Yakobo 2:19 - Nyangbo New Testament

¹⁹ Nɔyɛkɛ ɔŋã ɔsɛ Owusoso Akaa tenikpo ko yɛalɛ. Gɛ kɛpɛ ana tsyɛ! Ɛfɔfuĩa zizĩɛ tsyɛ yɛkɛŋã ana-kɛlɛ ɛkɔ ɔsɛ tɛ lishuku wawawa.

Yakobo 2:19 Referans Kwoze

Banɔkpɛkpɛ Axɔ̃ɛ 16:17

Adzɛnuvɔɛ nɔ atɔnɔ Paulo nɛ̀ bɔlɔ bagɔgɔɔ pɛ akpɛ ozĩ asɛ, “Banyɛ alɛ enu Kititiayɛ Gbagbla yɛaxɔ̃ɛdɛ, gɛ etseɖe wɔnɔ kidzo nɔnɔ abha gɛ baba yɛkɛ wɔnɔ elú ɛkpã.”

Galatianɛ 3:20

Anɔ gɛevũ iboe, atɛzã akɔ kawɔ̃pɛ tienikpo, pɔ Owusoso Akaa alɛ tenikpo.

Banɔkpɛkpɛ Axɔ̃ɛ 19:15

Kiwui tinikpo kɛlɛ ɔfɔfuĩa kpa lubuiliulũ ɔkɔ alɛ asɛ, “Inyi Yesu, kɛlɛ inyi Paulo tsyɛ, fakɔ anɛ wɔnɔ tsyɛ nonu?”

Timoteo 1 2:5

Ɔmɔsɛ Owusoso Akaa tenikpo yɛalɛ, nɛ̀ anɔ tenikpo gɛevũ iboe nɛ Owusoso Akaa nɛ̀ banɔdzyrame ishi, gɛenu Kristo Yesu,

Korintoanɛ 1 8:6

pɔ nɛ bɔlɔkɔ xɔnɔ, Owusoso Akaa tenikpo yɛalɛ, Akaa, gɛ denɔ yɛabha kɛka nyia ka de koeyì, pɛ yɛ bɔlɛ nɛ ɛkpã ɔkɔɔ, pɛ kana Apalete tenikpo tsyɛ yɛalɛ gɛenu Yesu Kristo, gɛ gana yɛabha kɛka nyia ka de koeyì pɛ ganà yɛabha bɔlɛ nɛ ɛkpã.

Romanɛ 3:30

Gɛ Owusoso Akaa alɛ tenikpo ko yɛ alɛ gɛ abalɔkɔ bagɛ benu Yudanɛ asɛ benu banɔ gbangbã nɛ balɛ tɛyɛyɛkɛŋã lũɔ, kidzo ɛlɛ nabha bagɛ betinu Yudanɛ tsyɛ denɔ tɛyɛyɛkɛŋã tinikpo ɛlɛ mɛ.

Yuda 1:6

Kɛlɛ baxɔ̃ɛdɛ gɛ bagɛ wɔa balɛ axɔ̃ɛ nɛ ohumi nɔ gɛ bakɔ alɛ shu pɛ bashɛ nɛ balɛ ɛzãkɔ, balɛ yɛalɔkɔ akpɛ otumũɔ mɛ elu, pɛ banyã alɛ nɛ̀ ɛɖahuiɛ odiyinɔ Kebhu kukulu Kiwui nabha.

Yakobo 2:8

Onupɛ nɔnyana ukusi ɔŋãkɔ ɔsha, nɛ kibuiɛ gɛ bafɔnɔ eluɔ mɛ ɔsɛ, “Dɛmɛ nɛ wɔhagbo asɛ kɛdɛmɛ gɛ ɔdɛmɛ nɔ nɛishu anaa,” kɛlɛ nɔbhɛtɛ piapii.

Korintoanɛ 1 8:4

Kliso nɛ bɔŋaŋã gɛ batɔ akɔ ibudi shuɔ, bunyi ɔsɛ obudì otinu kɛdɔ̃ nanà nɛ kanɔ nɔ̀ mɛ, kɛlɛ Owusoso Akaa nanà abha ma ɔdɛ tenikpo alɛ ete.

Kibui Bubú Kasɛ 20:10

Kɛlɛ balɔkɔ abosamuɔ gɛ awɔɛ alɛ, awɔanyã atɛ́ akpɛ aklagbuifuɔ gɛ ɛtã mɛ, nɛ ɛkɛlɛ gɛ batɛ́ɛ agãhoeɛ nɛ̀ asɛnɛ ebuiɖɔluanunɔ akpɛ. Babà hɔhɔlɛ alɛ elishi nɛ̀ emuze ɔvɛnɔ tihɔ, tihɔ.

Yuda 1:4

Ɔmɔsɛ banɔ teli gɛ batɛ fɔnɔ balɛ ɛpɔ bubuɔ elù kibè tili gɛ bafalaa, banɔ alɛ abafala eku wɔnɔɛshi nɛ tikpukpũ mɛ. Benu banɔ gɛ betinyi Owusoso Akaa, gɛ balɔkɔ Owusoso Akaa tibhui bhuibuɔ asɛ kidzo kɔkɔ anɔ ɔkɔ kɛgɔlɔ ŋaŋã kɛlɛ bagɛ yɛkɛ Yesu Kristoɔ gɛenu bɔlɔ Apalete nɛ̀ Ekusi Gbagbla tenikpo nɔ.

Banɔkpɛkpɛ Axɔ̃ɛ 24:25

Kibeɛ gɛ Paulo azaɖɔaɖɔ nɛ ishu dadalɛ, ishu abha ŋaŋã nɛ̀ kebhu kukuluɔ gɛ abaa, kifù yi Felike kɛlɛ abaɖɔ asɛ, “Abɔ otsiɛ gbɔ! Ɔbɔlà ɔshɛ. Onupɛ ɛbamɔ kibè tsyɛ ɛbà kpɛ banɔ nɛ wɔkɔ.”