Tito 3:14 - Nyangbo New Testament

¹⁴ Kɛlɛ sɛ bɔlɔ banɔ nɔ akpasɛ kana gɛ babalɔkɔ balɛishu akɔ kibui gbangbã bhɛbhɛtɛ, sɛ tɛ balà amɔ kɛdɔ̃ ɔkɔ kiwui nyia wui ebui bhɛbhɛtɛ tɛ batɛ zãna ɛkpã gɛ lɛgɛ kpa plɛnɔ kɛxɔ̃ɛ wɔawɔa.

Tito 3:14 Referans Kwoze

Koloseanɛ 1:10

Kɛlɛ bukulù Owusoso Akaa sɛ tɛ̀ nɔzã nɛkpã gɛ ɛshɔ̃ ɔkɔ Apaleteɛ pɛ lɛbàku yɛawɔ̃ nɛ kidzo ka nyia ka abha, tɛ̀ nɔoyu eyuyù nɛ kɛxɔ̃ɛ gbangbã ka nyia ka wɔawɔa mɛ̀, tɛ̀ nɔoshè nɛ Owusoso Akaa kibuititìɛ mɛ,

Tito 3:8

Kibui ɛlɛ tɛɖɔɖɔ nu kibui gbã. Kɛlɛ ɛpɛ sɛ tɛ ɔɖɔ ebui alɛ odzinɔ ɔɖɔ, sɛ tɛ bagɛ ayɛkɛ Owusoso Akaa nabha aŋãa beɖi ishu abha piapii tɛ̀ balɔkɔ balɛishu akɔ kibui gbangbã bhɛbhɛtɛ. Ebui alɛ apɛ̃ kɛlɛ labà manà kibui gbangbã ɔkɔ aka nyia aka.

Filipianɛ 1:11

Nɔkɔ kibui gbangbã bhɛbhɛtɛ busi eyuyuɔ gɛ agã Yesu Kristo abha eyuku ɔnɔ mɛ, tɛ kidzi ishu dadalɛ nɛ̀ kinye kpɛkpɛ nɛitití ɔkɔ Owusoso Akaa.

Petro 2 1:8

Ɔmɔsɛ onupɛ ɛkpã gbangbã ɛlɛ nɛidi lɛ wɔnɔ ahɔɛ nɛ tikpekpè mɛɛ, kɛbà kɔ ɔsɛ wɔnɔ axɔ̃ɛ wɔawɔa avɛ kabha nɛ bɔlɔ Apalete Yesu Kristo yɛibui titìɛ mɛ.

Filipianɛ 4:17

Gɛnɛ sɛ gɛ ɛpɛ ɛdɔ̃ kɔkɔ so, pɔ iɖi kɛgɛ badzì tiyuyulà kɔ ɔnɔ.

Efesoanɛ 4:28

Agɛ yɛezuruɔ, ayɔlɔ yɛuzĩɛ gɛ ezuruɔ, pɔ awɔa axɔ̃ɛ, tɛ alɔkɔ yɛahɔɛ aza bhɛtɛ kibui tili gɛbà plɛnɔ, sɛ tɛ amɔ kɛdɔ̃ tili akɔ bagɛ apɛ ɛdɔ̃.

Tesalonikanɛ 2 3:8

alo pɛ bɔŋã anɔ teli bɔdɔ̃ gɛ bɔgɛ buia bɔlɛ ɛbhɛ. Kibui ɛlɛ shu soɔ, bɔwɔa axɔ̃ɛ elishi nɛ̀ kemuze, kɛlɛ buuwu pɛ buuzhì nɛ bɔtɔ mɛ sɛ tɛ bɔtɛ badzi bɔtɔ ɔkɔ wɔnɔ mɛ anɔ nanà.

Banɔkpɛkpɛ Axɔ̃ɛ 20:35

Nɛ kɛka nyia ka gɛ ɛbhɛtɛ mɛɛ, ɛkasɛ wɔnɔ ɔsɛ̀ kɛxɔ̃ɛ gagalĩ ɛlɛ nɛidi wɔawɔa mɛ kɛlɛ ɔsɛ bɔplɛnɔ bagɛ ohumi ɔma balɛ ahɔɛ, ɛɛbakà ebui alɛ gɛ Apalete Yesu aɖɔ asɛ, ‘Tiyuyulà kpasɛ kɛdɔ̃ kɔkɔ mɛ ɔdɛ kɛdɔ̃ yɛyɛkɛ mɛ.’ ”

Banɔkpɛkpɛ Axɔ̃ɛ 18:3

kɛlɛ gɛ enu anɔ gɛ enyi kagbabhɛtɛ asɛ balɛ soɔ, azã balɛ ɔbha pɛ awɔa axɔ̃ɛ nɛ balɛ.

Tesalonikanɛ 1 2:9

Mɛ adzya alɛ mɔ, kibui gbã, bɔtɔ nɛ ɛkpã zazãna gɛ gagalĩ ɔkɔ bɔlɔ, bɔwɔa axɔ̃ɛ elishi nɛ̀ kemuze sɛ tɛ butidzi bɔtɔ ɔkɔ ananà gɛ onupɛ bɔɖɔ Owusoso Akaa kibuiɛ tseɖe wɔnɔ.

Romanɛ 15:28

Kliso onupɛ ɛdɛ kɛxɔ̃ɛ ɛlɛ, pɛ iɖi kɛlɛ ɔkɔ ɔsɛ bɔdɔ̃ ɔlɛ ku balɛ ahɔɛ mɛ ebekeɛ, ɛba bàgã wɔnɔ ɔkɔ fala vɛ Spania.

Romanɛ 12:13

Nɔplɛnɔ ɔhamɛeyi nɔnɔ́ gɛ kɛdɔ̃ nanà ma yɛahɔɛ. Nɔzã ɛyamɛ gbangbã tɛbhɛbhɛtɛ abha ɔkɔ befu.

Filipianɛ 4:16

ɔmɔsɛ nɛ kibeɛ gɛ ɛzã Tesalonika tsyɛ elo, nɔzɔ sɛsɛ mɛ tɛpɛplɛnɔ owlui ɔzɔ sɛsɛ gɛ ɛdanà gɛzã mɛahɔɛ.

Tito 2:8

Kasɛ kaɖɔ gbangbã gɛ batɛ balà lɔɛtití nɛ alɛ shu tɛɖɔɖɔ, sɛ tɛ kiwũi yi bagɛ balɔɛtití nɛ wɔ shuɔ, ɔmɔsɛ bagɛ mɔ kibui kpa nanà gɛ abaɖɔ nɛ bɔlɔ shu.