Yakobo 1:16 - Nyangbo New Testament

¹⁶ Mɛadzya alɛ gɛ ɛdɛmɛ nɔ, nɔtɛkɔ anɔ nanà awɔɛ ɔnɔ.

Yakobo 1:16 Referans Kwoze

Yakobo 1:19

Mɛadzya alɛ gɛ ɛdɛmɛ nɔ, nolu awɔ̃ nɛ̀ ibui ɛlɛ ɔsɛ, anɔ nyia anɔ àhɔa nɛ ibui tilulũ mɛ, tɛ adɔfɔ̃ nɛ kaɖɔ ɖɔɖɔ nɛ̀ ɔmɔpɔɛ kpɛkpɛ mɛ,

Filipianɛ 2:12

Mɛɔbhia alɛ mɔ, klisoɔ, asɛ kana gɛ nɔolũ atɔ̃ kibè nyia beɛ, anɛ gɛ ɛlɛ wɔnɔ ɔbha ete, pɔ nɔbhɛtɛ ɛlɛ ɔdɛ ana gɛ onupɛ ɛma ɔnɔ ɔbha tsyɛ, nɔzã ɛlɛ abha ɔzɔwɔa axɔ̃ɛ ɔkɔ wɔnɔ ɛkpã tɛyɛyɛkɛ lu nɛ̀ ɛkpã nɛ kifusisi nɛ̀ tishushukù mɛ,

Galatianɛ 6:7

Nɔtɛkɔ bawɔɛ ɔnɔ, ananà atɛba là akpɛ Owusoso Akaa nɔga. Kɛgɛ anɔ aɖaa, kɛlɛ yɛebe edzyinì.

Koloseanɛ 2:8

Nɔoɖi ɛlɛ ɔkɔ sɛ ananà agɛmɔ idzo nanà pɛ alɔkɔ asɛnɛ bubuti ebui alɔkɔ awɔɛ wɔnɔ nɔ, ebui gɛ lakpà plɛnɔ banɔdzyrame ɛkɔɔ nɛ̀ kanɔ mɛ ɛkpã zazãna ebui ɔdɛ Kritoɔ.

Hebrianɛ 13:1

Nɔvɛ ɛlɛ abha tɛ nɔɔdɛmɛ nɔ nɛ bagɔlɔ.

Koloseanɛ 2:4

Itseɖe ɔnɔ kibui ɛlɛ sɛ tɛ ananà atɛ bawɔɛ ɔnɔ, nɛ̀ ebui wawlɔakɛ gɛ lawɔ̃ɛ asɛ lapɛ̃ɛ.

Yakobo 2:5

Mɛdzya alɛ gɛ ɛdɛmɛ nɔ, nɔtɛ atɔ̃ tɛ nolũ. Pɛnɔsɛ anɛ bagɛ beɖì asɛ balɛ enu betsyutsyuiɛ, balɛ Owusoso Akaa xɔnɔ ebú bedzi ehoeyielete nɛ tɛyɛyɛkɛŋã mɛ, kɛlɛ anɛ balɛ abaŋã itití ukusiɛ gɛ atɔɖɔ elu akɔ agɛ adɛmɛ yɛibuiɛ mɔɔ dza?

Timoteo 2 2:18

banɔ gɛ beyì ide nɛ kibui gbã shu. Baɖɔ asɛ tɛlɔlɔ denɔ bekpuɔ mɛ tɛba bafalanɔ, kɛlɛ bezĩ beteli tɛyɛyɛkɛŋã mɛ.

Filipianɛ 4:1

Mɛadzya alɛ mɔ, wɔnɔ agɛ ɛdɛmɛ nɔ pɛ ɛpɛ ɔnɔ amɛ sɛ mɔ, wɔnɔ agɛ onu mɛ same nɛ̀ kabha ŋaŋã ikutu, kana kɛlɛ sɛ nɔzã gagalĩi nɛ Apaleteɛ mɛ, mɛ ɔbhia alɛ gɛ ɛdɛmɛ nɔ!

