzã, ɔmɔpɔɛ zizĩ kpɛkpɛ, mɛ ɛyɛ ete tɛpɛpɛ̃, kibui esi malũ malu, kititì lɔlɔ nɛ agɔlɔ shu

Timoteo 1 2:4

anɔ gɛ apɛ asɛ tɛ bebu anɔ ka nyia ka sɛ tɛ baba kibui titìɛ gɛ lɛ ɛlɛ ɔzãkɔ mɛ.

Yakobo 1:18

Adɛmɛ ayɛkɛ ɔlɔ amɔ aganà yɛibuiɛ gɛlɛ ɛlɛ ɔzãkɔ mɛ, sɛ tɛ budzi asɛ yɛɔdɔ̃ eyuyu gɛiputɔ odenɔ yɛɔdɔ̃ bhɛbhɛtɛ nɛishi.