Biblia Todo Logo
Bib sou entènèt

- Piblisite -




Timoteo 2 3:10 - Nyangbo New Testament

10 Wɔ, onyi ibui odenɔ mɛɔdɔ̃ kakasɛ petee shu, mɛ ɛkpã gɛ idzinɔ, kɛgɛ ɛtɔɖɔ, mɛ tɛyɛyɛkɛŋã, mɛ kitú esi lulu, mɛ tɛdɛdɛmɛ nɔ, mɛ kemì tɛkpɛkpɛ,

Gade chapit la Kopi




Timoteo 2 3:10
27 Referans Kwoze  

Pɔ wɔ, Owusoso Akaa anɔ, bu tɛtsɛɖɛ mɛ ɔshɛ nɛ ebui alɛ petee shu, tɛ ɔtɔnɔ ebui gbangbã tɛbhɛbhɛtɛ, Owusoso Akaa mɛ tɛzazã, tɛyɛyɛkɛŋã, tɛdɛdɛmɛ nɔ, kemikpɛkpɛ nɛ̀ anɔ yɔyɔ tidzidzi ede.


Nɛ kɛka nyia ka mɛɛ, bhɛtɛ ibui ɔkasɛ alɛ ɔganà wɔɛbui gbangbã bhɛbhɛtɛ mɛ. Nɛ wɔ bɔdɔ̃ kakasɛ mɛɛ, kasɛ kana gɛ bazã nɛkpã, nɛ̀ bamɛ gagalĩ.


Onupɛ obu ebui alɛ ɔkasɛ badzyaa, obodzi axɔ̃ɛdɛ gbangbã ɔkɔ Kristo Yesu, gɛ banyɔnɔ nɛ kibui gbã tɛyɛyɛkɛŋã mɛ nɛ̀ bɔdɔ̃ kakasɛ gbangbã gɛ bɔlɛ ede wɔlɛ mɛ.


Pɔ nɔonyi ɔsɛ Timoteo alɔkɔ yɛishu akɔ, ɔmɔsɛ asɛ eyi gɛ alɛ yɛakaa ɔbhaa, akpɛ kɛtakpu esi aplɛnɔ mɛ nɛ Owusoso Akaa ebuiɛ axɔ̃ɛ wɔawa mɛ.


Nɔtɛkɔ ɔsɛ bɔdɔ̃ kakasɛ ka nyia ka ɛdi zɛgbana ɔnɔ. Kɛpɛ ɔkɔ ɔlɔ etúɔ asɛ tɛ lamɔ ohumi ɔgana tibhui bhuibu mɛ, pɔ anɛ bɔŋaŋã ɔsha gɛ ɛlɛ beshu pɛ lɛ tɛ plɛnɔ banunɔ gɛ baŋã ɔdɔ̃.


Gɛ ediku pɛ amɔ asɛ kibui gbã kinu ɔsɛ Owusoso Akaa ebhui balɛ ebuɔ, same ekui, kɛlɛ akpɛ balɛ petee kemi asɛ tɛ̀ balɔkɔ̀ balɛ etúɔ nyɔ̃ɔ azã nɛ̀ ɛkpã ɔkɔ Apaleteɛ.


Gɛ bebè zĩ kɛka nyia ka nɛidzo ɛlɛ nabha soɔ, banɔ ɖuwoe idì kɛlɛ sɛ tɛ̀ nɔodzìɛ dza? Kɛlɛ sɛ nɔzã ɛkpã dadalɛ nɛ̀ kɛtakpu esi kpɛkpɛ ɔkɔ Owusoso Akaa mɛ


Ɔmɔsɛ kibèɛ baba gɛ, banɔ azapɛ asɛ tɛ belũ batɔ̃ akɔ bɔdɔ̃ kakasɛ piapii nɔ. Pɔ tɛ beku ishu awɔ̃ soɔ, babalɔkɔ badɔ̃ kakasɛ kpekpè akana balɛ ishu tɛ betseɖe alɛ kɛgɛ batɔ̃ gɛ awɔɛsɛ̃ alɛ apɛɛ asɛ tɛ belũɔ.


