Yakobo 2:20 - Nyangbo New Testament

²⁰ Awɔaga, ɔpɛ ɔsɛ bebu akasɛ wɔ asɛ tɛyɛyɛkɛŋã gɛ ɛxɔ̃ɛ wɔawɔa nanà ma kɛlɛishuɔ ma kɛnanà mɛɛ dza?

Yakobo 2:20 Referans Kwoze

Yakobo 2:26

Ɔmɔ asɛ kinu gɛ anɔ teli enu anɔ tsitsí onupɛ ɔfɔfuĩa ɔma yɛmɛɛ, kidzo ɛlɛ nabha tɛyɛyɛkɛŋã tsyɛ nui idɔ̃ tsitsí onupɛ ɛxɔ̃ɛ wɔawɔa gɛ plɛnɔ nɔ ɛlɛ.

Yakobo 2:17

Kidzo ɛlɛ nabha anɔ yɛtɛyɛyɛkɛŋã lɛ́, onupɛ kɛxɔ̃ɛ wɔawɔa ma kɛlɛishuɔ, kinu kɛlɛ́ mɛ tɛyɛyɛkɛŋã.

Romanɛ 1:21

Gɛ benyii ɔmɔ asɛ Owusoso Akaa tsyɛ elo, batɛkpɛ yɛinye nɛ itití alo pɛ behu yɛahɔɛ, balɛ ekpeɖekpeɖe mɛ bhɛbhɛtɛ edzi kɛlɛ́, kɛlɛ balɛ bɔga dɔdɔ etúɔ mɛ eku otumũ.

Galatianɛ 6:3

Onupɛ anɔ teli eɖi asɛ enu kɛdɔ̃ tili pɔ ama kɛnanà mɛɛ, ishu yɛawɔɛ.

Yakobo 1:26

Onupɛ anɔ teli akpɛ ɛtakpu esi akɔ Owusoso Akaa, pɔ pɛ atɛ nyana yɛinike piapii nɛ kaɖɔ ɖɔɖɔ mɛɛ, awɔɛ yɛishu kɛlɛ yɛtakpu esi kpɛkpɛɛ ma kɛnanà mɛ.

Tito 1:10

Ɔmɔsɛ batɔ̃mɛ gagalĩ elete kpekpè alɛ, banɔ gɛ baɖɔaɖɔ ete, pɛ bawɔɛ anɔ, banɔ asɛ bagɛ bakpasɛ Yudanɛ ɛkɔɔ mɛ ana.

Timoteo 1 1:6

Beteli ashɛ nɛ ebui alɛ ede pɛ betsyina avɛ kaɖɔɖɔɖɔ gɛ kesi lulũ nanà ama kalɛishuɔ mɛ.

Koloseanɛ 2:8

Nɔoɖi ɛlɛ ɔkɔ sɛ ananà agɛmɔ idzo nanà pɛ alɔkɔ asɛnɛ bubuti ebui alɔkɔ awɔɛ wɔnɔ nɔ, ebui gɛ lakpà plɛnɔ banɔdzyrame ɛkɔɔ nɛ̀ kanɔ mɛ ɛkpã zazãna ebui ɔdɛ Kritoɔ.

Galatianɛ 5:6

Ɔmɔsɛ nɛ Kristoɔ Yesu mɛɛ, kɛnanà ma kɛhɔ̃a bhui bhui alo kɛhɔ̃a mabhui mabhui mɛ. Kɛgɛ ɛlɛ sɛ beɖiɛ kɛlɛinu tɛyɛyɛkɛŋã gɛibu ishu kasɛ ɔgana tɛdɛdɛmɛ nɔ mɛ.

Romanɛ 3:28

Kɛgɛ bɔnyana vunɔ kɛli nu ɔsɛ balɔkɔ anɔ teli asɛ enu anɔ gbangbã onupɛ ayɛkɛ Yesu abha aŋã, etinu asɛ ɔsha nabha tɛbhɛbhɛtɛ.

Romanɛ 9:20

Pɔ, anɔdzyrame, afana wonu sɛ tɛ obu kibui ulũ ɔkɔ Owusoso Akaa? Pɔ kɛdɔ̃ tili gɛ anɔ teli abhɔ nɛ̀ tɛbhɔɔ balà bisi anunɔ gɛ abhɔ ɛlɛ asɛ, “Kiɖeso pɛ abhɔ mɛ asɛ kɛlɛ gɛ ɛlɛɛ dza?”