Yakobo 1:19 - Nyangbo New Testament

¹⁹ Mɛadzya alɛ gɛ ɛdɛmɛ nɔ, nolu awɔ̃ nɛ̀ ibui ɛlɛ ɔsɛ, anɔ nyia anɔ àhɔa nɛ ibui tilulũ mɛ, tɛ adɔfɔ̃ nɛ kaɖɔ ɖɔɖɔ nɛ̀ ɔmɔpɔɛ kpɛkpɛ mɛ,

Yakobo 1:19 Referans Kwoze

Efesoanɛ 4:26

“Tɛbhɛtɛ kibui kpa nɛ wɔ ɔmɔpɔɛ kpɛkpɛ mɛ”. Tɛkɔ kiwui dɔ nɛ wɔ ɔmɔpɔɛ kpɛkpɛ mɛ,

Koloseanɛ 3:8

Pɔ otsi alɛ xɔnɔ kɛlɛ sɛ nɔobu ebui alɛ ɔtɛɛ, ebui asɛ, ɔmɔpɔɛ zizĩ kpɛkpɛ, ɔmɔpɔɛ zizĩ gɛɔmana ebela, banɔ shu zizĩ, kaɖɔ kpa ɖɔɖɔ nɛ anɔ shu, nɛ̀ atsɔ̃bui gɛide wɔnɔ olugbũ mɛ.

Efesoanɛ 4:31

Nɔobu ishu mɛ pɔpɔɛ, ɔmɔpɔɛ zizĩ nɛ̀ ɔmɔpɔɛ, banɔ kwɔakwɔala nɛ̀ olugbũ edzi gagã, banɔ shu zizĩ ka nyia ka ɛdi nɛ wɔnɔ ɛshi.

Koloseanɛ 3:15

Nɔkɔ Kristo ishu yɔyɔ ŋã wɔnɔ etúɔ nabha, ɔmɔsɛ asɛ banɔ gɛede ishupi tunikpo mɛ ana, bekulu ɔnɔ avɛnɔ ishu yɔyɔ mɛ. Kɛlɛ nɔlɔkɔ ahɔɛhuhu.

Yakobo 1:26

Onupɛ anɔ teli akpɛ ɛtakpu esi akɔ Owusoso Akaa, pɔ pɛ atɛ nyana yɛinike piapii nɛ kaɖɔ ɖɔɖɔ mɛɛ, awɔɛ yɛishu kɛlɛ yɛtakpu esi kpɛkpɛɛ ma kɛnanà mɛ.

Tesalonikanɛ 1 2:13

Kɛlɛ butsiɖi ɛlɛ abha hu Owusoso Akaa ahɔɛ kibe nyia be, ɔmɔsɛ gɛ nɔyɛkɛ Owusoso Akaa nɛibuiɛ, kibuiɛ gɛ nolũ odenɔ bɔlɔ ɔkɔɔ, nɔgɛ yɛkɛ ɛlɛ asɛ banɔdzyrame ɛbui kinu, pɔ asɛ kana gɛ kɛlɛ nulũ, Owusoso Akaa nɛibuiɛ gɛ ɛwɔa kɛxɔ̃ɛ nɛ wɔnɔ bagɛ nɔyɛkɛŋã mɛ.

Banɔkpɛkpɛ Axɔ̃ɛ 17:11

Otsi nɔ Beroeanɛ bezhinì balɛ ishu esi ɔdɛ Tesalonikanɛ, ɔmɔsɛ bayɛkɛ kibuiɛ nɛ̀ samè kɛlɛ bazapɔɛ kɛlɛ mɛ kiwui nyiɛ wui tɛ̀ beɖi asɛ kibuiɛ gɛ Paulo aɖɔ kpasɛ kɛlɛ mɛ ana dza.

Banɔkpɛkpɛ Axɔ̃ɛ 10:33

Kliso odunũ ɔlɛ koɔ kɛlɛ mɛkpɛ banɔ nɛ wuiede, kɛlɛ apɛ asɛ ɔba. Bɔlɔ pete lɛ Owusoso Akaa namɛ pɛ bɔtaatɔ̃ nɛ̀ kɛka nyia ka gɛ Apaleteɛ akpɛ wɔahɔɛ asɛ tɛ̀ otseɖe bɔlɔɔ.”

