Tito 2:11 - Nyangbo New Testament

¹¹ Ɔmɔsɛ Owusoso Akaa tibhui bhuibuɔ gɛ mana tibubuɔ koeyì ɔkɔ banɔ nɔ petee.

Tito 2:11 Referans Kwoze

Timoteo 1 2:4

anɔ gɛ apɛ asɛ tɛ bebu anɔ ka nyia ka sɛ tɛ baba kibui titìɛ gɛ lɛ ɛlɛ ɔzãkɔ mɛ.

Efesoanɛ 2:8

Ɔmɔsɛ tibhui bhuibu shu so pɛ bebu ɔlɔ ɔgana tɛyɛyɛkɛŋã mɛ, kɛlɛ kɛgi de wɔnɔ ɔkɔ, pɔ Owusoso Akaa yɛdɔ kɔkɔ kinu,

Hebrianɛ 2:9

Pɔ bɔmɔ Yesu, anunɔ gɛ bezhinɔ yɛesi ibɔɛ adɛ baxɔ̃ɛdɛɛ, otsi alɛ Owusoso Akaa akɔɛ ishu dadalɛ, pɛ akpɛ yɛinye nɛitití, ɔmɔsɛ yɛamɔ bɔtɔ pɛ etsí. Kɛlɛ nɛ Owusoso Akaa yɛ tibhui bhuibu nulũɔ, tɛ ètsí nɛ anɔ ka nyia ka yɛulũ.

Efesoanɛ 2:5

akɔ bɔmɔ ɛkpã ɔplɛnɔ Kristo nɛ kibeɛ gɛ butsí nɛ bɔlɔ esi tata mɛ, ashagabui ɖiɖi so pɛ bebu ɔlɔ.

Tesalonikanɛ 2 2:16

Tɛ bɔlɔ Apalete Yesu Kristoɔ, nɛ̀ Owusoso Akaa, anɔ gɛ adɛmɛ nɛ ɔlɔ pɛ nɛ yɛ tibhui bhuibuɔ mɛɛ, akɔ ɔlɔ kemikpɛkpɛ tihɔɔ ɔkɔ kidzo gbangbã mɛ tiɖiɖiɛ,

Romanɛ 5:15

Pɔ kɛdɔ̃ kɔkɔ ɛlɛ gã ɔtɔ nɛ Adam esitata shu. Onupɛ banɔ gelee betsí aganà anɔ tenikpo alɛ gɛ ata esi soɔ, kiɖeso pɛ Owusoso Akaa yɛtibhui bhuibu nɛ̀ kɛdɔ̃ kɔkɔ gikoeyi odenɔ tibhui bhuibu odenɔ anyɛ tenikpo alɛ, gɛ enu Yesu Kristo, gɛ atsakɛ afala nɛ banunɔ nyɔ̃ɔ mɛ.

Banɔkpɛkpɛ Axɔ̃ɛ 11:23

Gɛ ediku pɛ amɔ asɛ kibui gbã kinu ɔsɛ Owusoso Akaa ebhui balɛ ebuɔ, same ekui, kɛlɛ akpɛ balɛ petee kemi asɛ tɛ̀ balɔkɔ̀ balɛ etúɔ nyɔ̃ɔ azã nɛ̀ ɛkpã ɔkɔ Apaleteɛ.

Banɔkpɛkpɛ Axɔ̃ɛ 20:24

Klisoɔ, ɛtɛka lɔkɔ mɛkpã asɛ lɛinu kɛdɔ nanà ɔkɔ mɛ, pɛ ɛtalà kɛxɔ̃ɛ gɛ Apalete Yesu akpɛ mɛahɔɛ wɔa bekeɛ, kɛxɔ̃ɛ gɛ kɛlɛinu ɔsɛ tɛ ɛdalɛ Owusoso Akaa ibuiɛ gɛ kibhui bɔlɔ buɔ shu.

Timoteo 1 1:14

Apaleteɛ akɔ mɛ yɛ tibhui bhuibuɔ nɛ tikpekpe mɛ, ɔlɔkɔ plɛnɔ tɛyɛyɛkɛŋã nɛ̀ tɛdɛdɛmɛ nɔ gɛ kɛkpasɛ Kristo Yesu mɛ.

Romanɛ 5:2

anɔ gɛ yɛabha bɔgã pɛ bɔmɔ tɛyɛyɛkɛŋã nɛ̀ tibhui bhuibu ulɛ mɛ gɛ bɔlɛ otsiɛ. Kɛlɛ samɛ eku ulɔ gɛ buulu awɔ̃ nɛ Owusoso Akaa yɛishu dadalɛ nabha.

