Tito 2:12 - Nyangbo New Testament

¹² Kɛkasɛ ɔlɔ sɛ bɔɖɔ sɛ, “Ao” nɛ kɛgɛ gɛ kpaplɛnɔ Owusoso Akaa pɛ kinu kanɔ mɛ ebui tɛpɛpɛ shu, nɛ tɛ̀ bɔŋã bɔlɔ shu abha, bɔɖɔ olugbũ tonikpo tɛ bɔzana ɛkpã ɔkɔ Owusoso Akaa nɛ obo kanɔ alɛ mɛ,

Tito 2:12 Referans Kwoze

Romanɛ 6:19

Ɛɖɔ kɛlɛ nɛ anɔdzyrame yɛekpeɖekpeɖe ulũ, ɔmɔsɛ nobotsò nɛ wɔnɔ tɛzazã mɛ. Asɛ kɛlɔkɔ gɛ nɔzɔlɔkɔ ɔnɔ ishuɔ ɛkɔ toli ɔkɔ asɛ banɔ dzidzi ɔkɔ atsɔ̃ ebui bhɛbhɛtɛ, nɛ̀ ɛtakpu mɛ gagalĩ ebui tɛ lekpè atɔɖɔɔ, kliso otsi alɛ nɔlɔkɔ ishu ɔkɔ asɛ banɔ dzidzi ɔkɔ kibui gbangbã gɛ gbanà anɔ ɔvɛnɔ tɛdadalɛ mɛ.

Petro 2 2:9

onupɛ ana kɛlɛ́ɛ, kɛlɛ notì ɔsɛ Apaleteɛ enyi ibu gɛ ebebù bagɛ adɛmɛ nɛ̀ Owusoso Akaa odenɔ tifefekeɖi mɛ, bagɛ atɛ abhɛtɛ ebui gbã nɛ kebhu kukulu iwui nabha, nɛ kibeɛ gɛ batɔ̃ pɔpɔ̃ kɔ alɛ ɛtsiɖi ɛlɛ abha avɛ.

Yohanes 1 2:6

Anunɔ gɛ aɖɔ asɛ akpasɛ yɛmɛɛ, kɛlɛ sɛ agã asɛ Yesu anà tsyɛ.

Timoteo 2 3:12

Nɛ kibui gbã mɛɛ, babatɔnɔ anɔ ka nyia ka gɛ apɛ asɛ tɛ azãna ɛkpã kɔ Owusoso Akaa nɛ̀ Yesu Kristoɔ niede,

Kibui Bubú Kasɛ 14:12

Kɛlɛ sɛ tɛ bagɛ balɛishu badalɛ, pɛ babhɛtɛ nɛ Owusoso Akaa yɛɔsha nabha, pɛ begi tsodzi nɛ Yesu edeɛ, tɛbadɔ fɔ̃ɔ nɛ kemi kpɛkpɛ mɛ.

Tesalonikanɛ 1 4:7

Ɔmɔsɛ Owusoso Akaa egi kulu bɔlɔ asɛ bututru shu, pɔ tɛ bɔza nɛ ɛkpã gɛ ɛlɛ shu dalɛ.

Tito 3:3

Kibè tili gɛ bafala, bɔlɔ tsyɛ zɛdɔ bɔga, bugizi lũ atɔ̃, bawɔɛ ɔlɔ budzi banɔ dzidzi ɔkɔ kanɔ mɛ bɔdɔ̃ nɛ̀ kalɛ mɛ same ebuiɛ petee. Bɔzana ɛkpã kpa kɛlɛ bɔkpɛ banɔ awɔ̃, bɔkɔ sɛ banɔ anyanã ɔlɔ akpɛ ɛyamɛ kɛlɛ bɔlɔ tsyɛ nyanã bagɔlɔ kpɛ ɛyamɛ.

Tesalonikanɛ 1 4:9

Otsi nɛ adzya tɛdɛdɛmɛ nɔ shuɔ, kɛga shɔnɔ ɔsɛ bɔfɔnɔ kɔ wɔnɔ, ɔmɔsɛ Owusoso Akaa atɛ kasɛ wɔnɔ sɛ nɔdɛmɛ nɛ bagɔlɔ.

Efesoanɛ 2:2

gɛ alɛ mɛ nɔtɛ zã oɖi nɛ kibeɛ gɛ nɔkpà tɔnɔ kanɔ nɔ̀ mɛ edzoɔ nɛ̀ agɛ yɛaŋã bukusi nɛ bukusi ɔpã gɛ kpasɛ kɛlɛ́ɛ nɔ mɛ, ɔfɔfuĩa nɔ gɛ lɔɔwɔa axɔ̃ɛ otsiɛ nɛ batɔ̃ gagalĩ eleteɛ mɛ.

