Biblia Todo Logo
Bib sou entènèt

- Piblisite -




Yakobo 1:27 - Nyangbo New Testament

27 Kɛtakpu esi kpɛkpɛ gɛ kɛli shu bhui pɛ kibo nanà ma kɛlɛishu, nɛ bɔlɔ Owusoso Akaa namɛɛ nu ɔsɛ tɛ nɔplɛnɔ batsyãnbhi nɛ̀ bavɛvɛ edzini nɛ balɛ ɔtɔ mɛ. Kɛlɛ tɛ anɔ alà yɛishu ebu nɛ kanɔ mɛ ebuiɛ gɛ letuturu anunɔɔ mɛ.

Gade chapit la Kopi




Yakobo 1:27
36 Referans Kwoze  

Nɔtɛ ɔzã nɛkpã asɛ kanɔ alɛ mɛanɛ, pɔ nɔkɔ Owusoso Akaa yɛetsyina wɔnɔ ekpeɖekpeɖe mɛ tɛbhɛbhɛtɛ yɛedzi avɔvɔ. Kɛlɛ̀ bakɔ ɔsɛ nɔpɔ̃ɛ Owusoso Akaa ebui tɔtɔɖɔɔ mɛ oɖi, kɛgɛ ɛpɛ nɛ̀ kɛgɛ yɛadɛmɛ nɔ, pɛ kɛlɛ ná piapii nɔ.


Wɔnɔ ɔmamɛ dɛdɛelete, notinyi ɔsɛ nɔɔŋã ɛbhia nɛ̀ kanɔ alɛ mɛɛ, kɛlɛ notsyina odzi banɔ gɛ banyana Owusoso Akaa akpɛ ɛya mɛɛ dza? Anɔ nyia anɔ gɛ edzi ɔbhia ɔkɔ kanɔ alɛɛ, kɛlɛ etsyina edzi anunɔ gɛ agɛ dɛmɛ nɛ Owusoso Akaa.


Pɔ onupɛ beyi alo beshui alɛ avɛvɛ yɛedzini ahɔɛɛ, kɛlɛ sɛ banɔ alɛ eputɔ ebu balɛ tɛyɛyɛkɛŋã nɛ Akaa mɛ akasɛ, ɔgana kiɖi gɛ beɖi balɛ eshopo alɛ abha pɛ edzinì kɛbhɛ abuia akɔ balɛ elĩ nɛ̀ balɛ akaalɛ, ashuĩ nɛ̀ balɛ edze alɛ, ɔmɔsɛ kɛlɛ ikù Owusoso Akaa nawɔ̃.


Kɛgɛ kɛlɛishu bakpɛ ɔsha ɔlɛ kɛlɛinu tɛdɛdɛmɛ nɔ, gɛide kitúɔ gɛ dalɛ nɛ̀ ekpeɖekpeɖeɛ gɛ yɛmɛ adalɛ ɔplɛnɔ tɛyɛyɛkɛŋã gbangbã.


Bunyi sɛ aka nyia aka gɛ bamɔ nɛ Owusoso Akaa mɛ atɛzã kɛlɛ abha pɛ aza bhɛtɛ̀ kibui kpa, anunɔ gɛ bamɔ nɛ Owusoso Akaa mɛ yɛakɔ anɔ alɛ nɛidi azã piapii, kɛlɛ abosam atɛ balà kpɛ̀ kɛpɔ̃ nɛishu.


Bubutiɛ gɛide kititíɛ pɔɔ, putɔ nɔɔ, bɔlɛishu dalɛ, gɛ bɔdɛmɛ nɛ anɔ nɛishu yɔyɔ mɛ, ɔhagbo esi tilulũ, ishu esi tizhizhinɔ, gɛ ashagabui ɖiɖi nɛ̀ eyuyu gbangbã akpasɛ, banɔ amɛ maɖimaɖi nɛ̀ ebui mɛ dadalɛ alɛ.


Kɛnanà tɛkɔ mɛitũ mɛitelũ ɖi, ɔdɛ Apalete Yesu Kristo yɛ butsi osiɛ shu ibui ete, gɛ ɔgana yɛabhaa bakpalà kanɔ nɔ̀ nɛ butsi osiɛ shu akɔ mɛ, kɛlɛ mɛtsyɛ kɔ kanɔ nɔ̀.


anɔ gɛ alɔkɔ yɛishu akɔ nɛ bɔlɔ ibui kpa nɛtakpu, ɔsɛ tɛ ebu ɔlɔ odenɔ obo kanɔ alɛ ebui kpa bhɛbhɛtɛ mɛ, nɛ tɛtɔtɔɖɔ gɛide Owusoso Akaa gɛenu bɔlɔ Akaa ɔkɔ,


Ɔmɔsɛ nɛ Kristoɔ Yesu mɛɛ, kɛnanà ma kɛhɔ̃a bhui bhui alo kɛhɔ̃a mabhui mabhui mɛ. Kɛgɛ ɛlɛ sɛ beɖiɛ kɛlɛinu tɛyɛyɛkɛŋã gɛibu ishu kasɛ ɔgana tɛdɛdɛmɛ nɔ mɛ.


