Yakobo 1:21 - Nyangbo New Testament

²¹ Kliso nɔshɛnɛ ahɔɛ nɛ atsɔ̃bui idi ka nyia ka bhɛbhɛtɛ, nɛ̀ ɛkpã zizĩ ka nyia ka gɛ likpũ kpasɛ ɔnɔ mɛɛ shu olu, tɛ nozhinɔ ishu esi tɛ nɔyɛkɛ yɛibui gbangbã gɛ baɖa kpɛ wɔnɔ mɛ. Gɛ kɛlɛ balà yɛkɛ ɔnɔ olu nɛ ɛkpãa.

Yakobo 1:21 Referans Kwoze

Efesoanɛ 4:22

Bakasɛ ɔnɔ ɔdɔ̃, nɛ ɛkpã gɛ nɔtɛ zã ɔbɔ falanɔ shu, sɛ tɛ nɔ shɛnɛ ahɔɛ nɛ edzo kukuɔ shu, edzoɔ gɛedzì ebui zizĩ ɔganà alɛ anɔ wɔɛwɔɛ gɛ badɛmɛ nabha,

Efesoanɛ 1:13

Kɛlɛ wɔnɔ tsyɛ ɔkpasɛ Kristoɔ nɛ kibeɛ gɛ nolũ kibuiɛ gɛinu kibui gbãa, kibui gbangbã gɛ yɛkɛ ɔnɔ lu nɛkpã. Gɛ nɔyɛkɛ ɔŋã soɔ, atsà kɛna ɔkɔ ɔnɔ elu pɛ balɔkɔ adadã edere ɔnɔ ulũ, nɛ̀ Ɔfɔfuĩa Gbangbã gɛ atɔɖɔ eluɔ akɔ ɔnɔ,

Petro 1 2:11

Ɛbhia gɛ ɛdɛmɛ nɔ, ɛɛkpalà wɔnɔ, wɔnɔ asɛ beefù ana nɛ̀ bafafala nɛ kanɔ nɔ̀ mɛ, sɛ tɛ̀ nɔobu wɔnɔ ishu oyinɔ odenɔ tɛdɛdɛmɛ nɔ ebui kpa, gɛ laatà keyù nɛ̀ wɔnɔ atɔwuiɛ.

Petro 1 2:1

Klisoɔ nɔobu ishu oyinɔ odenɔ banɔ shu zizĩ nɛ̀ banɔ wɔɛwɔɛ mɛ, asɛnɛ sɛsɛ, kawɔ̃kpɛ nɛ̀ banɔ ishutibui tɛɖɔɖɔ ka nyia ka ɛdi mɛ.

Hebrianɛ 12:1

Gɛ bagazã pɛ amɔ ebuiɛ alɛ asɛ ɔmɔlɔ̃ dodo toli gɛ ɔkpɛ ɔkã kana ɔlɔ soɔ, nɔkɔ bubú kɛka nyia ka, nɛ̀ ebui kpa gɛ làkɔ bɔdɔ̃ oboeɛ lu, tɛ bubú tɛtsɛɖɛ mɛ bubuɔ gɛlɛ ɔlɔ otugbàa nɛ̀ emi.

Yakobo 4:8

Nótsu ɔplɛnɔ Owusoso Akaa tɛ yɛtsyɛ etsu aplɛnɔ ɔnɔ. Ebui kpa bhɛbhɛtɛ eleteɛ, noplu ɔnɔ ahɔɛ, tɛ nɔdalɛ ɔnɔ etúɔ mɛ, wɔnɔ gɛ ekpeɖekpeɖe mɛ aya taabhaa.

Tito 2:11

Ɔmɔsɛ Owusoso Akaa tibhui bhuibuɔ gɛ mana tibubuɔ koeyì ɔkɔ banɔ nɔ petee.

Romanɛ 1:16

Ɔmɔsɛ Kibui Gbangbã tinu kiwuĩbui ɔkɔ mɛ, ɔmɔsɛ kinu Owusoso Akaa yɛohumi ɔkɔ, anɔ nyia anɔ gɛ ayɛkɛ aŋãa yɛtibubu. Putɔ nɔɔ, ɔkɔ Yudanɛ flogo pɛ bagɛ betinu Yudanɛ.

Hebrianɛ 4:2

Kɛɖɔ gɛ baɖɔ Ibui Gbangbã etseɖe olɔɔ, kɛlɛɛ ko baɖɔ etseɖe alɛ tsyɛ, pɔ kibuiɛ gɛ belũɔ gɛ yɛkɛ edzi nanà ɔkɔ alɛ, ɔmɔsɛ bagɛ elũ ɛlɛ agɛ lɔkɔɛ ɛlɛ akpɛ tɛyɛyɛkɛŋã mɛ.

Hebrianɛ 2:3

kɛlɛ́ bɔbalà bu tɛtsɛɖɛ mɛ, onupɛ bɔshɛnɛ ahɔɛ nɛ tibubu gbagbla ɛlɛ nɛidi shu? Apaleteɛ etiputɔ akɔ tìtitì nɛ tibubu ɛlɛ shu, kɛlɛ bagɛ elũ ibuiɛ eputɔ nɔɔ, adɛmɛ atɔɖɔ kɛlɛ abha akɔ ɔlɔ asɛ kɛlɛ ɛlɛ ɔzãkɔ.

Korintoanɛ 1 15:2

Ɔgana kibui gbangbã ɛlɛ mɛ bebú wɔnɔ ɛkpã, gɛ onupɛ nɔnyanã kibuiɛ gɛ itseɖe wɔnɔ mɛ vunɔ gagalĩ. Onu gɛnanaa, wɔnɔ tɛyɛyɛkɛŋã ma kɛnanà mɛ.

