Tito 1:5 - Nyangbo New Testament

⁵ Kɛnɔnɔ shu so pɛ ɛshɛ yɔlɔ wɔ nɛ Kreta kɛlɛinu ɔsɛ tɛ owoese ebuiɛ gɛatɔ̀ pɛ balɔkɔ akpɛ wɔahɔɛ tɛ obu bagɛ abazã ɔha nulũ nɛ ɔma ka nyia ka mɛ, asɛ kana gɛ ɛkasɛ wɔ ana.

Tito 1:5 Referans Kwoze

Banɔkpɛkpɛ Axɔ̃ɛ 14:23

Paulo nɛ̀ Barnaba edzu ɔhamɛ besheshè akɔ alɛ nɛ ɔha ka nyia ka mɛ, kɛlɛ nɛ Owusoso Akaa tikukulu nɛ̀ olugbũnyanyã mɛɛ, balɔkɔ balɛ akpɛ ahɔɛ akɔ Apaleteɛ gɛ yɛabha bayɛkɛ aŋãa.

Timoteo 1 1:3

Asɛ kana gɛ ɛkpalà wɔ nɛ kibeɛ gɛ ɛvɛ Makedonia nɔ, zã Efesoɔ tɛ̀ ɔkpɛ ɔsha ɔkɔ banɔ nɔ teli, sɛ batɛ zakasɛ asɛnɛ bɔdɔ̃

Korintoanɛ 1 14:40

Pɔ nɔbhɛtɛ kɛka nyia ka tɛ̀ kɛshɔ kɛlɛ nɔbhɛtɛ ɛlɛ nɛ kidzoɔ gɛ bashɔrɔ elúɔ nabha.

Timoteo 2 2:2

Nɛ̀ ebuiɛ gɛ olũ mɛɖɔ nɛ banɔ kpekpèɛ gɛ azã amɔ ebui alɛ amɛ, lɔkɔ ɛlɛ ɔkɔ banɔ gɛ belu awɔ̃ nɛ balɛ abha pɛ balɛ tsyɛ ashɔ̃ asɛ bakasɛ banɔ bhlatɔ ɔdɔ̃.

Korintoanɛ 1 11:34

Onupɛ bɔbhɛ yì wɔnɔ mɛ anɔ teliɛ, baŋã bɔdɔ̃ nɛ bɔpã mɛ, sɛ tɛ̀ onupɛ nɔbɔ tsyɔaa, kɛtɛbà tsyina dzì kebhu kukulu. Kɛlɛ onupɛ ɛzɛ ba wɔnɔ ɔbhaa tsyɛɛ, ɛba tseɖe wɔnɔ kɛgɛ nɔbɔ bhɛtɛɛ.

Banɔkpɛkpɛ Axɔ̃ɛ 27:21

Gɛ banyɛ agɛŋã bɔdɔ̃ nɛ ewui gelee mɛ nɛ kɛlɛɛ nɔ gifùɔ shu soɔ, Paulo abalɔɛtití nɛ balɛishi pɛ aɖɔ asɛ, “Banyɛ mɔ, nɔotolũ mɛibuiɛ gɛ ɛɖɔ ɔsɛ tɛ butì gè kelĩabhaohuɔ nɛ Kreta nɔ̀, tsyɛ alo bɔtɔ ɔlɛ̀ nɛ̀ bɔdɔ̃ gizĩ kɔ ɔlɔ gɛtà ba ɛlɛ mɛ ana.

Banɔkpɛkpɛ Axɔ̃ɛ 27:12

Gɛ kelĩabhaohuɔ ɔtsɛkɔ ɔtɛpɛ̃ nɛ ekukù mɛ soɔ, banɔ kpekpèɛ abadɛmɛ atɔɖɔ ɛlɛ abha sɛ bɔvɛ kidzoɔ tɛgagã nabha, kɛlɛ buziɖi kidzo mɛ ɔsɛ tɛ̀ budiku Foenike tɛ̀ bɔzã ɛkɛlɛ nɛ ekukùɔ mɛ. Ɛkɛlɛ onù kelĩabhaohu ɔtɔkɔ nɛ Kreta gɛ obu bamɛ ɔkpɛ kanɔ nɔ̀ bɔpialɛ gɛɔvɛ kiwuiɛ ɔdɔkɔ ɛbé nɛ̀ kanɔ nɔ̀ bɔpiabha ɔkɔ gɛɔvɛ̀ kiwuiɛ ɔdɔkɔ ɛbeɛ.

