Yakobo 2:5 - Nyangbo New Testament

⁵ Mɛdzya alɛ gɛ ɛdɛmɛ nɔ, nɔtɛ atɔ̃ tɛ nolũ. Pɛnɔsɛ anɛ bagɛ beɖì asɛ balɛ enu betsyutsyuiɛ, balɛ Owusoso Akaa xɔnɔ ebú bedzi ehoeyielete nɛ tɛyɛyɛkɛŋã mɛ, kɛlɛ anɛ balɛ abaŋã itití ukusiɛ gɛ atɔɖɔ elu akɔ agɛ adɛmɛ yɛibuiɛ mɔɔ dza?

Yakobo 2:5 Referans Kwoze

Kibui Bubú Kasɛ 2:9

Inyi ampɔɛ ebuiɛ gɛ ɔmɔ nɛ̀ wɔɛtsyui dɔdɔɔ, pɔ ehoeyielete wonu nɛ ɔfɔfuĩa mɛ flogo! Inyi ishu zizĩ ebuiɛ gɛ bagɛ basɛ Yudanɛ benu, pɔ anɛ alɛ benu flogo nɔ, pɛ benu Satana ɔtsyɔakɔ azazã.

Korintoanɛ 2 8:9

Ɔmɔsɛ nonyi kibhuiɛ gɛ Apalete Yesu ebhui bɔlɔ ebuɔ, pɔ gɛ edzi ehoeyi elete tsyɛ elo wɔnɔ shu so pɛ ebedzi etsyuitsyui, sɛ tɛ nɔmɔ ehoeyi bɔdɔ̃ ɔgana yɛitsyui dɔdɔ mɛ.

Petro 1 1:4

nɛ̀ kaŋãsiɛ gɛetibe belè ɖìɛ mɛ, gɛ ketìbezĩ alo pɛ kalɛ ulũ bafalàa, kalɛ babalɛ nɛititíɛ elu akɔ wɔnɔ

Yakobo 1:12

Bebè yula akɔ anyɛ nɔnɔ gɛ akpɛ emi nɛ yɛtifefekeɖi mɛ, ɔmɔsɛ alàkpɛ emiɛ avɛnɔ adɛtɔ̃ɔ, abayɛkɛ ɛkpã ɛkutuɔ gɛ Owusoso Akaa atɔɖɔ elu akɔ bagɛ adɛmɛ niyɛ.

Hebrianɛ 11:26

Adɛmɛ asɛ tɛ aŋã kiwuĩ nɛ Kristo ɛtakpu, gɛ kɛyɛkɛ edzi ɔdɛ ehoeyi udɔ̃ gɛ abamɔ edenɔ Egipte, ɔmɔsɛ elu awɔ̃ nɛ kɛbhɛ gɛ bababuia akɔɛ idegbaa nabha.

Korintoanɛ 1 2:9

Asɛ kana gɛ bafɔnɔ elu asɛ, “Ebuiɛ gɛ awuhũ nanà akamɔ eɖiɛ, pɛ batɔ̃ eke elũ eɖiɛ, pɛ kɛka ba ananà ekpeɖekpeɖe mɛ tsyɛ eɖiɛ, alɛ Owusoso Akaa abalɛ elu akɔ bagɛ badɛmɛ yɛibuiɛ”

Kibui Bubú Kasɛ 21:7

Anunɔ gɛ aŋã abhaa, bɔdɔ̃ ɛlɛ nyɔ̃ɔ badzi yɛɔyɛ, kɛlɛ ɛbadzi yɛ Owusoso Akaa, kɛlɛ yɛtsyɛ ebedzi mɛeyi.

Yakobo 1:9

Adzya nɔnɔ́ gɛ elu ishu esiɛ, tɛ efeke ishu nɛ yɛɔɖaɖama ɔkɔ shu.

Timoteo 2 4:8

Otsi alɛ xɔnɔ, balɔkɔ kibui gbangbã tɛbhɛbhɛtɛ kikutuɔ abalɛ elu akɔ mɛ, kɛgɛ Apalete gɛenu kebhu gbangbã kukulu eleteɛ, abalɔkɔ akɔ mɛ nɛ kiwui ɛlɛ nabhaa, kɛlɛ gɛnɛ mɛ ete yɛabakɔ, pɔ abakɔ bagɛ eɖi yɛ tɛbaba idzo mɛ tsyɛ.

Korintoanɛ 2 6:10

ɔwɔ̃nyɔnɔ kpasɛ bɔlɔ mɛ, pɔ bɔmɔ same kibe nyia be, bɔdɔ̃ kitsyui, pɔ bɔkɔ banɔ kpekpèɛ amɔ ehoeyi bɔdɔ̃, kɛdɔ̃ nanà ma bɔlɔ ahɔɛ, pɔ kɛka nyia ka lɛ bɔlɔ ahɔɛ.

Kibui Bubú Kasɛ 3:18

Ihu uluhũ kɔ wɔ ɔsɛ tɛ odzi sikã gɛ bewoese nɛ ifu mɛɛ, sɛ tɛ ɔlà otsyina odzi ehoeyielete. Dzi apɔtɛ fufu tɛ ɔdã, tɛ ɔlɔkɔ obu wɔ ɛdɔ̃ makpɛ makpɛ iwuĩ nɔ nɛishu, nɛ̀ awuhũ bɔwa tɛ ɔkpɛ nɛ awuhũɔ mɛ tɛ ɔzɔmɔ piapii.