Romanɛ 6:17

Pɔ nohu Owusoso Akaa yɛahɔɛ ɔsɛ, wɔnɔ gɛ nodzi banɔ dzidzi ɔkɔ ebui kpa flogo nɔɔ, nɔbɔlɔkɔ wɔnɔ etúɔ nyɔ̃ɔ nɛ̀ batɔ̃ lulũ ɔyɛkɛ bɔdɔ̃ kakasɛ ɛlɛ, gɛ balɔkɔ akpɛ ahɔɛ akɔ wɔnɔ.

Tesalonikanɛ 1 2:13

Kɛlɛ butsiɖi ɛlɛ abha hu Owusoso Akaa ahɔɛ kibe nyia be, ɔmɔsɛ gɛ nɔyɛkɛ Owusoso Akaa nɛibuiɛ, kibuiɛ gɛ nolũ odenɔ bɔlɔ ɔkɔɔ, nɔgɛ yɛkɛ ɛlɛ asɛ banɔdzyrame ɛbui kinu, pɔ asɛ kana gɛ kɛlɛ nulũ, Owusoso Akaa nɛibuiɛ gɛ ɛwɔa kɛxɔ̃ɛ nɛ wɔnɔ bagɛ nɔyɛkɛŋã mɛ.

Korintoanɛ 2 7:1

Mɛ ɔbhia alɛ gɛ ɛdɛmɛnɔ, gɛ batɔɖɔ ebui alɛ elú akɔ bɔlɔ soɔ, nɔkɔ bɔdalɛ bɔlɔ shu odenɔ kɛka nyia ka gɛ kɛkpɛ̀ kibò nɛ bɔlɔ ishudzya nɛ̀ ɔfɔfuĩa nɔ shu, tɛ bɔlɔ shu dalɛ tɔɖɔ nɛ kɛtakpu esi kpɛkpɛ ɔkɔ Owusoso Akaa mɛ.

Banɔkpɛkpɛ Axɔ̃ɛ 13:26

“Mɛadzya alɛ mɔ, Abraham yɛeshui alɛ, nɛ̀ wɔnɔ bagɛ notinu Yudanɛ pɛ nɔkpɛ kɛtakpu esi ɔkɔ Owusoso Akaa, bɔlɔ so pɛ basɛsɛ kibui ɛlɛ gɛ kɛyɛkɛ banɔ lù nɛ ɛkpã.

Petro 1 1:9

Ɔmɔsɛ nɔyɛkɛ tɛtɔtɔɖɔ gɛ ɛlɛ shu so pɛ nɔyɛkɛ ɔŋã, gɛinu wɔnɔ atɔwuiɛ tibubu.

Romanɛ 11:17

Onupɛ bebhui bɔshɛ nɔ tuli pɛ balɔkɔ wɔnɔ bagɛ notinu Yudanɛ, pɛ nɔlɛ asɛ kifutù mɛ besi ana, pɛ bebhui wɔnɔ bɔshɛ nɔ atɔɖɔ besidzudzu nulũɔ, kɛlɛ wɔnɔ tsyɛ nɔmɔ̃ bɔŋaŋã gɛide besidzudzuɔ balɛ iguɔ mɛ̀.

Banɔkpɛkpɛ Axɔ̃ɛ 10:33

Kliso odunũ ɔlɛ koɔ kɛlɛ mɛkpɛ banɔ nɛ wuiede, kɛlɛ apɛ asɛ ɔba. Bɔlɔ pete lɛ Owusoso Akaa namɛ pɛ bɔtaatɔ̃ nɛ̀ kɛka nyia ka gɛ Apaleteɛ akpɛ wɔahɔɛ asɛ tɛ̀ otseɖe bɔlɔɔ.”

Tesalonikanɛ 1 1:5

ɔmɔsɛ bɔlɔ ibui gbangbã ba wɔnɔ ɔkɔ anɛ nɛ kaɖɔ bhlui ete, pɔ nɛ̀ ohumi, ɔlɔkɔ plɛnɔ Ɔfɔfuĩa Gbangbã nɛ̀ ebuesilulũ gɛ alɛ mɛ edzuɔ. Nonyi kanà gɛ bɔzã wɔnɔɛshi nɛ wɔnɔ ɛtakpu.

Efesoanɛ 5:4

Nɔtɛ zɔɖɔ atsɔ̃bui nɛ̀ bɔga ebui nɛ̀ kaɖɔ gɛ kama kalɛ ɔzãkɔ, pɔ nɔlɔkɔ ahɔɛ huhu ɔkɔ Akaa.

Efesoanɛ 4:25

Klisoɔ wɔnɔ mɛ aka nyia aka ashɛnɛ ahɔɛ nɛ asɛnɛ sɛsɛ shu, tɛ aɖɔ kibuiɛ gɛlɛ ɛlɛ ɔzãkɔ otseɖe yɛɔhagbo, ɔmɔsɛ bɔlɔ petee kpasɛ ishudzya tunikpo mɛ.

Yakobo 5:20

nɔbaka ɔsɛ, anunɔ gɛ etsyina ebui kpa bhɛbhɛtɛelete nɛ yɛesitatá edzo nabhaa, ebui nɛ utsí ahɔɛ mɛ, kɛlɛ balɔkɔ yɛebui kpa bhɛbhɛtɛ gelee nɔ etsyee.

Petro 1 1:22

Otsiɛ gɛ nɔoplu ishu pɛ nɔolũ atɔ̃ ɔkɔ kibui gbã, sɛ tɛ nɔdɛmɛ nɔ nɛ̀ wɔnɔ adzya alɛ, tɛ nɔdɛmɛ nɔ nɛ bagɔlɔ denɔ kitúɔ mɛ piapii.