Timoteo 2 4:1 - Nyangbo New Testament

¹ Nɛ Owusoso Akaa nɛ̀ Kristo Yesu amɛɛ, anunɔ gɛ yɛebè kulu kebhu nɛ̀ bagɛ alɛ nɛkpã nɛ betsitsiɛ, kɛlɛ nɛ yɛ tɛbaba nɛ yɛikusi ɔŋãkɔɔ, ɛkɔ wɔ ɔsha ɔlɛ sɛ,

Timoteo 2 4:1 Referans Kwoze

Banɔkpɛkpɛ Axɔ̃ɛ 10:42

Akpɛ ɔlɔ asɛ bɔɖɔ Kibui Gbangbã tseɖe banunɔ, tɛ̀ bɔkɔ beti asɛ yɛenu anunɔ gɛ Owusoso Akaa asara bɔbɔ akɔ asɛ tɛ ekulu kebhu nɛ̀ benunuɔ nɛ̀ betsitsíɛ petee.

Timoteo 2 4:8

Otsi alɛ xɔnɔ, balɔkɔ kibui gbangbã tɛbhɛbhɛtɛ kikutuɔ abalɛ elu akɔ mɛ, kɛgɛ Apalete gɛenu kebhu gbangbã kukulu eleteɛ, abalɔkɔ akɔ mɛ nɛ kiwui ɛlɛ nabhaa, kɛlɛ gɛnɛ mɛ ete yɛabakɔ, pɔ abakɔ bagɛ eɖi yɛ tɛbaba idzo mɛ tsyɛ.

Timoteo 1 5:21

Ɛlɛkɔ ɛlɛ kpɛ wɔahɔɛ sɛ, nɛ Owusoso Akaa nɛ̀ Kristo Yesu nɛ̀ baxɔ̃ɛdɛ namɛɛ, tɛ ɔnyana ebui alɛ mɛ ovunɔ banɔ amɛ maɖi maɖi, kɛlɛ tɛbhɛtɛ kɛnanà tsyɛ ɔlɔkɔ oku banɔ awɔ̃ nɔ.

Timoteo 2 2:14

Zã kɛlɛ abha tɛ ɔzɔ bakà alɛ nɛ̀ ebui alɛ shu. Kpɛ alɛ ɔsha nɛ Owusoso Akaa namɛ nɛ ebelà ebui ɖɔɖɔ shu, gɛ kɛnanà maɛlɛ mɛ, bagɛ elũ ɛlɛ ete kiizĩ.

Tito 2:13

nɛ kibeɛ gɛ buɖi kidzo mɛ ɔkɔ tiyuyula gɛ buɖi kidzo mɛ ɔkɔɔ, nɛ kibeɛ gɛ bupo tiyuyula ɛwuiɛ gɛ buɖi kidzo mɛ ɔkɔ nɛ Owusoso Akaa gbagbla yɛ tɛdadalɛ nɛ̀ Yesu Kristo gɛ ebu ɔlɔ tɛbaba nabha,

Petro 1 5:4

Kɛlɛ onupɛ Ibhoshiɛ Agbagbana Ekusiɛ ebekoeyìɛ, nɔbɔ yɛkɛ ishu dadalɛ ɛkpã kikutuɔ gɛ ɛtɛbà zĩ ɖiɛ.

Yohanes 1 2:28

Mɛeyi alɛ gɛ ɛdɛmɛ nɔ, otsiɛ nɔ, nɔzã yɛmɛ, sɛ tɛ̀ onupɛ ebekoeyìɛ, bɔbàmɔ awɔ̃ lulu kɛlɛ kiwũi tɛbàyì bɔlɔ nɛ yɛamɛ nɛ kibeɛ gɛ ebekuɔ.

Petro 1 4:5

Pɔ babà bhɛtɛ̀ akɔnta akɔ anunɔ gɛ abalɛ̀ eli akɔ kebhu kukulu nɛ̀ benunuɔ nɛ̀ bagɛ etsitsíɛ tsyɛ.