Bu tɛtsɛɖɛ mɛ ɔshɛ nɛ bɔyisɔ̃ mɛ ebui zizĩ tɛpɛpɛ shu, tɛ ɔtɔnɔ ebuiɛ gɛ alɛishu adalɛ, gɛenu tɛyɛyɛkɛŋã, tɛdɛdɛmɛ nɔ nɛ̀ ishu yɔyɔ ede, ɔlɔkɔ plɛnɔ bagɛ bekulu Apaleteɛ odenɔ kitúɔ gɛ dalɛ mɛ.


ɔmɔsɛ bɔlɔ ibui gbangbã ba wɔnɔ ɔkɔ anɛ nɛ kaɖɔ bhlui ete, pɔ nɛ̀ ohumi, ɔlɔkɔ plɛnɔ Ɔfɔfuĩa Gbangbã nɛ̀ ebuesilulũ gɛ alɛ mɛ edzuɔ. Nonyi kanà gɛ bɔzã wɔnɔɛshi nɛ wɔnɔ ɛtakpu.


Kibeɛ gɛ ɛtɔɖɔ kibui ɛlɛ, kibui ete mɛtɔɖɔ dza? Pɛnɔsɛ ɛbhɛtɛ tɛtɔtɔɖɔ ɛlɛ asɛ kanɔ mɛ anɔ ana gɛ aɖɔ asɛ “Ee, ee,” pɛnɔsɛ “Oo, oo nɔɔ dza”?


Mɛelɛ alɛ mɔ, ihu buluhũ kɔ ɔnɔ sɛ tɛ nolú awɔ̃ nɛ̀ bagɛ bamana kishi zizĩ nɛ banɔ ishi, pɛ babhɛtɛ ebui gɛ etsu awuhũ, pɛ lagã ɔtɔ nɛ ebuiɛ gɛ bɔkasɛ pɛ nɔkpasɛ shu. Nɔtɛkpɛ alɛ ɔha.


“Yudanɛ petee enyi kana gɛ ɛzanà mɛkpã odenɔ mɛ kinuvɔbè gɛ ɛkpɛ mɛkpã esi, nɛ mɛ kesiakpa nabhaa nɛ̀ Yerusalemuɔ tsyɛ.


Gɛ bebekuɔ, etseɖe alɛ asɛ, “Noɔnyì kana gɛ ɛzanà mɛkpã, kibeɛ gɛ ɛzã wɔnɔ ɔbha, odenɔ kiwuiɛ gɛiputɔ gɛ ɛbaku Asia bɔdɔ̃ mɛ.


Balɔkɔ balɛishu ashɔkpɛ banɔkpɛkpɛ bɔdɔ̃ kakasɛ nɛ̀ ɔha kpɛkpɛ mɛ, ɔvɛnɔ kifufulũɔ tɛyaya nɛ̀ Owusoso Akaa tikukulu mɛ.


Asɛ kana gɛ ɛkpalà wɔ nɛ kibeɛ gɛ ɛvɛ Makedonia nɔ, zã Efesoɔ tɛ̀ ɔkpɛ ɔsha ɔkɔ banɔ nɔ teli, sɛ batɛ zakasɛ asɛnɛ bɔdɔ̃


Kɛlɛ bɔza kazã asɛ bunuvɔɛ ana, pɛ kɛlɛ́ɛ mɛɔdɔ̃ kakasɛ ka nyia ka ɛdi bazi fù ɔlɔ falanɔ ɔvɛnɔ ɛkɛlɛ ɔmana ɛkɛlɛ̀ nɛ̀ banɔdzyrame bɔshɛ nɛ̀ banɔ wɔɛwɔɛ edzoɔ gɛ batɔɖɔ eluɔ shu.


Ananà bhama mɛahɔɛ ɔdɛ yɛ, gɛ alɔkɔ kibui nɛ wɔnɔ tɛpɛpɛ shu kɛgbãa.


Ɖɔ Owusoso Akaa nɛibuiɛ, balɛ sɛ onupɛ banɔ apɛ asɛ tɛ belũ kibuiɛ alo tɛ betielũ ɛlɛ tsyɛo, woese anɔ, tseɖe nɛ̀ anɔ tɛ̀ ɔkpɛ banɔ emi-nɛ kitu esi lulũ nɛ̀ bɔdɔ̃ kakasɛ piapii mɛ.


Ɛta keyu gbangbã, ibu tɛtsɛɖɛ mɛ beke, ɛnyana mɛ tɛyɛyɛkɛŋã mɛ vunɔ.


Swiv nou:

Piblisite


Piblisite