Ɔmɔsɛ anɛ bagɛ belũ ɔshaa balɛ enu banɔ dadalɛ nɛ Owusoso Akaa yɛamɛ, pɔ bagɛ aabhɛtɛ ɔsha nabhaa, balɛ Owusoso Akaa ebebu akasɛ asɛ benu anɔ dadalɛ.


Kɛlɛ mɛ dalɛ ɔsɛ bagɛ lɔkɔ ɔsha ebhui bɔtsyɔa akɔ ananà nɔ nɛ Owusoso Akaa namɛ, ɔmɔsɛ, “Bagɛ enu ebui gbangbã bhɛbhɛtɛ eleteɛ abazã nɛ̀ ɛkpã ɔgana tɛyɛyɛkɛŋã mɛ.”


gɛ alɛ mɛ nɔtɛ zã oɖi nɛ kibeɛ gɛ nɔkpà tɔnɔ kanɔ nɔ̀ mɛ edzoɔ nɛ̀ agɛ yɛaŋã bukusi nɛ bukusi ɔpã gɛ kpasɛ kɛlɛ́ɛ nɔ mɛ, ɔfɔfuĩa nɔ gɛ lɔɔwɔa axɔ̃ɛ otsiɛ nɛ batɔ̃ gagalĩ eleteɛ mɛ.


Kɛkasɛ ɔlɔ sɛ bɔɖɔ sɛ, “Ao” nɛ kɛgɛ gɛ kpaplɛnɔ Owusoso Akaa pɛ kinu kanɔ mɛ ebui tɛpɛpɛ shu, nɛ tɛ̀ bɔŋã bɔlɔ shu abha, bɔɖɔ olugbũ tonikpo tɛ bɔzana ɛkpã ɔkɔ Owusoso Akaa nɛ obo kanɔ alɛ mɛ,


Bɔlɔkɔ inikeɛ kpɛ Apaleteɛ nɛ̀ Akaa enye nɛitití nɔ, kɛlɛ bɔlɔkɔ ɛlɛ ɖɔ ibui kpɛ anunɔ tsyɛ, anunɔ gɛ Owusoso Akaa abhɛtɛ nɛ yɛtɛzazã mɛɛ.


Ɔganà alɛ mɛɛ, akɔ ɔlɔ yɛɔdɔ̃ gbagbla nɛ̀ bɔgbangbã gɛ atɔɖɔ elu akɔ ɔlɔ, sɛ tɛ̀ ɔganà bɔlɛ mɛɛ, ɔbàzã yɛohumi nɔ mɛ, tɛ̀ kɛkɔ ɔsɛ nɔobu tɛtsɛɖɛ mɛ ɔshɛ̃ nɛ kanɔ mɛ ebui tsɔtsɔmɔ̃ gɛide kalɛ bɔdɔ̃ pɛpɛ nɔ mɛ.


Onupɛ bebu tɛtsɛɖɛ mɛ ashɛ nɛ kanɔ alɛ mɛ ebui kpa bhɛbhɛtɛ shu pɛ bebetì Apalete Yesu pɛ banyana yɛ mɛ evunɔ gagalĩ pɛ bezetsodzì avɛ ɛkpã kpa gɛ ɛlɛ batɛzã mɛɛ eɖi pɛ lɛŋã alɛ abha, kidegba ɛkpã gɛ babà zanàa bazĩ ɔdɛ ɛgɛ batɛzã bafala nɔ.


Klisoɔ, mɛ ɔbhialɛ gɛ ɛdɛmɛ nɔ, gɛ nɔoɖì idzomɛ ɔkɔ ebui ɛlɛ soɔ, nɔbhɛtɛ kɛka nyia ka gɛ nɔbɔlà tɛ̀ batɛ mɔ kibò nɛ̀ bamɛtsitsí ibui nanà nɛ wɔnɔ shu, tɛ̀ nɔzã nɛ ishu yɔyɔ mɛ ɔplɛnii.


Swiv nou:

Piblisite


Piblisite