Timoteo 2 3:12 - Nyangbo New Testament

¹² Nɛ kibui gbã mɛɛ, babatɔnɔ anɔ ka nyia ka gɛ apɛ asɛ tɛ azãna ɛkpã kɔ Owusoso Akaa nɛ̀ Yesu Kristoɔ niede,

Timoteo 2 3:12 Referans Kwoze

Petro 1 3:14

Pɔ onupɛ edzi asɛ kɛlɛ sɛ ɔmɔ bɔtɔ nɛ kibui gɛpɛ tɛbhɛbhɛtɛ shu tsyɛ elo, beyulà ɔkɔ wɔnɔ. “Nɔotɛ osifù nɛ̀ kɛgɛ kɛlɛ besì kifù nɔɔ, nɔtɛkɔ kifù yi wɔnɔ.”

Banɔkpɛkpɛ Axɔ̃ɛ 14:22

pɛ bazakpɛ badɔkpasɛnɛ ohumi nɛ̀ kemi tɛ̀ bazã tɛyɛyɛkɛŋã gɛinu kibui gbã nabha. “Kɛlɛ ɔsɛ bɔgã bɔtɔ̀ gele mɛ flogo tɛ bɔmɔ kidzo ɔvɛ Owusoso Akaa bukusi ŋaŋã mɛ.”

Tito 2:12

Kɛkasɛ ɔlɔ sɛ bɔɖɔ sɛ, “Ao” nɛ kɛgɛ gɛ kpaplɛnɔ Owusoso Akaa pɛ kinu kanɔ mɛ ebui tɛpɛpɛ shu, nɛ tɛ̀ bɔŋã bɔlɔ shu abha, bɔɖɔ olugbũ tonikpo tɛ bɔzana ɛkpã ɔkɔ Owusoso Akaa nɛ obo kanɔ alɛ mɛ,

Petro 2 3:11

Gɛ bebè zĩ kɛka nyia ka nɛidzo ɛlɛ nabha soɔ, banɔ ɖuwoe idì kɛlɛ sɛ tɛ̀ nɔodzìɛ dza? Kɛlɛ sɛ nɔzã ɛkpã dadalɛ nɛ̀ kɛtakpu esi kpɛkpɛ ɔkɔ Owusoso Akaa mɛ

Korintoanɛ 1 15:19

Onupɛ kanɔ alɛ mɛ ete shu so pɛ bulũ awɔ nɛ Kristo abhaa, kɛlɛ bunù ashagabui elete ɔdɛ anɔnyianɔ.

Kibui Bubú Kasɛ 12:4

Kɛlɛ otse hohoeɛ xoele awɔ̃ɛ nɛawɔ̃pɛ tramɛ afalanɔ nɛ ititíɛ atsɛ akpɛ esiakpa. Kɛtsɔpɛ lɔɛtití nɛ adzɛ gɛ azã kamɔ̃tuɔ otugbà sɛ tɛ tsĩɔ ɔlɛ gɛ amɔ̃ eyiɛ koɔ tɛ alɔkɔɛ amɛnɔ.

Kibui Bubú Kasɛ 7:14

Ibuiliulũ asɛ, “Apalete, wonyi.” Kɛlɛ aɖɔ asɛ, “Balɛ enu banunɔ gɛ bagã ekoeyì nɛ bɔtɔ gagalĩɛ mɛ, pɛ beplu balɛ akpɛkpɛ dzloloɔ, pɛ babhɛtɛ alɛ befuli frɛrɛrɛ nɛ Obhoshieyiɛ dzyosu nɔ mɛ.

Tito 1:1

Paulo, anɔ gɛedzì axɔ̃ɛdɛ akɔ Owusoso Akaa nɛ̀ anɔkpɛkpɛ akɔ Yesu Kristo ɔkɔ bagɛ Owusoso Akaa ebu alɛ tɛyɛyɛkɛŋã, nɛ̀ kibuititìɛ gɛlɛ kibui gbã shu pɛ kɛgbanà anɔ vɛnɔ Akaa mɛ tɛzazã,

Timoteo 1 6:3

Onupɛ anɔ teli akasɛ asɛnɛ ɔdɔ̃ pɛ agɛ dɛmɛ atɔɖɔ Apalete Yesu Kristo yɛebuiɛ nɛ̀ Owusoso Akaa ɔdɔ̃ kakasɛ nabhaa,

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Timoteo 1 2:2

akɔ bekusiɛ nɛ̀ bagɛ alɛ ɔsha nulũɔ, sɛ tɛ bɔzã nɛ ishu yɔyɔ nɛ̀ ɛkpã gɛyɔ nɛ Owusoso Akaa nɛ̀ ishu dadalɛ pete mɛ.

Korintoanɛ 2 1:12

Pɔ otsiɛ nɔ butũ kitélũ ɔsɛ, bɔlɔ kitú mɛ ebui etseɖe bɔlɔ ɔsɛ bɔnyãna bɔlɔ shu piapii nɛ kanɔ nɔ̀ mɛ, asɛ kana gɛ bɔkpɛ ɔha nɛ̀ wɔnɔ, nɛ tɛdadalɛ kibui gɛlɛ kɛlɛ ɔzãkɔ tɛɖɔɖɔ kide Owusoso Akaa ɔkɔ. Gɛnɛ kesiakpa abha bubutì bɔlɔkɔ bhɛtɛ ebui alɛ nɔ, pɔ nɛ Owusoso Akaa tibhui bhuibu mɛ boŋ.

Korintoanɛ 2 4:9

batɔnɔ ɔlɔ ede, pɔ bagɛ shɛnɛ ahɔɛ nɛ bɔlɔ shu, behu ɔlɔ esi pɔ bugitsí.