Yakobo 3:13 - Nyangbo New Testament

¹³ Afana gɛenu ebuitinɛ nɛ̀ ebui esi lulũelete nɛ wɔnɔ mɛ? Anɔ alɛ alɔkɔ ɛkpã gbangbã ebu ɛlɛ akasɛ ɔgana yɛebui bhɛbhɛtɛ mɛ, kɛlɛ tɛ abhɛtɛ alɛ ɔgana ishu esi zhizhinɔ gɛide ubuti mɛ.

Yakobo 3:13 Referans Kwoze

Galatianɛ 5:23

ishu nyanyãnà, nɛ̀ ishu abha tɛŋaŋã. Ɔsha nanà ɔgɛnyã ebui alɛ nɛidi.

Yakobo 3:17

Bubutiɛ gɛide kititíɛ pɔɔ, putɔ nɔɔ, bɔlɛishu dalɛ, gɛ bɔdɛmɛ nɛ anɔ nɛishu yɔyɔ mɛ, ɔhagbo esi tilulũ, ishu esi tizhizhinɔ, gɛ ashagabui ɖiɖi nɛ̀ eyuyu gbangbã akpasɛ, banɔ amɛ maɖimaɖi nɛ̀ ebui mɛ dadalɛ alɛ.

Koloseanɛ 3:12

Kliso asɛ banɔ gɛ Owusoso Akaa ebu elù, gɛ balɛishu dalɛ pɛ adɛmɛ nɛ alɛ ana, nɔlɔkɔ ashagabui ɖiɖi, ɛyamɛ gbangbã tɛbhɛbhɛtɛ, ishu esi zhizhini, ishu nyanyana ovunɔ nɛ̀ kitu esi lulu ɔkpɛ asɛ akpɛkpɛ.

Petro 1 2:12

Nɔzã nɛ̀ ɛkpã gbangbã ɛlɛ nɛidi nɛ bagɛ agɛ yɛkɛŋã nɛishi, sɛ gɛ bebu wɔnɔ kɛpɔ sɛ nɔbhɛtɛ ebui kpa tsyɛ elo, babàmɔ wɔnɔ ebui gbangbã tɛbhɛbhɛtɛ kɛlɛ babà dalɛ Owusoso Akaa nɛinyeɛ shu nɛ kiwui ɛlɛ nabha gɛ ababa ebeɖi ɔlɔ.

Tito 3:2

tɛ̀ batɛ gã olugbũ kedzi nɛ ananà shu, bazã ishu yɔyɔ mɛ tɛ beɖi anɔ ashagabui, tɛ bezhini ishu esi ɔkɔ aka nyia aka.

Timoteo 2 2:25

Bagɛ balɔ kititì nɛishuɔ tsyɛɛ, kɛlɛ sɛ yɛishu mɛ yɔ tɛ ebu ebui esi ɔkɔ alɛ, nɛ̀ kidzo mɛ ɖiɖi ɔsɛ Owusoso Akaa abakɔ alɛ etú mɛ tsyitsyina gɛ ɛba gbana alɛ vɛnɔ kibui titìɛ gɛinu kibui gbã mɛ,

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Timoteo 1 6:11

Pɔ wɔ, Owusoso Akaa anɔ, bu tɛtsɛɖɛ mɛ ɔshɛ nɛ ebui alɛ petee shu, tɛ ɔtɔnɔ ebui gbangbã tɛbhɛbhɛtɛ, Owusoso Akaa mɛ tɛzazã, tɛyɛyɛkɛŋã, tɛdɛdɛmɛ nɔ, kemikpɛkpɛ nɛ̀ anɔ yɔyɔ tidzidzi ede.

Yakobo 2:18

Anɔ teli abaɖɔ asɛ, “Tɛyɛyɛkɛŋã lɛ wɔahɔɛ, kɛlɛ mɛ pɔ kɛxɔ̃ɛ wɔawɔa kɛlɛ ɛlɛ mɛahɔɛ.” Ɛbabu kɛliulũ kɔɛ ɔsɛ, kasɛ mɛ wɔtɛyɛyɛkɛŋã nɛ̀ ɛxɔ̃ɛ mawɔa mawɔa, tɛ mɛ tsyɛ ɛkasɛ wɔ mɛ tɛyɛyɛkɛŋã gana mɛxɔ̃ɛ gɛ ɛwɔaa mɛ.

Petro 1 2:9

Pɔ nɔonu banɔ gɛ bebú elú, bukusi ɔŋakɔ gɛ nɔonu ekusi, kɛmadi gɛdalɛ, banɔ gɛ benu Owusoso Akaa ayɛ, sɛ tɛ nɔɖɔaɖɔ ɔkpɛ anunɔ gɛ ekulu wɔnɔ yɛinyeɛ nɛitití, anunɔ gɛ ebu wɔnɔ eyinɔ odenɔ otumũɔ mɛ amana tɛdadalɛ gɛ bhɛtɛ ibiɛ mɛ.

