Yakobo 1:22 - Nyangbo New Testament

²² Notɛ odzi kibuiɛ elulũelete ete, tɛ nɔzɔwɔɛ ɔnɔ shu. Nɔzɔbhɛtɛ kɛgɛ ibuiɛ tseɖe ɔnɔɔ.

Yakobo 1:22 Referans Kwoze

Romanɛ 2:13

Ɔmɔsɛ anɛ bagɛ belũ ɔshaa balɛ enu banɔ dadalɛ nɛ Owusoso Akaa yɛamɛ, pɔ bagɛ aabhɛtɛ ɔsha nabhaa, balɛ Owusoso Akaa ebebu akasɛ asɛ benu anɔ dadalɛ.

Yakobo 4:17

Kliso anunɔ gɛ enyi ibui gbangbã gɛ kɛlɛ sɛ abhɛtɛ pɛ atɛ bhɛtɛ ɛlɛɛ, abhɛtɛ ibui kpa.

Yohanes 1 2:3

Onupɛ bɔbhɛtɛ tɔɖɔ yɛɔsha nabhaa, kɛlɛ kɛkasɛ ɔsɛ̀ bunyi yɛ.

Koloseanɛ 3:17

Kɛlɛ kɛka nyia ka gɛ nɔbhɛtɛɛ tsyɛɛ, onupɛ kibui ɖɔɖɔ alo ebui bhɛbhɛtɛ mɛ tsyɛ elo, nɔbhɛtɛ alɛ petee nɛ Apalete Yesu inyèɛ mɛ, tɛ nɔlɔkɔ ahɔɛ huhu ɔkɔ Owusoso Akaa ɔganà yɛabha.

Kibui Bubú Kasɛ 22:7

“Noɖio ɛɛba otsiɛ tsĩɔɔ! Beyulà anunɔ gɛ anyana ebuiɛ gɛ baɖɔ elu nɛ eplukpa alɛ mɛ evunɔ.”

Yohanes 1 3:7

Mɛeyi alɛ gɛ ɛdɛmɛ nɔ, nɔtɛ kɔ ananà agbanà wɔnɔ atsaɖakɛ idzo. Anunɔ gɛ abhɛtɛ kibui gɛlɛ ɛlɛ ɔzakɔ enu anɔ dadalɛ asɛ gɛ Kristoɔ tsyɛ ishu dalɛ ana.

Yakobo 1:26

Onupɛ anɔ teli akpɛ ɛtakpu esi akɔ Owusoso Akaa, pɔ pɛ atɛ nyana yɛinike piapii nɛ kaɖɔ ɖɔɖɔ mɛɛ, awɔɛ yɛishu kɛlɛ yɛtakpu esi kpɛkpɛɛ ma kɛnanà mɛ.

Galatianɛ 6:7

Nɔtɛkɔ bawɔɛ ɔnɔ, ananà atɛba là akpɛ Owusoso Akaa nɔga. Kɛgɛ anɔ aɖaa, kɛlɛ yɛebe edzyinì.

Yohanes 3 1:11

Mɛɔbhia gɛ ɛdɛmɛ nɔ, tiɖi kibui kpa tɛ̀ ɔbhɛtɛ̀ nɛ kɛlɛ ulũ, pɔ ɖi kɛgɛ pɛ̃ tɛ ɔbhɛtɛ̀ nɛ ɛlɛ shu. Anunɔ gɛ abhɛtɛ kibui gbangbã, enu anɔ gɛ ede Owusoso Akaa ɔkɔ. Anunɔ gɛ abhɛtɛ̀ ebui kpa etinyi Owusoso Akaa.

Galatianɛ 6:3

Onupɛ anɔ teli eɖi asɛ enu kɛdɔ̃ tili pɔ ama kɛnanà mɛɛ, ishu yɛawɔɛ.

Korintoanɛ 1 6:9

Nɔotinyi ɔsɛ atakpu mɛ gagalĩ eleteɛ atɛba vɛ Owusoso Akaa bukusi ɔŋãkɔɔ dza? Nɔtɛkɔ bawɔɛ wɔnɔ, bagɛ baŋã kɛgɔlɔ tsyɛ, ibudi eleteɛ, bagɛ badɛ ɔmamɛ, banyɛ gɛ bawɔsɔ̃ nɛ̀ balɛ banyɛ ɔhagbo alɛ,

Yohanes 1 1:8

Onupɛ bɔɔɖɔ ɔsɛ kibui kpa nanà ma bɔlɔ shuɔ, ishu bɔwɔɛ kɛlɛ kibui gbã ma bɔlɔ mɛ.

