Tito 3:7 - Nyangbo New Testament

⁷ sɛ tɛ, onupɛ bebhui bɔtsyɔa akɔ ɔlɔ gana yɛ tibhui bhuibuɔ mɛɛ, bɔbadzi kaŋãsi elete gɛ bɔbà ziɖi otugbàa mɛ ɔkɔ ɛkpã tihɔɔ nɔ.

Tito 3:7 Referans Kwoze

Romanɛ 8:17

Kliso onupɛ yɛeyi alɛ bunuɔ, kɛlɛ budzi kaŋãsiɛelete-Owusoso Akaa kaŋãsiɛelete ɔplɛnɔ Kristo. Kɛmɔ̀ gɛ bɔmɔ̀ ɔtɔ ɔplɛnɔ Kristoɔ, kidzo ɛlɛ nabha babakpɛ bɔlɔ tsyɛ nɛ kitití ɔmɔ asɛ yɛ ana.

Romanɛ 3:24

kɛlɛ bebhui utsyɔa gbangbã akɔ ɔlɔ ɔgana Yesu Kristo gɛ abalɛ dzyosu nɛ ɔlɔ ɛtakpu nabha.

Tito 2:11

Ɔmɔsɛ Owusoso Akaa tibhui bhuibuɔ gɛ mana tibubuɔ koeyì ɔkɔ banɔ nɔ petee.

Korintoanɛ 1 6:11

Ebui alɛ wɔnɔ mɛ banɔ teli aza abhɛtɛ. Pɔ beplu wɔnɔ ishu, badalɛ wɔnɔ shu, kɛlɛ bebhui bɔtyɔa akɔ wɔnɔ nɛ Apalete Yesu Kristoɔ nɛ Owusoso Akaa Ɔfɔfuĩa nɛinyeɛ mɛ.

Tito 1:2

tɛyɛyɛkɛŋã nɛ̀ kibuititiɛ gɛipo ɛkpã tihɔɔ gɛ buɖi kidzo mɛ, gɛ Owusoso Akaa, anɔ gɛ atɛ sɛ asɛnɛ, atɔɖɔ elu akɔ ɔlɔ flogo pɛ kanɔ nɔ̀ abakpɛ esi,

Yakobo 2:5

Mɛdzya alɛ gɛ ɛdɛmɛ nɔ, nɔtɛ atɔ̃ tɛ nolũ. Pɛnɔsɛ anɛ bagɛ beɖì asɛ balɛ enu betsyutsyuiɛ, balɛ Owusoso Akaa xɔnɔ ebú bedzi ehoeyielete nɛ tɛyɛyɛkɛŋã mɛ, kɛlɛ anɛ balɛ abaŋã itití ukusiɛ gɛ atɔɖɔ elu akɔ agɛ adɛmɛ yɛibuiɛ mɔɔ dza?

Galatianɛ 2:16

bunyi ɔsɛ beti bhui bɔtsyɔa akɔ anɔ nɛ yɛ ɔsha abha tɛbhɛbhɛtɛ shu, pɔ ɔganà tɛyɛyɛkɛŋã nɛ Yesu Kristo abha mɛ. Klisoɔ, bɔlɔ tsyɛ lɔkɔ bɔlɔ tɛyɛyɛkɛŋã kpɛ Kristo Yesu mɛ ɔsɛ tɛ bebhui bɔtsyɔa akɔ ɔlɔ nɛ Kristo abha tɛyɛyɛkɛŋã mɛ, gɛnɛ nɛ ɔsha nabha tɛbhɛbhɛtɛ shu so, ɔmɔsɛ ganà ɔsha nabha tɛbhɛbhɛtɛ mɛɛ, betibe bhui bɔtsyɔa akɔ anɔ nanà.

Romanɛ 11:6

Kliso onupɛ ɔgana tibhui bhuibu mɛɛ, kɛlɛ́ɛ, kɛtɛ kanu ɔsɛ kide balɛ axɔ̃ɛ wɔawɔa mɛ̀. Onupɛ balɛ axɔ̃ɛ wɔawɔa mɛ kide pɔɔ, kɛlɛ kɛtɛ kanu tibhui bhuibu.

Galatianɛ 3:29

Onupɛ onu Kristo ayɛ, kɛlɛ onu Abraham yɛeshui, nɛ̀ kaŋãsi elete nɛ kɛgɛ batɔɖɔ elu nulũ.

Romanɛ 4:16

Kliso tɛtɔtɔɖɔ ɛlɛ de tɛyɛyɛkɛŋã mɛ, sɛ tɛ kidzi asɛ tibhui bhuibu gɛ badɛ mɛ alɔkɔ akɔ bagɛ benu Abraham yɛeyi alɛ pete, anɛ ɔkɔ banunɔ gɛ beshù ɔsha ete ko, pɔ ɔkɔ bagɛ bayɛkɛ aŋã asɛ Abraham ana. Gɛ yɛenu akaa akɔ bɔlɔ petee nɔ.