Korintoanɛ 1 6:9

Nɔotinyi ɔsɛ atakpu mɛ gagalĩ eleteɛ atɛba vɛ Owusoso Akaa bukusi ɔŋãkɔɔ dza? Nɔtɛkɔ bawɔɛ wɔnɔ, bagɛ baŋã kɛgɔlɔ tsyɛ, ibudi eleteɛ, bagɛ badɛ ɔmamɛ, banyɛ gɛ bawɔsɔ̃ nɛ̀ balɛ banyɛ ɔhagbo alɛ,

Banɔkpɛkpɛ Axɔ̃ɛ 1:15

Nɛ ewui alɛ mɛɛ, Petro alɔɛtití nɛ bayɛyɛkɛŋã nɛishi (gɛ balɛ kɛzaa tɛkaklà mɛ bazã asɛ banɔ kɛkpã zɛzɛ̃ nɛ̀ afɛtaabha ana)

Yakobo 1:2

Mɛadzya alɛ mɔ, onupɛ tifefekeɖi ediedi aba ɔnɔ abhaa, nɔkɔ ilidzi same ibui kɔ ɔnɔ,

Yakobo 2:1

Mɛadzya alɛ mɔ, wɔnɔ asɛ banɔ gɛ ɔyɛkɛ ishu dadalɛ anɔ Apalete Yesu Kristo abha ɔŋãa, nɔotɛ oɖi anɔ amɛ.

Yakobo 2:14

Mɛadzya alɛ mɔ, kɛgbangbã ɖuwoe lu kinu, onupɛ anɔ teli aɖɔ asɛ tɛyɛyɛkɛŋã lɛ yɛahɔɛ, pɛ ɛxɔ̃ɛ wɔawɔa nanà pɔ ma kɛlɛishuɔ, kɛlɛ́ tɛyɛyɛkɛŋã ɛlɛ nɛidiɛ balà bui mɔ dza?

Yakobo 3:1

Mɛadzya alɛ mɔ, anɛ ɔnɔ mɛ anɔ ka nyia ka kɛlɛ sɛ yɛalɔkɔ ishu asɛ enu adɔ̃kasɛ, ɔmɔ asɛ kinyeɛ gɛ nonyi ana, bebèkulu ebhu gagalĩ akɔ bɔlɔ agɛ ɛkasɛ ɔdɔ̃ ɔdɛ anɔ nyia anɔ.

Yakobo 3:10

Nɛ olugbũ tonikpo ɔlɛ mɛɛ, Apalete nɛinye kpɛkpɛ nɛitití nɔ, nɛ̀ kibui ɖɔɖɔ kpɛ anɔ ede ekoeyi. Mɛadzya alɛ mɔ, kidzo ma sɛ tɛ kɛzã ana.

Yakobo 4:11

Mɛadzya alɛ mɔ, nɔtɛ ɔzɔɖɔ ebui kpa nɛ bagɔlɔ shu. Anunɔ gɛ aɖɔ ebui kpa nɛ yɛadzya shu alo ekulu ebhu niyɛɛ, alɔɛtití nɛ ɔshaa shu, kɛlɛ ekulu ebhu nɛ ɔlɛ. Onupɛ nokulu ebhu nɛ̀ ɔshaa, kɛlɛ anɛ ɔlɛ abha bhɛbhɛtɛelete nonu, pɔ nodzi ebhu ekukuluelete ɔkɔ ɔshaa.

Yakobo 5:12

Nɛ̀ kɛgɛdɛ pete nɔ, mɛadzya alɛ mɔ, nɔtɛ tanà ɔdɔ̃, kitití udɔ̃ loo kesiakpa ɔyɛ, alo kɛdɔ̃ ka nyia ka ɛdi. Nɔkɔ ɔnɔ, “Ee” edzi ee, kɛlɛ ɔnɔ “Ao” tsyɛ edzi ao, tɛ Owusoso Akaa etibebu ɔnɔ ɛpɔ.

Yakobo 5:19

Mɛadzya alɛ mɔ, onupɛ ɔnɔ mɛ anɔ teli etsyina nɛ ibui gɛ lɛ ɛlɛ ɔzãkɔ niede pɛ anɔ teli edzini yɛetsyina amanaa,