Filipianɛ 4:8

Gɔgɔɛ nɔ, mɛadzya alɛ mɔ, kɛnɔnɔ gɛ lɛ ɛlɛ ɔzãkɔ, kɛnɔnɔ gɛ dzã kiwuhũ, kɛnɔnɔ gɛ pɛ̃, kɛnɔnɔ gɛ ɛlɛ shu dalɛ̃, kɛnɔnɔ gɛlɛ sɛ badɛmɛ nɔ, kɛnɔnɔ gɛ kiku anɔ same, onupɛ kibui gbangbã tili, kɛpɛ̃ ɔsɛ bakpɛ ɛlɛ nɛititíɛ, nɔ bhɛtɛ ekpeɖekpeɖe mɛ nɛ alɛ nɛidi shu.

Korintoanɛ 1 15:33

Nɔtɛkɔ bawɔɛ wɔnɔ, “Ɔhakpa tɛkpɛkpɛ zĩ ɛkpã zazãna gbangbã.”

Kibui Bubú Kasɛ 12:9

Balɔkɔ kɛtsɔpɛ hohoeɛ awɔanyã akpɛ esiakpa, eblidzya alɛ gɛ bekulu asɛ Abosam alo Satana pɛ agbana kanɔ nɔ̀ pete aganà kidzo kpa abhaa, balɔkɔ yɛ nɛ̀ yɛaxɔ̃ɛdɛ awɔanyã akpɛ esiakpa.

Petro 2 2:13

Babà mɔ ɔtɔ odenɔ bɔtɔ gɛ balɛ tsyɛ akɔ anɔ bhlatɔ shu. Kɛgɛ bapɛ nɔ kɛlɛinu ɔsɛ sɛ tɛ̀ bawɔ̃ɛ tɛ̀ bebukù gɛ nɛ kiwui nyenyé hrɛrɛrɛ mɛ. Benu banɔ gɛ babhɛtɛ̀ awuĩ ebui nɛ̀ ebui kpɛnɛ̀ kpɛnɛ̀ gɛ bamɔ̃ samè nɛ ɛkpã ŋaŋã kibeɛ gɛ baŋã bɔdɔ̃ nɛ̀ wɔnɔ.

Tito 3:3

Kibè tili gɛ bafala, bɔlɔ tsyɛ zɛdɔ bɔga, bugizi lũ atɔ̃, bawɔɛ ɔlɔ budzi banɔ dzidzi ɔkɔ kanɔ mɛ bɔdɔ̃ nɛ̀ kalɛ mɛ same ebuiɛ petee. Bɔzana ɛkpã kpa kɛlɛ bɔkpɛ banɔ awɔ̃, bɔkɔ sɛ banɔ anyanã ɔlɔ akpɛ ɛyamɛ kɛlɛ bɔlɔ tsyɛ nyanã bagɔlɔ kpɛ ɛyamɛ.

Korintoanɛ 1 3:18

Nɔtɛ̀ wɔɛ wɔnɔshu. Onupɛ abhɛtɛ wɔnɔ mɛ anɔ teli asɛ enyi kibui nɛ obo kanɔ alɛ mɛ bubutì ulũɔ, etsyina edzì “awɔaga” sɛ tɛ̀ ebedzi ebutinɛ.

Timoteo 2 3:13

kɛlɛ banɔ kpa nɛ̀ bagɛ abhɛtɛ ishu asɛ bapɛ xɔnɔ ebèzĩ atɔɖɔ, babawɔɛ banɔ kɛlɛ babawɔɛ alɛ tsyɛ.

Yakobo 4:11

Mɛadzya alɛ mɔ, nɔtɛ ɔzɔɖɔ ebui kpa nɛ bagɔlɔ shu. Anunɔ gɛ aɖɔ ebui kpa nɛ yɛadzya shu alo ekulu ebhu niyɛɛ, alɔɛtití nɛ ɔshaa shu, kɛlɛ ekulu ebhu nɛ ɔlɛ. Onupɛ nokulu ebhu nɛ̀ ɔshaa, kɛlɛ anɛ ɔlɛ abha bhɛbhɛtɛelete nonu, pɔ nodzi ebhu ekukuluelete ɔkɔ ɔshaa.