Yakobo 3:1 - Nyangbo New Testament

¹ Mɛadzya alɛ mɔ, anɛ ɔnɔ mɛ anɔ ka nyia ka kɛlɛ sɛ yɛalɔkɔ ishu asɛ enu adɔ̃kasɛ, ɔmɔ asɛ kinyeɛ gɛ nonyi ana, bebèkulu ebhu gagalĩ akɔ bɔlɔ agɛ ɛkasɛ ɔdɔ̃ ɔdɛ anɔ nyia anɔ.

Yakobo 3:1 Referans Kwoze

Timoteo 1 1:7

Bapɛ asɛ tɛ̀ bedzi ɔshadɔkasɛ, pɔ betinyi kɛnɔnɔ shu gɛ baɖɔaɖɔ alo kɛnɔnɔ abha gɛ batɔɖɔ kɛklagbuɔ.

Petro 1 5:3

gɛnɛ tɛ̀ nɔodzì bapalete ɔkɔ bagɛ bakpasɛ wɔnɔ esiɛ, pɔ tɛ̀ ibhoshiɛ ɖi wɔnɔ ɛkpã tɛ̀ bazã balɛ ɛyɛ nɛ ɛlɛ ulũ.

Korintoanɛ 1 12:28

Kɛlɛ nɛ ɔhaa mɛ tsyɛ, Owusoso Akaa eputɔ ebu banɔkpɛkpɛ, babhalà balɛenu ebuiɖɔluanɔ, batramɛ balɛenu badɔkasɛ, flogo pɛ bagɛ abhɛtɛ̀ ebui gɛ abhɛtɛ̀ ibì, ɔplɛnɔ bagɛ bɔnyã bubu nɛ̀, baagɛ aplɛnɔ banɔ, bagɛ bazã banɔ ulũ nɛ̀ bagɛ behu beluhũ vɔvɔ.

Timoteo 1 2:7

Nɛ kibui ɛlɛ shu soɔ, bebu mɛ asɛ anɔkpɛkpɛ nɛ̀ adɔkasɛ ɔkɔ bagɛ etinu Yudanɛ, tɛ ɛdɛ ɖɔ tɛyɛyɛkɛŋã ibuiɛ gɛlɛ ɛlɛ ɔzãkɔ ɔkɔ alɛ. Kibui gbã mɛɖɔ, gɛnɛ asɛnɛ mɛsɛ.

Efesoanɛ 4:11

Yɛenu anɔ gɛ akɔ asɛ beteli edzi banɔkpɛkpɛ, tɛ beteli edzi ebuiɖɔluanɔ, beteli tɛ baɖɔ yɛebuiɛ akanà, kɛlɛ beteli tsyɛ tɛ bedzi kibuiɛ aɖɔɖɔ elete nɛ̀ kɛlɛ adɔ̃kasɛ,

Korintoanɛ 2 5:10

Ɔmɔsɛ kɛlɛ sɛ bɔlɔ petee ba Kristo kebhu kuklu kegbu namɛ, sɛ tɛ aka nyia aka ayɛkɛ kɛgɛ kɛlɛ sɛ bakɔɛ, nɛ̀ kɛgɛ yɛabhɛtɛ kibeɛ gɛ azã ishudzya mɛ, onupɛ kinu kibui gbangbã pɛnɔsɛ kibui kpa tsyɛ.

Hebrianɛ 13:17

Nolũ atɔ̃ ɔkɔ bagɛ alɛ̀ ɔnɔ lũɔ, tɛ nɔkpɛ ɛtakpu esi ɔkɔ alɛ gɛ balɛ eɖi wɔnɔ abha, pɛ balɛ enu banunɔ gɛ babàkɔ akɔnta nɛ wɔnɔ shuɔ. Nolũ atɔ̃ nɛ alɛ, sɛ tɛ balɛ ɛxɔ̃ɛ wɔawɔa etsyina edzi same ibui, pɔ nɔtɛkpɛ bɔtɔ gɛ tɛba mana ɔnɔ ibui gbangbã nanà nɔ.

Timoteo 2 1:11

Nɛ kibui gbangbã ɛlɛ shuɔ, bedzu mɛ otugbà anɔ, anɔkpɛkpɛ nɛ̀ adɔkasɛ.

Banɔkpɛkpɛ Axɔ̃ɛ 13:1

Nɛ Antioxia ɔhaa mɛɛ, bebuiɖɔluanɔ nɛ̀ badɔkasɛ teli azã ɛkɛlɛ gɛ̀ balɛenu, Barnaba, Simeon gɛ bezekulu tsyɛ asɛ Anɔtutũ, Lukio gɛede Kirene, Manahem (Anɔ gɛ banyɔnɔ aplɛnɔ ekusi Herodes Antipa) ɔlɔkɔ ɔplɛnɔ Saulo.

Yakobo 1:16

Mɛadzya alɛ gɛ ɛdɛmɛ nɔ, nɔtɛkɔ anɔ nanà awɔɛ ɔnɔ.

Yakobo 1:19

Mɛadzya alɛ gɛ ɛdɛmɛ nɔ, nolu awɔ̃ nɛ̀ ibui ɛlɛ ɔsɛ, anɔ nyia anɔ àhɔa nɛ ibui tilulũ mɛ, tɛ adɔfɔ̃ nɛ kaɖɔ ɖɔɖɔ nɛ̀ ɔmɔpɔɛ kpɛkpɛ mɛ,

Yakobo 3:10

Nɛ olugbũ tonikpo ɔlɛ mɛɛ, Apalete nɛinye kpɛkpɛ nɛitití nɔ, nɛ̀ kibui ɖɔɖɔ kpɛ anɔ ede ekoeyi. Mɛadzya alɛ mɔ, kidzo ma sɛ tɛ kɛzã ana.