Banɔkpɛkpɛ Axɔ̃ɛ 27:7

Bɔgã kidzoɔ kɛbɔɛ ɛbɔɛ nɛ ewui gelee mɛ kɛlɛ bɔmɔ bɔtɔ flogo pɛ̀ budiku Knido. Gɛ kɛlɛɛ fufùɔ gɛkɔ bɔlɔ kidzò ɔsɛ tɛ̀ bɔvɛ̀ otugbàa, bɔgã Kreta aƒuɔ ogbogbòɔ gɛ lotsyinà kede ɔkpɛ Salmoniɛ.

Banɔkpɛkpɛ Axɔ̃ɛ 11:30

Kɛgɛ babhɛtɛ kɛlɛinu ɔsɛ, basɛsɛ besheshèɛ bɔdɔ̃ ɔganà Barnaba nɛ̀ Saulo abha.

Koloseanɛ 2:5

Ɛma ɔnɔ ɔbha nɛ ishupi mɛ tsyɛ elo, ɛlɛ wɔnɔ ɔbha nɛ ɔfɔfuĩa xɔnɔ mɛ, kɛlɛ ɛpɛ sɛ mɛitì kɛlɛ gɛ wɔnɔ tɛyɛyɛkɛŋã lɛ gagalĩ nɛ Kristoɔ mɛ.

Banɔkpɛkpɛ Axɔ̃ɛ 2:11

(bagɛ benu Yudanɛ nɛ̀ bagɛ betsyina atɔnɔ Yudanɛ ɛkɔɔ) Kretanɛ nɛ̀ Arabianɛ, bulũ baɖɔ̀ Owusoso Akaa ebui gɛ labhɛtɛ kibi nɛ bɔlɔ ahɔɛ buluhũ mɛ̀.”

Banɔkpɛkpɛ Axɔ̃ɛ 27:13

Gɛ kɛlɛɛ gidè kanɔ nɔ̀ bɔpialɛ ibeɛ kpɛ tifufù esi kɛbɔɛ ɛbɔɛ nɔ, abhɛtɛ balɛ xɔnɔ asɛ bamɔ kɛgɛ bapɛ̀ɛ nɔ̀, klisoɔ bebú ɔɖaa gɛ lɔnyanà kelĩabhaohuɔ kɛlɛ bɔgã kelĩabha kidzoɔ ɔvɛ̀ Kreta ogbogbòɔ.

Korintoanɛ 1 4:17

Nɛ kibui ɛlɛ shuɔ ɛsɛsɛ Timoteo nɛ wɔnɔ ɔkɔ, mɛ eyianyɛ gɛ ɛdɛmɛ nɔ, anɔ gɛ abhɛtɛ kibui gɛlɛ ɛlɛ ɔzãkɔ nɛ Apaleteɛ mɛ. Yɛaba abaka wɔnɔ nɛ kɛzã gɛ ɛzã nɛkpã nɛ Kristo Yesu mɛ, gɛ kɛshɔnɔ kɛgɛ ɛkasɛ wɔnɔ nɛ ɔkɔ nyia ɔkɔ nɛ ɔhaa ka nyia ka mɛ.

Tito 1:12

Balɛ ahɔɛ ebuiɖɔluanɔ tenikpo gɛ ede Krete nɔ tsyɛ aɖɔ asɛ, “Kretanɛ enu basɛnɛ elete ɖaa, ebui kpa bhɛbhɛtɛ elete nɛ̀ banɔ zhyɔzhyɔrɛ elete gɛ baŋã bɔdɔ̃ ɔtsɔ̃.”