Romanɛ 3:28

Kɛgɛ bɔnyana vunɔ kɛli nu ɔsɛ balɔkɔ anɔ teli asɛ enu anɔ gbangbã onupɛ ayɛkɛ Yesu abha aŋã, etinu asɛ ɔsha nabha tɛbhɛbhɛtɛ.

Petro 1 3:7

Badzɛenyine mɔ, nɛ kidzo ɛlɛ abhaa, wɔnɔ tsyɛ nɔolũ ebui esi ɔkɔ wɔnɔ edzinì alɛ nɛ kibeɛ gɛ nɔlɛ ɔplɛnɔ alɛ, tɛ nɔgbanà alɛ nɛ̀ kɛtakpu esi kpɛkpɛ ɔkɔ alɛ asɛ ohumi bhlui elete ana gɛ wɔnɔ nɛ alɛ ɔbɔ mɔ kaŋãsiɛ nɛ̀ tibhui bhuibu idɔ kɔkɔ ɔkɔ ɛkpã, sɛ tɛ kɛdɔ̃ nanà tɛbà kɔ nɔyɔlɔ Owusoso Akaa tikukulu.

Hebrianɛ 11:9

Nɛ tɛyɛyɛkɛŋã mɛɛ, Abraham ebhui bɔpã nɛ esiakpa gɛ kebe dzi yɛayɛ nabha, asɛ efu ana nɛ kɛmadi bhlatɔ mɛ. Abraham, Isak ɔlɔkɔ ɔplɛnɔ Yakob pete nɔ, apɔtɛ ɔgba mɛ baazã, gɛ balɛ tsyɛ enu kaŋãsi alɛ gɛ batɔɖɔ elu alɛ elete.

Hebrianɛ 11:7

Gana tɛyɛyɛkɛŋã mɛɛ, gɛ bakɔ Noa yɛeti asɛ kɛgɛ kabaɖi bàba ɛlɛ mɛɛ, alɔkɔ atɔ̃ lulũ gbangbã afatɛ kelĩabha ohu pɛ alɔkɔ ebu yɛɔpã nɔ. Alɔkɔ yɛtɛyɛyɛkɛŋã ebu kanɔ mɛanɛ nɛpɔ nɔ̀, kɛlɛ edzi kaŋãsiɛelete gbangbã gɛide tɛyɛyɛkɛŋã mɛ.

Hebrianɛ 6:17

Gɛ Owusoso Akaa apɛ asɛ tɛ akasɛ asɛ yɛtɛtɔtɔɖɔ ɛlɛ tɛbà tsyina ɔkɔ bagɛ abaŋã kaŋãsiɛ eɖi soɔ, atanà ɔdɔ̃ atɔɖɔ ɛlɛ abha.

Galatianɛ 4:7

Klisoɔ, oti konu anɔ dzidzi, pɔ eyì anyɛ wɔonu, kɛlɛ gɛ eyì anyɛ wɔonu soɔ, Owusoso Akaa abhɛtɛ wɔ tsyɛ ɔsɛ tɛ odzì kaŋãsi elete.

Romanɛ 4:4

Onupɛ anɔ teli awɔɛ ɛxɔ̃ɛɛ, yɛbhɛ babuia nɔ tinu asɛ kɛdɔ̃ gɛ balɔkɔ akɔɛ ete, pɔ kinu kibui tɔtɔɖɔ olu nɛ kɛxɔ̃ɛ shu.

Tito 2:13

nɛ kibeɛ gɛ buɖi kidzo mɛ ɔkɔ tiyuyula gɛ buɖi kidzo mɛ ɔkɔɔ, nɛ kibeɛ gɛ bupo tiyuyula ɛwuiɛ gɛ buɖi kidzo mɛ ɔkɔ nɛ Owusoso Akaa gbagbla yɛ tɛdadalɛ nɛ̀ Yesu Kristo gɛ ebu ɔlɔ tɛbaba nabha,

Tesalonikanɛ 2 2:16

Tɛ bɔlɔ Apalete Yesu Kristoɔ, nɛ̀ Owusoso Akaa, anɔ gɛ adɛmɛ nɛ ɔlɔ pɛ nɛ yɛ tibhui bhuibuɔ mɛɛ, akɔ ɔlɔ kemikpɛkpɛ tihɔɔ ɔkɔ kidzo gbangbã mɛ tiɖiɖiɛ,

Hebrianɛ 1:14

Baxɔ̃ɛdɛ petee nɔ pɔ, anɛ ɔfɔfuĩa mɛ axɔ̃ɛ badɛ, gɛ Owusoso Akaa akpɛ alɛ asɛ tɛ baplɛnɔ bagɛ babà yɛkɛ edzu nɛ ɛkpãa dza?