Yakobo 1:18 - Nyangbo New Testament

¹⁸ Adɛmɛ ayɛkɛ ɔlɔ amɔ aganà yɛibuiɛ gɛlɛ ɛlɛ ɔzãkɔ mɛ, sɛ tɛ budzi asɛ yɛɔdɔ̃ eyuyu gɛiputɔ odenɔ yɛɔdɔ̃ bhɛbhɛtɛ nɛishi.

Yakobo 1:18 Referans Kwoze

Petro 1 1:23

Ɔmɔsɛ bedzinì wɔnɔ amɔ, gɛnɛ denɔ busi eyuyuɔ gɛebetsíɛ mɛ, pɔ denɔ busi eyuyuɔ gɛ etibè etsì ɖiɛ mɛ, ganà Owusoso Akaa ibuiɛ gɛ lɛ nɛkpã pɛ kɛlɛ ulu tɛ fala mɛ.

Petro 1 1:3

Bɔkpɛ Owusoso Akaa gɛenu Akaa ɔkɔ bɔlɔ Apalete Yesu Kristo nɛinyè nɛitití! Nɛ yɛ ashagabui ɖiɖi gbagbla mɛɛ, akɔ bedzinì ɔlɔ amɔ̃ avɔvɔ akpɛ ɛkpã gɛ buɖì kidzo mɛ ɔkɔ ɔgana Yesu Kristo yɛ tɛlɔlɔ odenɔ bekpuɔ mɛ,

Kibui Bubú Kasɛ 14:4

Balɛ enu anɔ gɛ bagɛ dɛ badzɛ̃ shu eɖi, kɛlɛ bazã ishu dadalɛ mɛ. Bazã Obhoshieyi niede avɛ ɔkɔ nyia ɔkɔ gɛ avɛɛ. Bedzi alɛ edenɔ banɔ gelee ishi, kɛlɛ balɔkɔ alɛ akɔ Owusoso Akaa nɛ̀ Obhoshieyiɛ, ɔmɔ asɛ busieyuyu gɛ bapɔ eputɔ ana.

Efesoanɛ 1:12

sɛ tɛ ɔlɔ bagɛ idzì banɔ gɛeputɔ gɛ buɖì idzo mɛ ɔkɔ Kristoɔ, tɛ bɔzã ɔkɔ yɛishu dadalɛ tɛkpɛkpɛ nɛitití.

Yohanes 1 3:9

Anɔ nanà ama gɛenu Owusoso Akaa anɔ pɛ abazã kibui kpa bhɛbhɛtɛ abha, ɔmɔsɛ bamɔ́ yɛ nɛ Owusoso Akaa mɛ.

Hebrianɛ 12:23

Nɔba, wɔnɔ ɔhamɛeyi gɛ oputɔ, bagɛ alɛ enye bafɔnɔ elu nɛititíɛ. Nɔba Owusoso Akaa, gɛ yɛekulu ebhu nɛ̀ anɔ nyia anɔ, nɛ̀ banɔ gbangbã ɛfɔfuĩa nɔ gɛ babhɛtɛ piapii nɔ,

Yakobo 1:21

Kliso nɔshɛnɛ ahɔɛ nɛ atsɔ̃bui idi ka nyia ka bhɛbhɛtɛ, nɛ̀ ɛkpã zizĩ ka nyia ka gɛ likpũ kpasɛ ɔnɔ mɛɛ shu olu, tɛ nozhinɔ ishu esi tɛ nɔyɛkɛ yɛibui gbangbã gɛ baɖa kpɛ wɔnɔ mɛ. Gɛ kɛlɛ balà yɛkɛ ɔnɔ olu nɛ ɛkpãa.

Korintoanɛ 1 4:15

Gɛ banɔ asɛ ihotu lɔfɔ lɛ wɔnɔ ahɔɛ nɛ Kristo mɛ tsyɛ elo, wɔnɔ akaa alɛ egikpè, ɔmɔsɛ nɛ Yesu Kristoɔ mɛ, ɛbadzì akaa ɔkɔ wɔnɔ ɔgana kibui gbangbã mɛ.

Romanɛ 4:17

Asɛ kɛfɔ̀nɔ gɛ bafɔnɔ ɛlɛ elu asɛ, “Ɛbhɛtɛ wɔ sɛ tɛ odzi Akaa ɔkɔ ɛmadi gelee.” Yɛenu bɔlɔ Akaa nɛ Owusoso Akaa namɛ, anunɔ abha gɛ ayɛkɛ aŋã. Owusoso Akaa gɛ akɔ bekpu bamɛ ɛkpã, kɛlɛ ekulu bɔdɔ̃ gɛgɛ̀zã kuku ibeɛ amana otsiɛ.

Korintoanɛ 2 6:7

nɛ kibui gbã tɛɖɔɖɔ mɛ nɛ̀ Owusoso Akaa yɛohumi nɔ mɛ, tɛ bɔlɔkɔ kibui gbangbã bhɛbhɛtɛ keyutadɔ̃ nɛ kɛŋã nɛ̀ kɛblɛkpɛ mɛ̀,

Efesoanɛ 1:13

Kɛlɛ wɔnɔ tsyɛ ɔkpasɛ Kristoɔ nɛ kibeɛ gɛ nolũ kibuiɛ gɛinu kibui gbãa, kibui gbangbã gɛ yɛkɛ ɔnɔ lu nɛkpã. Gɛ nɔyɛkɛ ɔŋã soɔ, atsà kɛna ɔkɔ ɔnɔ elu pɛ balɔkɔ adadã edere ɔnɔ ulũ, nɛ̀ Ɔfɔfuĩa Gbangbã gɛ atɔɖɔ eluɔ akɔ ɔnɔ,

Timoteo 2 2:15

Bhɛtɛ piapii tɛ̀ ɔlɔkɔ wɔ shu ɔkɔ Owusoso Akaa, asɛ anɔ gɛ batɔɖɔ ahɔɛ nɛ yɛabha ana, axɔ̃ɛwɔa gɛ kɛma sɛ tɛ kiwũi yii pɛ enu axɔ̃ɛwɔa gɛ anyanã kibui gbã mɛ ovunɔ piapi.

Yakobo 1:15

Kɛlɛ onupɛ wɔ tɛpɛpɛ nɔ munɔ ɛya bekeɛ, kɛmɔ kibui kpa, kɛlɛ onupɛ kibui kpa shè piapii nɔ, kɛmɔ butsí.

Yakobo 3:14

Onupɛ kiwuhũ dzadzã kɛtɛ́kɛtɛ́, nɛ̀ mɛ ete yɛtɛpɛpɛ ebui alɛ akpasɛ ɔnɔ etúɔ mɛɛ, nɔtɛotũ itelũ nɛ alɛishu alo tɛ nɔzɔdɛ adã nɛ ibui gbangbã shu.