Banɔkpɛkpɛ Axɔ̃ɛ 2:42

Balɔkɔ balɛishu ashɔkpɛ banɔkpɛkpɛ bɔdɔ̃ kakasɛ nɛ̀ ɔha kpɛkpɛ mɛ, ɔvɛnɔ kifufulũɔ tɛyaya nɛ̀ Owusoso Akaa tikukulu mɛ.

Yohanes 1 2:21

Ɛtɛ fɔnɔ ebui alɛ kɔ wɔnɔ sɛ gɛ nɔotinyi kibui gbã so, pɔ gɛ nɔonyi ɛlɛ, pɛ asɛnɛ ebui nanà eti odekoeyì nɛ kibui gbã mɛ so.

Banɔkpɛkpɛ Axɔ̃ɛ 13:48

Gɛ bagɛ etinu Yudanɛ elũ kibui ɛlɛ, same eku balɛ kɛlɛ bakpɛ Apalete nɛibuiɛ nɛitití, kɛlɛ bagɛ Owusoso Akaa ebu elu akɔ ɛkpã tihɔɔ nɔ mɛ tsyɛ ayɛkɛ aŋã.

Banɔkpɛkpɛ Axɔ̃ɛ 1:15

Nɛ ewui alɛ mɛɛ, Petro alɔɛtití nɛ bayɛyɛkɛŋã nɛishi (gɛ balɛ kɛzaa tɛkaklà mɛ bazã asɛ banɔ kɛkpã zɛzɛ̃ nɛ̀ afɛtaabha ana)

Yakobo 1:2

Mɛadzya alɛ mɔ, onupɛ tifefekeɖi ediedi aba ɔnɔ abhaa, nɔkɔ ilidzi same ibui kɔ ɔnɔ,

Yakobo 1:16

Mɛadzya alɛ gɛ ɛdɛmɛ nɔ, nɔtɛkɔ anɔ nanà awɔɛ ɔnɔ.

Yakobo 2:1

Mɛadzya alɛ mɔ, wɔnɔ asɛ banɔ gɛ ɔyɛkɛ ishu dadalɛ anɔ Apalete Yesu Kristo abha ɔŋãa, nɔotɛ oɖi anɔ amɛ.

Yakobo 2:5

Mɛdzya alɛ gɛ ɛdɛmɛ nɔ, nɔtɛ atɔ̃ tɛ nolũ. Pɛnɔsɛ anɛ bagɛ beɖì asɛ balɛ enu betsyutsyuiɛ, balɛ Owusoso Akaa xɔnɔ ebú bedzi ehoeyielete nɛ tɛyɛyɛkɛŋã mɛ, kɛlɛ anɛ balɛ abaŋã itití ukusiɛ gɛ atɔɖɔ elu akɔ agɛ adɛmɛ yɛibuiɛ mɔɔ dza?

Yakobo 3:10

Nɛ olugbũ tonikpo ɔlɛ mɛɛ, Apalete nɛinye kpɛkpɛ nɛitití nɔ, nɛ̀ kibui ɖɔɖɔ kpɛ anɔ ede ekoeyi. Mɛadzya alɛ mɔ, kidzo ma sɛ tɛ kɛzã ana.

Yakobo 4:11

Mɛadzya alɛ mɔ, nɔtɛ ɔzɔɖɔ ebui kpa nɛ bagɔlɔ shu. Anunɔ gɛ aɖɔ ebui kpa nɛ yɛadzya shu alo ekulu ebhu niyɛɛ, alɔɛtití nɛ ɔshaa shu, kɛlɛ ekulu ebhu nɛ ɔlɛ. Onupɛ nokulu ebhu nɛ̀ ɔshaa, kɛlɛ anɛ ɔlɛ abha bhɛbhɛtɛelete nonu, pɔ nodzi ebhu ekukuluelete ɔkɔ ɔshaa.

Yakobo 5:12

Nɛ̀ kɛgɛdɛ pete nɔ, mɛadzya alɛ mɔ, nɔtɛ tanà ɔdɔ̃, kitití udɔ̃ loo kesiakpa ɔyɛ, alo kɛdɔ̃ ka nyia ka ɛdi. Nɔkɔ ɔnɔ, “Ee” edzi ee, kɛlɛ ɔnɔ “Ao” tsyɛ edzi ao, tɛ Owusoso Akaa etibebu ɔnɔ ɛpɔ.

Yakobo 5:19

Mɛadzya alɛ mɔ, onupɛ ɔnɔ mɛ anɔ teli etsyina nɛ ibui gɛ lɛ ɛlɛ ɔzãkɔ niede pɛ anɔ teli edzini yɛetsyina amanaa,