Yakobo 1:25 - Nyangbo New Testament

²⁵ Anunɔ pɔ gɛ elu awɔ̃ nɛ̀ ɔsha gɛɔná, pɛ lɔkɔ anɔ ishu ahɔɛ mɛ zazã, pɛ avɛ ɛlɛ abha, atɛ dzɛkɛ pɛ adɛmɛ aabhɛtɛ nɛ kɛgɛ elũ nabhaa, bebeyulà atɔɖɔ kɛka nyia ka gɛ abhɛtɛ nabha.

Yakobo 1:25 Referans Kwoze

Petro 1 2:16

Nɔzanà ɛkpã asɛ banɔ gɛ balɛishu ahɔɛ mɛ ana, pɔ nɔtɛ̀ lɔkɔ wɔnɔ ishu ahɔɛ mɛ zazã ɔlɔkɔ ɔdã wɔnɔ ebui kpa bhɛbhɛtɛ nulũ, pɔ nɔzã nɛkpã asɛ Owusoso Akaa axɔ̃ɛdɛ ana.

Yakobo 2:12

Nɔɖɔaɖɔ tɛ nɔbhɛtɛ ibui asɛ banunɔ gɛ babàlɔkɔ ɔsha gɛ lɔkɔ anɔ ishu mɛ ahɔɛ zazã ekulu ebhu akɔ nɔ nɔ̀,

Galatianɛ 5:1

Ishu ahɔɛmɛ zazã shu so pɛ Kristo akɔ ɔlɔ ishu ahɔɛmɛ zazã. Kliso nɔzã gagalĩi, kɛlɛ nɔtɛ ɔkɔ kɔ ɔwɔ̃nyɔnɔ zã wɔnɔ mɛ nɛ banɔ dzidzi ɛkɔɔ shu.

Korintoanɛ 1 15:58

Klisoɔ, mɛadzya alɛ mɔ, nɔzã gagalĩ. Nɔtɛkɔ kɛnanà tii wɔnɔ. Nɔlɔkɔ wɔnɔ ishu petee ɔkɔ Apalete nɛxɔ̃ɛ wɔawɔa, ɔmɔsɛ nɔonyi ɔsɛ wɔnɔ kɛxɔ̃ɛ wɔawɔa ɔkɔ Apaleteɛ tɛbàdzì kɛlɛɛ etee.

Timoteo 1 4:16

Lu awɔ̃ nɛ̀ wɔ ɛkpã nɛ̀ bɔdɔ̃ kakasɛ shu piapii. Kpɛ kemi nɛ bɔlɛ mɛ, ɔmɔsɛ ɔbhɛtɛ ana, obo bu wɔ ishu nɛ bagɛ ɔkasɛ bɔdɔ̃.

Korintoanɛ 2 13:5

Nɔvɛ wɔnɔ ishumɛ oɖi sɛ nɔlɛ wɔnɔ tɛyɛyɛkɛŋã mɛ dza, nɔ ofeke wɔnɔ ishu oɖi. Nɔtɛɔ mɔ ɛlɛ ɔsɛ Yesu Kristo akpasɛ wɔnɔ mɛ, pɛnɔsɛ nofeke wɔnɔ shu oɖi pɛ nɔmɔ ɔsɛ nɔgɛ naa dza?

Romanɛ 11:22

Kliso nɔbaka Owusoso Akaa yɛyamɛ gbangbã bhɛbhɛtɛ nɛ̀ yɛahɔɛ gagalĩ nɛ wɔnɔ abha shu. Agagalĩ ahɔɛ nɛ bagɛ betsodzi nɛ yɛedeɛ shu, kɛlɛ wɔnɔ xɔnɔ aabhɛtɛ ɛyamɛ gbangbã akɔ wɔnɔ onupɛ nogitsodzi nɛ yɛedeɛ. Onu gɛna naa, abashɛnɛ ahɔɛ nɛ wɔnɔ tsyɛ shu atɛ elu.

Romanɛ 8:15

ɔmɔsɛ anɛ ɔfɔfuĩa nɔ gɛ lɔkɔ ɔsɛ tɛ anɔ dzidzi esi ifuɔ ɔlɛ lɛ wɔnɔ mɛ, pɔ Ɔfɔfuĩa nɔ gɛ lɔzã beyi mɛɛ, nɔyɛkɛ. Kliso bɔkpɛ ozĩ ɔsɛ, “Ao, lɔɛitití.”

Galatianɛ 2:4

Kibui ɛlɛ bayì ɔmɔsɛ asɛnɛ badzya teli aba afala eku bɔlɔ ɛzãkɔɔ tɛ belu awɔ̃ eɖi ɔlɔ ishuahɔɛmɛ zazã gɛ lɛ ɔlɔ ahɔɛ nɛ Kristo mɛ, tɛ̀ betsyina ɔlɔ budzì banɔ dzidzi.

Kibui Bubú Kasɛ 14:13

Kɛlɛ ilũ ozĩ loyi odenɔ ititíɛ ɔsɛ, “Fɔnɔ ɔsɛ, beyula bagɛ bazã Apaleteɛ mɛ flogo pɛ betsíɛ, denɛ otsiɛ ɔvɛnɔ.” Ɔfɔfuĩa nɔ ɔɖɔ ɔsɛ, “Ee, bebèmoelɛ odenɔ balɛ axɔ̃ɛ wɔawɔa mɛ, ɔmɔsɛ balɛ axɔ̃ɛ wɔawɔa abazã alɛ ede avɛ.”