Koloseanɛ 1:6

gɛ ba ɔnɔ kɔ. Nɛ kanɔ nɔ̀ mɛ petee nɔ, kibui gbangbã ɛlɛ yù eyuyù kɛlɛ kishe tɔɖɔ, asɛ kana gɛ kɛbhɛtɛ nɛ wɔnɔɛshi odenɔ kiwui ɛlɛ nabha gɛ nɔolũ ɛlɛ pɛ nɔolũ Owusoso Akaa tibhui bhuibu nɛ̀ ɛlɛ kibui gbã petee esi.

Galatianɛ 2:21

Ɛgɛ lɔkɔ mɛ Owusoso Akaa tibhui bhuibuɔ lu ɛwɔ̃a, ɔmɔsɛ onupɛ babàmɔ kibui gbangbã tɛbhɛbhɛtɛ ɔgana ɔshaa mɛɛ, kɛlɛ Kristoɔ etsí bɔwɔ̃a kua!”

Korintoanɛ 2 6:1

Asɛ Owusoso Akaa ɔhaxɔ̃ɛwɔa anaa, bɔkpalà wɔnɔ sɛ nɔtɛ yɛkɛ Owusoso Akaa tibhui bhuibuɔ asɛ kɛlɛ́ɛ mɛdɔ̃ ana.

Banɔkpɛkpɛ Axɔ̃ɛ 13:47

Kɛgɛ Apalete atɔɖɔ akɔ bɔlɔ kɛlɛinu ɔsɛ, “Ɛbhɛtɛ wɔnɔ nɔodzi kifù ɔkɔ bagɛ etinu Yudanɛ sɛ tɛ nɔyɛkɛ banunɔ nɛ kesiakpa nabha olu nɛkpã ɔvɛnɔ kanɔ nɔ̀ ɔtɔ̃kɔ.’

Banɔkpɛkpɛ Axɔ̃ɛ 13:43

Gɛ banunɔ ekoeyì nɛ kɛtakpu ɔtɔ̃kɔɔ, Yudanɛ kpekpèɛ nɛ̀ bagɛ etsyina eku Yudanɛ ɔha mɛ atɔnɔ Paulo nɛ̀ Barnaba. Bazaɖɔaɖɔ nɛ̀ alɛ pɛ azakpalà alɛ asɛ bazã kɛlɛ abha nɛ balɛ Owusoso Akaa tibhui bhuibuɔ mɛ.

Hebrianɛ 12:15

Nɔnyana ishu piapii sɛ tɛ noti tsodzi nɛ Owusoso Akaa tibhui bhuibuɔ shu. Nɛ kidzo ɛlɛ nabhaa anɔ nanà atɛzã asɛ tɛwɔa kɛtɛtɛ́ gɛ tishè pɛ tɛlɔkɔ ɛlɛ abɔɛ zĩ udɔ̃ gelee nɔ ana.

Timoteo 2 4:17

Pɔ, Apaleteɛ azã aplɛnɔ mɛ pɛ akpɛ mɛ ohumi, sɛ tɛ ɔgana mɛabhaa, baba ɖɔ kibuiɛ akana, kɛlɛ bagɛ betinu Yudanɛ tsyɛ ebelũ ɛlɛ. Kɛlɛ bebu mɛ edenɔ dzata olugbũ mɛ.

Koloseanɛ 1:23

onupɛ nɔzã ɛlɛ abha nɛ ɔnɔ tɛyɛyɛkɛŋã mɛ, pɛ nɔodzi gagalĩ, pɛ nɔgɛ shɛ nɛ wɔnɔ kidzo mɛ ɖiɖiɛ gɛlɛ kibui gbangbã mɛ shu. Kibui gbangbã ɛlɛ gɛ nɔolũɔ baɖɔ etseɖe kɛdɔ̃ bhɛbhɛtɛ ka nyia ka gɛ lɛ kitití niesi, pɛ kɛlɛ shu mɛ Paulo badzi axɔ̃ɛdɛ ɔkɔɔ.

Romanɛ 10:18

Pɔ ibisi sɛ. Begilũ dza? Baa nɔ belũ alɛ, “Balɛ kibuiɛ ozĩ kpɛkpɛ oyi gɛ lɔtsyɔa esiakpa nabha petee, balɛ ebuiɛ avɛ kanɔ nɔ̀ ɔtɔ̃ kɔ.”

Banɔkpɛkpɛ Axɔ̃ɛ 17:30

Kuku ibeɛ, Owusoso Akaa ezedzini awɔ̃ atɔɖɔ ebui alɛ gɛ noɔtinyiɛ nabha, pɔ otsiɛ xɔnɔɔ akpɛ ɔsha akɔ aka nyia aka asɛ betsyina nɛ balɛ etúɔ mɛ.

Timoteo 2 1:10

pɔ otsi alɛ bebu ɛlɛ akasɛ ɔgana agɛ yayɛkɛ akɔ ɔlɔ tɛbaba mɛ, Kristo Yesu, anɔ gɛ aŋã butsì abha pɛ alɔkɔ ɛkpã gɛ bazã tihɔɔ nɔ amana tɛdadalɛ ɔgana kibui gbangbã mɛ.