Romanɛ 12:2

Nɔtɛ ɔzã nɛkpã asɛ kanɔ alɛ mɛanɛ, pɔ nɔkɔ Owusoso Akaa yɛetsyina wɔnɔ ekpeɖekpeɖe mɛ tɛbhɛbhɛtɛ yɛedzi avɔvɔ. Kɛlɛ̀ bakɔ ɔsɛ nɔpɔ̃ɛ Owusoso Akaa ebui tɔtɔɖɔɔ mɛ oɖi, kɛgɛ ɛpɛ nɛ̀ kɛgɛ yɛadɛmɛ nɔ, pɛ kɛlɛ ná piapii nɔ.

Romanɛ 6:12

Kliso nɔtɛkɔ ɔsɛ ibui kpa aŋã ukusi nɛ wɔnɔ abha tɛ nɔzɛ ɔbhɛtɛ ɔtɔɖɔ kibui kpa tɛpɛpɛ ulũ.

Yohanes 1 2:27

Wɔnɔ xɔnɔɔ, bɔbɔ sasara gɛ nɔyɛkɛ odenɔ yɛ mɛɛ kakpasɛ wɔnɔ mɛ. Nɔgɛ pɛ ananà tɛ akasɛ wɔnɔ ɔdɔ̃. Pɔ gɛ yɛɔbɔ sasara kasɛ wɔnɔ bɔdɔ̃ nɛ ebuiɛ petee shu pɛ butinu asɛnɛ bɔdɔ̃ kakasɛɛ, bɔdɔ̃ gɛ bɔbɔ sasara kasɛ wɔnɔɔ, nɔzã yɛ mɛ ana.

Petro 2 3:11

Gɛ bebè zĩ kɛka nyia ka nɛidzo ɛlɛ nabha soɔ, banɔ ɖuwoe idì kɛlɛ sɛ tɛ̀ nɔodzìɛ dza? Kɛlɛ sɛ nɔzã ɛkpã dadalɛ nɛ̀ kɛtakpu esi kpɛkpɛ ɔkɔ Owusoso Akaa mɛ

Hebrianɛ 8:11

Otsi alɛ anɔ nanà azakasɛ yɛɔhagbo ɔdɔ̃, alo etseɖe yɛadzya asɛ, ‘Apaleteɛ nɛ alɛ,’ ɔmɔsɛ balɛ pete bebèti mɛ, odenɔ anuvɔ bhlui nabha ɔvɛnɔ esheshè nabha.

Timoteo 1 6:17

Kpɛ obo kanɔ alɛ mɛ ehoeyi eleteɛ ɔsha tɛ betifeke ishu alo tɛ balɔkɔ otugbà mɛ tiɖiɖiɛ atɔɖɔ ehoeyi mɔmɔ abha, gɛ betinyi kɛgɛ baba, pɔ balɔkɔ balɛ otugbà mɛ tiɖiɖiɛ atɔɖɔ Owusoso Akaa nabha, anɔ gɛ yɛakɔ bɔlɔ ehoeyi nɛ̀ kɛka nyia ka ɔkɔ bɔlɔ samɛ mɔmɔ.

Timoteo 1 4:12

Tɛkɔ ɔsɛ ananà eɖi wɔ asɛ anuvɔ wɔonu so, pɔ kpɛ kibui tili olu ɔgana kaɖɔ ɖɔɖɔ mɛ, nɛ wɔɛkpã mɛ, wɔtɛdɛdɛmɛ nɛ̀ anɔ, nɛ tɛyɛyɛkɛŋã nɛ̀ ɛkpã dadalɛ mɛ.

Koloseanɛ 1:22

Pɔ otsiɛ xɔnɔ, abhɛtɛ̀ ɔnɔ tenikpo nɛ̀ Kristo ishudzya ɔganà butsi mɛ, tɛ̀ abhɛtɛ wɔnɔ ishu lɛ dalɛ nɛ yɛamɛ, tɛ̀ batɛmɔ kihututũ nanà nɛ ɔnɔ shu tɛ̀ noboli odenɔ kɛpɔ bubu mɛ,

Galatianɛ 5:24

Bagɛ enu Kristo Yesu ayɛ xɔnɔ, bakpalà balɛ ebui kpa bhɛbhɛtɛ nɛ̀ kɛgɛ badɛmɛ nɔ nɛ̀ kɛgɛ bapɛ nɔ nɛ butsi osiɛ shu.

Galatianɛ 1:4

anɔ gɛ alɔkɔ yɛishu akɔ nɛ bɔlɔ ibui kpa nɛtakpu, ɔsɛ tɛ ebu ɔlɔ odenɔ obo kanɔ alɛ ebui kpa bhɛbhɛtɛ mɛ, nɛ tɛtɔtɔɖɔ gɛide Owusoso Akaa gɛenu bɔlɔ Akaa ɔkɔ,

Korintoanɛ 2 7:1

Mɛ ɔbhia alɛ gɛ ɛdɛmɛnɔ, gɛ batɔɖɔ ebui alɛ elú akɔ bɔlɔ soɔ, nɔkɔ bɔdalɛ bɔlɔ shu odenɔ kɛka nyia ka gɛ kɛkpɛ̀ kibò nɛ bɔlɔ ishudzya nɛ̀ ɔfɔfuĩa nɔ shu, tɛ bɔlɔ shu dalɛ tɔɖɔ nɛ kɛtakpu esi kpɛkpɛ ɔkɔ Owusoso Akaa mɛ.

