Timoteo 2 4:18 - Nyangbo New Testament

¹⁸ Apaleteɛ ebe bu mɛ odenɔ kibui kpa ka nyia ka ɛdi gɛ balɔkɔ nɛ mɛ shuɔ mɛ, kɛlɛ aba gbanà mɛ avɛnɔ yɛititì bukusi ɔŋãkɔ nɛ ishu yɔyɔ mɛ. Ishu dadalɛ ɔkɔ yɛ ɔvɛnɔ tihɔɔ. Amen.

Timoteo 2 4:18 Referans Kwoze

Tesalonikanɛ 2 3:3

Pɔ Apaleteɛ atɛasɛ asɛnɛ, abakpɛ wɔnɔ ohumi kɛlɛ ebebu wɔnɔ odenɔ anɔ kpa ahɔɛ mɛ.

Petro 1 1:5

banɔ gɛ ɔgana tɛyɛyɛkɛŋã mɛ balɔkɔ Owusoso Akaa ohumi nɔ akpɛ ɔkã nɛ wɔnɔ shu, ɔvɛnɔ kibeɛ gɛ anɔ tibubuɔ gɛ babalɛ elu akɔ nɛ ewui gɔgɔɛ mɛ babà.

Tesalonikanɛ 1 5:23

Owusoso Akaa, yɛahɔɛ ishu yɔyɔ, dalɛ wɔnɔ shu tɛ̀ edzinɔ adalɛ. Tɛ̀ Wɔnɔ ɔfɔfuĩa nɔ petee, kɛtɔwuiɛ nɛ̀ ishudzyaa zã kɛpɔ mabu mabu nɛ Apalete Yesu Kristo tɛbabaa shu.

Hebrianɛ 13:21

alɔkɔ ɔdɔ̃ gbangbã ka nyia ka idi akɔ ɔnɔ sɛ tɛ nɔbhɛtɛ nɛ yɛibui tɔtɔɖɔ nabha, tɛ abhɛtɛ kɛgiku yɛawɔ̃ nɛ bɔlɔ mɛ ɔgana Yesu Kristo abha. Yɛyɛ́ kɛlinu ishu dadalɛ odenɔ otsiɛ ɔvɛnɔ tihɔ, tihɔ. Amen.

Timoteo 2 1:12

Kliso pɛ ɛmɔ bɔtɔ ɔlɛ asɛ gɛ ɛmɔ ana. Pɔ kiwũi tiyi mɛ, ɔmɔsɛ inyi anunɔ gɛ yɛabha mɛyɛkɛŋã, kɛlɛ ɛyɛkɛŋã sɛ abalà anyanã kibuiɛ gɛ ɛkpɛ yɛahɔɛ ovunɔ ɔvɛnɔ kiwui ɛlɛ nabha.

Korintoanɛ 2 1:10

Ebú bɔlɔ odenɔ butsí ɛlɛ nɛidì mɛ̀, kɛlɛ ezebè bu ɔlɔ. Yɛabha bulu awɔ̃ sɛ abàzã kɛlɛ abha pɛ ebebu bɔlɔ,

Romanɛ 11:36

Owusoso Akaa yɛabhɛtɛ kɛka nyia ka, kɛlɛ yɛahɔɛ mɛ lalɛ, kɛlɛ yɛahɔɛ mɛ lagã. Kɛtakpu esi kpɛkpɛ inu yɛyɛ́ tihɔɔ! Amen.

Timoteo 1 6:16

anɔ gɛ yɛete yɛetitsì, nɛ̀ anɔ gɛ akpasɛ kifu gɛ anɔ atɛ balà tsoplɛnɔ nɛishiɛ, anɔ gɛ ananà aka mɔ yɛeɖi alo pɛ abamɔ eɖi tsyɛ. Yɛ kɛlɛ ɔsɛ tɛ bakpɛ yɛinye nɛ̀ yɛohumi nɛitití ɔvɛnɔ tihɔɔ. Amen.

Korintoanɛ 1 10:13

Kibui nanà tifeke wɔɖi ɔdɛ kibui nɔnɔ gɛŋã anɔ ka nyia ka abha. Pɔ Owusoso Akaa xɔnɔ abhɛtɛ kibui gbã, atɛ bakɔ tifefekeɖi nɔnɔ gɛ kɛbà dɛwɔ ba wɔabha. Pɔ onupɛ befeke wɔ eɖiɛ, abapɛ kidzo nɔnɔ abha gɛ ɔbɔgã pɛ obokoeyì nɛ kɛlɛ mɛ.

Petro 1 5:11

Yɛahɔɛ ohumi ɔlɛ denɔ otsiɛ vɛnɔ tihɔɔ. Amen.