Yakobo 1:21

Kliso nɔshɛnɛ ahɔɛ nɛ atsɔ̃bui idi ka nyia ka bhɛbhɛtɛ, nɛ̀ ɛkpã zizĩ ka nyia ka gɛ likpũ kpasɛ ɔnɔ mɛɛ shu olu, tɛ nozhinɔ ishu esi tɛ nɔyɛkɛ yɛibui gbangbã gɛ baɖa kpɛ wɔnɔ mɛ. Gɛ kɛlɛ balà yɛkɛ ɔnɔ olu nɛ ɛkpãa.

Timoteo 1 4:12

Tɛkɔ ɔsɛ ananà eɖi wɔ asɛ anuvɔ wɔonu so, pɔ kpɛ kibui tili olu ɔgana kaɖɔ ɖɔɖɔ mɛ, nɛ wɔɛkpã mɛ, wɔtɛdɛdɛmɛ nɛ̀ anɔ, nɛ tɛyɛyɛkɛŋã nɛ̀ ɛkpã dadalɛ mɛ.

Korintoanɛ 2 10:1

Gana mɛishu esi zhizhinɔ nɛ Kristo mɛɛ, ibisi ɛlɛ denɔ wɔnɔ ahɔɛ mɛ, mɛ Paulo ɛbhɛtɛ ebui asɛ “anɔ gɛ esi kifú” nɛ wɔnɔ bamɛ pɔ ɛkpɛ kité gɛ onupɛ ɛlɛ kitsí nɛ wɔnɔ ɔbha.

Yakobo 3:1

Mɛadzya alɛ mɔ, anɛ ɔnɔ mɛ anɔ ka nyia ka kɛlɛ sɛ yɛalɔkɔ ishu asɛ enu adɔ̃kasɛ, ɔmɔ asɛ kinyeɛ gɛ nonyi ana, bebèkulu ebhu gagalĩ akɔ bɔlɔ agɛ ɛkasɛ ɔdɔ̃ ɔdɛ anɔ nyia anɔ.

Efesoanɛ 4:2

Nɔ ozhinì ishu esi tɛ nɔ nyanà ishu ovunɔ piapii, nɔdɔ fɔ̃ɔ, tɛ nɔmɔ̃ ɔtɔ mɛ kɔ agɔlɔ nɛ tɛdɛdɛmɛ nɔ mɛ.

Galatianɛ 6:4

Anɔ ka nyia ka elu awɔ̃ eɖi yɛebui bhɛbhɛtɛ. Kɛlɛ abalà etũ yɛahɔɛ itelũ, gɛ atɛbà lɔkɔ yɛishu ashɔnɔ anɔ nanà,

Galatianɛ 6:1

Mɛadzya alɛ mɔ, onupɛ bevũ anɔ teli nɛ ebui kpa bhɛbhɛtɛ mɛɛ, wɔnɔ bagɛ ɔfɔfuĩa nɔ kpasɛ ɔnɔ mɛɛ, nɔohu buluhũ ɔkɔɛ nɛ kidzo gbangbã abha tɛ etsyina aba. Pɔ noɔlu awɔ̃ nɛishu, ɔsɛ tɛ wɔnɔ tsyɛ ɔtɛmɔ̃ tifefekeɖi ɛlɛ.

Korintoanɛ 2 8:24

Klisoɔ, nɔkasɛ banɔ alɛ ɔsɛ nɔdɛmɛnɔ nɛ alɛ, nɛ kɛgɛ kɛlɛishu so pɛ butũ ahɔɛ nɛ kitelũ nɛ wɔnɔ kɛtakpuɔ tɛ̀ ɔhaa balà amɔ ɛlɛ.

Petro 1 3:4

Pɔ nɔkɔ wɔnɔ bubite yiyìɛ dè kitúɔ mɛ, bubite yiyiɛ gɛ bɔtɛ balà bele gɛide ɔfɔfuĩa nɔ gɛɔtɔ ɖɔaɖɔ mɛ̀ pɛ lɔtɛ ɖɔaɖɔ mɛ, gɛ kɛyɛkɛ kedzì hohoe nɛ Owusoso Akaa namɛ.

Korintoanɛ 1 6:5

Ɛɖɔ ebui alɛ sɛ tɛ ɛlɔkɔ kpɛ wɔnɔ awuĩ nɔ. Kɛpɛ otsiɛ sɛ ebutinɛ nanà atɛzã wɔnɔ ɛshi gɛ abalà kebhu ekulu nɛ bayɛyɛkɛŋã nɛishi dza?

Hebrianɛ 13:5

Tɛdɛdɛmɛ nɔ nɛ̀ ehoeyi pɛpɛ ɔfala nɛifu tɛzã ɔnɔ mɛ, pɔ nɔkɔ kɛgɛ ɛlɛ wɔnɔ ahɔɛ ku wɔnɔ awɔ̃, ɔmɔsɛ Owusoso Akaa aɖɔ asɛ, “Ɛtɛba shɛnɛ ahɔɛ nɛ wɔshu alo tɛ mɛshɛ̃ yɔlɔ wɔ ɖa.”

Petro 1 1:15

Pɔ asɛ gɛ agɛ yɛekulu wɔnɔ shu dalɛ anaa, kana nɔkɔ wɔnɔ tsyɛ shu dalɛ nɛ kɛka nyia ka gɛ nɔbhɛtɛ mɛ,