Korintoanɛ 2 1:12

Pɔ otsiɛ nɔ butũ kitélũ ɔsɛ, bɔlɔ kitú mɛ ebui etseɖe bɔlɔ ɔsɛ bɔnyãna bɔlɔ shu piapii nɛ kanɔ nɔ̀ mɛ, asɛ kana gɛ bɔkpɛ ɔha nɛ̀ wɔnɔ, nɛ tɛdadalɛ kibui gɛlɛ kɛlɛ ɔzãkɔ tɛɖɔɖɔ kide Owusoso Akaa ɔkɔ. Gɛnɛ kesiakpa abha bubutì bɔlɔkɔ bhɛtɛ ebui alɛ nɔ, pɔ nɛ Owusoso Akaa tibhui bhuibu mɛ boŋ.

Romanɛ 8:13

Onupɛ nɔzã nɛ̀ ɛkpã nɛ kanɔ alɛ ɛkpã kpa ulũɔ, nobotsí, pɔ onupɛ nɔlɔkɔ Ɔfɔfuĩa nɔ oyí kanɔ mɛ ebui kpa gɛ nɔdɛmɛ nɔ nɔ̀ɔ, nɔbɔzã nɛ ɛkpã,

Banɔkpɛkpɛ Axɔ̃ɛ 24:25

Kibeɛ gɛ Paulo azaɖɔaɖɔ nɛ ishu dadalɛ, ishu abha ŋaŋã nɛ̀ kebhu kukuluɔ gɛ abaa, kifù yi Felike kɛlɛ abaɖɔ asɛ, “Abɔ otsiɛ gbɔ! Ɔbɔlà ɔshɛ. Onupɛ ɛbamɔ kibè tsyɛ ɛbà kpɛ banɔ nɛ wɔkɔ.”

Banɔkpɛkpɛ Axɔ̃ɛ 24:16

Kliso ɛwlɔãkɛ kibe nyia be ɔsɛ tɛ mɛ ekpeɖekpeɖe mɛ adalɛ nɛ Owusoso Akaa namɛ nɛ̀ anɔdzyrame shu.

Yohanes 1 5:19

Bunyi sɛ Owusoso Akaa yɛeyi alɛ bunu, kɛlɛ bunyi tsyɛ ɔsɛ kanɔ nɔ̀ tɛgbagbana kpasɛ abosam esi.

Efesoanɛ 1:4

Ɔmɔsɛ yɛebu ɔlɔ sɛ bɔzã yɛ mɛ, flogo pɛ kanɔ nɔ̀ aba kpɛ esi, tɛ bɔlɔ shu dalɛ tɛ batɛ mɔ ibui zizĩ nanà nɛ ɔlɔ shu nɛ yɛamɛ. Nɛ̀ tɛdɛdɛmɛ nɔ mɛɛ,

Yuda 1:18

Betseɖe wɔnɔ asɛ, “Nɛ ewui gɔgɔɛ nɔ mɛɛ, bagɛ amɔ̃ɛ anɔ ababa, banɔ gɛ abazã alɛ mayɛkɛ mayɛkɛŋã edzoɔ niede.”

Timoteo 2 4:10

Dema xɔnɔ gɛ adɛmɛnɔ nɛ̀ kanɔ alɛ mɛ soɔ, ashɛ ayɔlɔ mɛ avɛ Tesalonika. Kreske tsyɛ avɛ Galatia, kɛlɛ Tito tsyɛ avɛ Dalmatia.

Timoteo 1 6:9

Banɔ gɛ bapɛ asɛ tɛ bamɔ ehoeyiɛ, bezhieku tifefekeɖi nɛ̀ kɛgbã dɔdɔ mɛ nɛ bɔga dɔdɔ ebui, nɛ̀ ebui kpa gɛ lagbana anɔ kpɛ kizizĩ nɛ̀ butsi mɛ.

Yakobo 1:27

Kɛtakpu esi kpɛkpɛ gɛ kɛli shu bhui pɛ kibo nanà ma kɛlɛishu, nɛ bɔlɔ Owusoso Akaa namɛɛ nu ɔsɛ tɛ nɔplɛnɔ batsyãnbhi nɛ̀ bavɛvɛ edzini nɛ balɛ ɔtɔ mɛ. Kɛlɛ tɛ anɔ alà yɛishu ebu nɛ kanɔ mɛ ebuiɛ gɛ letuturu anunɔɔ mɛ.