Timoteo 1 1:17

Otsi nɔ, tɛ̀ Ekusiɛ gɛ abazã tihɔɔ nɔ, anɔ gɛ etibetsì eɖi, anɔ gɛ batɛamɔ yɛ, Owusoso Akaa gɛ yɛ ete, yɛ kɛlɛ sɛ balɔkɔ kɛtakpu esi kpɛkpɛ nɛ̀ ishu dadalɛ akɔ ɔvɛnɔ tihɔɔ mɛ. Amen.

Yuda 1:1

Mɛ Yuda, Yesu Kristo yɛaxɔ̃ɛdɛ nɛ̀ Yakobo yɛadza ɔkɔ. Mɛfɔnɔ keplukpa alɛ ɛsɛsɛ bagɛ bekulu pɛ Owusoso Akaa adɛmɛ nɔ pɛ Yesu Kristo abalɛ alɛ elúɔ.

Galatianɛ 1:5

yɛ kɛlɛ ɔsɛ badalɛ yɛishu odenɔ tihɔɔ ɔvɛnɔ tihɔɔ mɛ. Amen.

Romanɛ 16:27

sɛ tɛ bɔkpɛ Owusoso Akaa gɛenu ebuitinɛ tenikpo nɔ nɛitití tihɔɔ nɛ Yesu Kristo yɛinye mɛ! Amen.

Yakobo 2:5

Mɛdzya alɛ gɛ ɛdɛmɛ nɔ, nɔtɛ atɔ̃ tɛ nolũ. Pɛnɔsɛ anɛ bagɛ beɖì asɛ balɛ enu betsyutsyuiɛ, balɛ Owusoso Akaa xɔnɔ ebú bedzi ehoeyielete nɛ tɛyɛyɛkɛŋã mɛ, kɛlɛ anɛ balɛ abaŋã itití ukusiɛ gɛ atɔɖɔ elu akɔ agɛ adɛmɛ yɛibuiɛ mɔɔ dza?

Korintoanɛ 1 1:21

Nɛ Owusoso Akaa bubuti nulũ soɔ, kanɔ alɛ mɛ gana kalɛ bubutiɛ mɛ betinyi yɛ, bɔwɔaga kibuiɛ gɛ baɖɔ tɛ bebù bagɛ ayɛkɛ aŋã elu nɛkpã ku Owusoso Akaa nɔ awɔ ɔdɛ.

Korintoanɛ 1 15:50

Mɛadzya alɛ, ɛkɔ notì ɔsɛ ishupi ɛlɛ nɛ̀ dzyosu atɛba mɔ Owusoso Akaa bukusi bɔpã, pɛnɔsɛ kɛdɔ̃ gizĩɛ bamɔ ɔŋãkɔ odenɔ kɛdɔ̃ gitiziɛ ɔkɔ.

Timoteo 2 4:1

Nɛ Owusoso Akaa nɛ̀ Kristo Yesu amɛɛ, anunɔ gɛ yɛebè kulu kebhu nɛ̀ bagɛ alɛ nɛkpã nɛ betsitsiɛ, kɛlɛ nɛ yɛ tɛbaba nɛ yɛikusi ɔŋãkɔɔ, ɛkɔ wɔ ɔsha ɔlɛ sɛ,

Hebrianɛ 11:16

Nɛ kɛlɛ nɛinye mɛɛ, baapɛ balɛ ahɔɛ esiakpa gɛ apɛ adɛ gɛ kenu itití ayɛ. Kliso kiwũi tiyi Owusoso Akaa asɛ bezekului asɛ balɛ Owusoso Akaa, ɔmɔsɛ ebhui ɔma hohoe toli elu akɔ alɛ.

Hebrianɛ 12:22

Otsi alɛ nɔba Zion Butuɔ, gɛinu kitití Yerusalem, Owusoso Akaa enunuɔ yɛɔma gbagbla mɛ. Noboku baxɔ̃ɛdɛ ihotu, ihotuɔ nɛ̀ balɛ same mɔmɔ̃ ɛzaa mɛ.

Petro 2 1:11

kɛlɛ nɔbɔ mɔ tɛtsyatyanà gbangbã otsoku ɔlɔ Apalete Yesu Kristoɔ gɛ ebu ɔlɔ yɛukusi ŋaŋã tihɔɔ nɔ mɛ.

Petro 2 3:18

Pɔ nɔzã ɛlɛ tɛ nozoshè nɛ tibhui bhuibuɔ nɛ̀ bubutiɛ gɛ Apaleteɛ Yesu Kristo gɛ ayɛkɛ akɔ bɔlɔ mɛ. Yɛ bakɔ ishu dadalɛ odenɔ otsiɛ, ɔvɛnɔ tihɔɔ! Amen.