Petro 1 1:7

Ebui alɛ aba ɛlɛ mɛ ana sɛ tɛ̀ wɔnɔ tɛyɛyɛkɛŋã, gɛ kigbogbolo ɔdɛ sikãɛkpã gɛ bazĩ, gɛ balɔkɔ kifù adalɛ ɛlɛ shu nɔ pɔ flogo. Tɛ babhɛtɛ ɛlɛ kidzi kibui ɛgbã gɛ babakpɛ ɛlɛ inye nɛitití, pɛ ishu dadalɛ nɛ̀ inyè gbangbã tsyɛ bazã ɛlɛ shu gɛ onupɛ Yesu Kristo ebekoeyìɛ.

Tesalonikanɛ 2 2:8

Kɛlɛ bebèbu kɛtakpu mɛ gagalĩ eleteɛ akasɛ, anunɔ gɛ Apalete Yesu abalɔkɔ yɛolugbũ mɛ ɛlɛɛ́ nɔ atsɛ yɛ atɛɛ niegbu nabha kɛlɛ abalɔkɔ yɛ titsetséɛ nɛ yɛ tɛbaba mɛ eyii nɔ.

Romanɛ 2:16

Kɛbàba kɛlɛ mɛ nɛ kiwui nabha gɛ Owusoso Akaa ebekulu ebhu nɛ banɔdzyrame ebui kpukpũɔ, ɔgana Yesu Kristo abha asɛ ɛɖɔɔ gɛ mɛibui gbangbã ɖɔ luɔ ana.

Banɔkpɛkpɛ Axɔ̃ɛ 17:31

Ɔmɔsɛ atɔɖɔ kiwuiɛ gɛ ebekulu kebhu nɛ̀ kanɔ nɔ̀ mɛ petee nɛ̀ kebhuɔ gɛ kalɛ alɛ ɔzãkɔ ɔgana anunɔ gɛ yɛabha yɛatɔɖɔ ahɔɛ. Ebu kibui ɛlɛ akasɛ banunɔ petee ɔgana yɛ tifefeke odenɔ bekpuɔ mɛ shu.”

Petro 2 1:11

kɛlɛ nɔbɔ mɔ tɛtsyatyanà gbangbã otsoku ɔlɔ Apalete Yesu Kristoɔ gɛ ebu ɔlɔ yɛukusi ŋaŋã tihɔɔ nɔ mɛ.

Kibui Bubú Kasɛ 1:7

Noɖio abà nɛ̀ ɔmɔlɔ̃, kɛlɛ kiwuhũ ka nyia ka bamɔɛ, bagɛ bashɔɛ nɛ̀ bɔɖadɔ̃ tsyɛ abamɔɛ, yɛ soɔ, kanɔmanɛ pete abamɔ̃ ɔwɔ̃nyɔnɔ. Kana kɛbàba ɛlɛ mɛ! Amen.

Petro 2 1:17

Ɔmɔsɛ ayɛkɛ kinye kpɛkpɛ nɛitití nɛ̀ ishu dadalɛ odenɔ Owusoso Akaa ɔkɔ nɛ kibeɛ gɛ ozĩ oyì odenɔ Ohumi Ishudadalɛ Eleteɛ ɔkɔ ɔsɛ, “Mɛeyianyɛ nɛ alɛ, yɛibui mɛdɛmɛ, yɛ shu mɛmɔ same.”

Koloseanɛ 3:4

Onupɛ Kristoɔ gɛenu ɔnɔ ɛkpã ebe koeyiɛ, kɛlɛ wɔnɔ tsyɛ obokoeyì ɔplɛnii nɛ ishu dadalɛ mɛ.

Timoteo 2 1:10

pɔ otsi alɛ bebu ɛlɛ akasɛ ɔgana agɛ yayɛkɛ akɔ ɔlɔ tɛbaba mɛ, Kristo Yesu, anɔ gɛ aŋã butsì abha pɛ alɔkɔ ɛkpã gɛ bazã tihɔɔ nɔ amana tɛdadalɛ ɔgana kibui gbangbã mɛ.

Timoteo 2 4:18

Apaleteɛ ebe bu mɛ odenɔ kibui kpa ka nyia ka ɛdi gɛ balɔkɔ nɛ mɛ shuɔ mɛ, kɛlɛ aba gbanà mɛ avɛnɔ yɛititì bukusi ɔŋãkɔ nɛ ishu yɔyɔ mɛ. Ishu dadalɛ ɔkɔ yɛ ɔvɛnɔ tihɔɔ. Amen.