Timoteo 1 2:15

Pɔ bebèbu badzɛ ɔgana eyimɔmɔ mɛ, onupɛ bazã ɛlɛ abha nɛ tɛyɛyɛkɛŋã mɛ, tɛdɛdɛmɛ nɔ, ishu dadalɛ nɛ̀ ɛkpã zazãna gbangbã mɛ.

Romanɛ 7:12

Klisoɔ ɔshaa nɛ̀ ɔsha kpɛkpɛɛ shu dalɛ, lɔna kɛlɛ lɔpɛ̃.

Banɔkpɛkpɛ Axɔ̃ɛ 26:22

Pɔ Owusoso Akaa aplɛnɔ mɛ, oboyinɔ obo kiwui ɛlɛ abha, kliso ɛlɔɛtití nɛ ɛkɛlɛ pɛ ɛdalɛ ebui mɛ ɔkɔ bunɔ bhlui bhlui nɛ̀ behohoeɛ petee shɔshɔɛ. Ɛtɛɛɖɔ kibui nanà falanɔ kɛgɛ ebuiɖɔluanɛ nɛ̀ Mose aɖɔ elúɔ asɛ kɛbàba ɛlɛ mɛ shu,

Banɔkpɛkpɛ Axɔ̃ɛ 13:43

Gɛ banunɔ ekoeyì nɛ kɛtakpu ɔtɔ̃kɔɔ, Yudanɛ kpekpèɛ nɛ̀ bagɛ etsyina eku Yudanɛ ɔha mɛ atɔnɔ Paulo nɛ̀ Barnaba. Bazaɖɔaɖɔ nɛ̀ alɛ pɛ azakpalà alɛ asɛ bazã kɛlɛ abha nɛ balɛ Owusoso Akaa tibhui bhuibuɔ mɛ.

Hebrianɛ 12:15

Nɔnyana ishu piapii sɛ tɛ noti tsodzi nɛ Owusoso Akaa tibhui bhuibuɔ shu. Nɛ kidzo ɛlɛ nabhaa anɔ nanà atɛzã asɛ tɛwɔa kɛtɛtɛ́ gɛ tishè pɛ tɛlɔkɔ ɛlɛ abɔɛ zĩ udɔ̃ gelee nɔ ana.

Banɔkpɛkpɛ Axɔ̃ɛ 2:42

Balɔkɔ balɛishu ashɔkpɛ banɔkpɛkpɛ bɔdɔ̃ kakasɛ nɛ̀ ɔha kpɛkpɛ mɛ, ɔvɛnɔ kifufulũɔ tɛyaya nɛ̀ Owusoso Akaa tikukulu mɛ.

Kibui Bubú Kasɛ 22:14

Beyulà banunɔ gɛ beplu balɛ akpɛkpɛ dzloloɔ, sɛ tɛ bakɔ alɛ idzo nɛ busiɛ gɛ akɔ ɛkpãa shu, kɛlɛ tɛ bamɔ idzo agã afala nɛ budulũɔ tɛ betsoku ɔma mɛ.

Yohanes 1 2:24

Nɔoɖi kɛlɛ ɔkɔ ɔsɛ kɛgɛ nɔolũ odenɔ kesiɛ ɔkpɛkɔɔ zã wɔnɔ mɛ. Onupɛ kɛzãa ana, wɔnɔ tsyɛ ɔbɔzã Eyianyɛ nɛ̀ Akaa mɛ.

Koloseanɛ 1:23

onupɛ nɔzã ɛlɛ abha nɛ ɔnɔ tɛyɛyɛkɛŋã mɛ, pɛ nɔodzi gagalĩ, pɛ nɔgɛ shɛ nɛ wɔnɔ kidzo mɛ ɖiɖiɛ gɛlɛ kibui gbangbã mɛ shu. Kibui gbangbã ɛlɛ gɛ nɔolũɔ baɖɔ etseɖe kɛdɔ̃ bhɛbhɛtɛ ka nyia ka gɛ lɛ kitití niesi, pɛ kɛlɛ shu mɛ Paulo badzi axɔ̃ɛdɛ ɔkɔɔ.

Romanɛ 2:13

Ɔmɔsɛ anɛ bagɛ belũ ɔshaa balɛ enu banɔ dadalɛ nɛ Owusoso Akaa yɛamɛ, pɔ bagɛ aabhɛtɛ ɔsha nabhaa, balɛ Owusoso Akaa ebebu akasɛ asɛ benu anɔ dadalɛ.

Romanɛ 8:2

ɔmɔsɛ gana Kristo Yesu abha, ɔfɔfuĩa mɛ ɛkpã ɔsha oboele mɛ odenɔ kibui kpa ɔsha nɛ̀ butsí mɛ.

Galatianɛ 6:2

Nɔplɛnɔ agɔlɔ nɛ bɔtɔ mɛ, kɛlɛ nɛ kidzo ɛlɛ nabhaa, nɔbɔ bhɛtɛ ɔtɔɖɔ Kristo yɛɔshaa nabha.