Timoteo 1 6:18

Kpɛ alɛ ɔsha sɛ babhɛtɛ kibui gbangbã, sɛ tɛ bamɔ ehoeyi ɔdɔ̃ nɛ ebui gbangbã tɛbhɛbhɛtɛ mɛ, nɛ̀ tɛ balɛ ɛyamɛ pɛ̃ tɛ kɛdɔ̃ kɔkɔ anɔ zã alɛ mɛ.

Petro 2 1:11

kɛlɛ nɔbɔ mɔ tɛtsyatyanà gbangbã otsoku ɔlɔ Apalete Yesu Kristoɔ gɛ ebu ɔlɔ yɛukusi ŋaŋã tihɔɔ nɔ mɛ.

Timoteo 2 4:18

Apaleteɛ ebe bu mɛ odenɔ kibui kpa ka nyia ka ɛdi gɛ balɔkɔ nɛ mɛ shuɔ mɛ, kɛlɛ aba gbanà mɛ avɛnɔ yɛititì bukusi ɔŋãkɔ nɛ ishu yɔyɔ mɛ. Ishu dadalɛ ɔkɔ yɛ ɔvɛnɔ tihɔɔ. Amen.

Tesalonikanɛ 2 1:5

Alɛ pete ebu akasɛ asɛ Owusoso Akaa kebhu kukuluɔ alɛ kalɛ ɔzãkɔ, kɛlɛ nɛ kibui ɛlɛ shu soɔ, babà kalà wɔnɔ asɛ banɔ gɛ ɔna ɔkɔ Owusoso Akaa bukusi ɔŋãkɔɔ, gɛ bɔlɛ shu nɔmɔ bɔtɔ ɔlɛ.

Efesoanɛ 3:8

Gɛ mɛinu anɔ bhlui ɔdɛ nɛ bagɛ edzì bhlui nɛ Owusoso Akaa yɛanɔ petee ishi tsyɛ elo, mɛ ɛyɛkɛ tibhui bhui ebu ɛlɛ, sɛ tɛ mɛɖɔ Kristo ehoeyi ɔdɔ̃ gɛ ɔtɛ bɔmɔ nɛ ɔkɔ nanà ibui otseɖe bagɛ etinu Yudanɛ,

Romanɛ 8:17

Kliso onupɛ yɛeyi alɛ bunuɔ, kɛlɛ budzi kaŋãsiɛelete-Owusoso Akaa kaŋãsiɛelete ɔplɛnɔ Kristo. Kɛmɔ̀ gɛ bɔmɔ̀ ɔtɔ ɔplɛnɔ Kristoɔ, kidzo ɛlɛ nabha babakpɛ bɔlɔ tsyɛ nɛ kitití ɔmɔ asɛ yɛ ana.

Yakobo 1:16

Mɛadzya alɛ gɛ ɛdɛmɛ nɔ, nɔtɛkɔ anɔ nanà awɔɛ ɔnɔ.

Tesalonikanɛ 1 2:12

pɛ bɔkpɛ wɔnɔ kemi, bɔyɔ wɔnɔ ishuɔ mɛ̀ pɛ bɔkpalà wɔnɔ ɔsɛ tɛ nɔza nɛ̀ ɛkpã gɛ pɛ ɔkɔ Owusoso Akaa, anɔ gɛ yɛekulu wɔnɔ ɔkpɛ yɛ bukusiŋaŋã nɛ̀ tɛdadalɛ mɛ.

Efesoanɛ 1:18

Ikulu Owusoso Akaa tsyɛ ɔsɛ tɛ ebui mɛ adalɛ akɔ ɔnɔ etú mɛ awuhũɔ sɛ tɛ nɔotì tɛtɔtɔɖɔ nɔnɔ ɛtakpu so pɛ ekulu ɔnɔ, ehoeyi ɔdɔ̃ gɛ lɛ ɔkɔ kaŋãsi dadalɛ gɛakpɛ banɔ dadalɛ mɛ,

Korintoanɛ 2 4:15

Kɛlɛ petee lɛ ɔkɔ wɔnɔ tɛpɛpɛ̃ so, sɛ tɛ tibhui bhuibuɔ bavɛ banɔ kpekpèɛ ɔkɔ gɛ bamana ahɔɛhuhu gɛbà yuku gbangbã Owusoso Akaa tɛdadalɛ.

Banɔkpɛkpɛ Axɔ̃ɛ 7:2

Ebu kibui ɛlɛ ulũ asɛ, “Mɛadzya alɛ, nɛ mɛakaa alɛ, nɔtaatɔ nɛ mɛ! Nɛ kibe ɛlɛ gɛ bɔlɔ ashuĩ Abraham azã Mesopotamia nɔ, Owusoso Akaa Ishudadalɛ eleteɛ ebu yɛishu akasɛ yɛ nɛ ɛkɛlɛ flogo pɛ Abraham ebetú avɛ Xaram.

Yakobo 1:19

Mɛadzya alɛ gɛ ɛdɛmɛ nɔ, nolu awɔ̃ nɛ̀ ibui ɛlɛ ɔsɛ, anɔ nyia anɔ àhɔa nɛ ibui tilulũ mɛ, tɛ adɔfɔ̃ nɛ kaɖɔ ɖɔɖɔ nɛ̀ ɔmɔpɔɛ kpɛkpɛ mɛ,