Timoteo 2 2:9 - Nyangbo New Testament

⁹ gɛ kɛlɛ shu mɛmɔ bɔtɔ ɔlɛ vɛnɔ sɛ bakpɛ mɛ nɛ ɛɖahui mɛ asɛ kɛtakpu mɛ gagalĩ elete ana. Pɔ bagɛ kpɛ ɛɖahui nɛ Owusoso Akaa nɛibuiɛ xɔnɔ shu.

Timoteo 2 2:9 Referans Kwoze

Filipianɛ 1:7

Kɛpɛ̃ ɔkɔ mɛ ɔsɛ tɛ kibui ɛlɛ zã mɛ mɛ̀ nɛ wɔnɔ petee shu, gɛ wɔnɔ ibui gbangbã kpasɛ mɛitúɔ mɛ so, ɔmɔsɛ onupɛ ɛkpasɛ ɛɖahui mɛ alo ibu ishu ulũ alo pɛ ɛtɔɖɔ ɛklagbu nɛ ɛlɛ abha tsyɛ, wɔnɔ petee ɔyɛkɛ Owusoso Akaa tibhui bhuibuɔ ɔplɛnɔ mɛ.

Banɔkpɛkpɛ Axɔ̃ɛ 28:31

Gɛ ananà egidzu ahɔɛ nɛ yɛabha soɔ, aɖɔ Owusoso Akaa bukusiŋaŋã kibuiɛ nɛ bupù mɛ, kɛlɛ akasɛ bɔdɔ̃ nɛ Apalete Yesu Kristo shu.

Timoteo 2 1:8

Kliso tɛkɔ kiwũi yi wɔ nɛ Apaleteɛ nɛibuiɛ tɛɖɔɖɔ shu, alo tɛ kiwũi yi wɔ nɛ mɛ ɔɖavũɔ mɛ gɛ ɛkpasɛ shu. Pɔ plɛnɔ mɛ nɛ bɔtɔ gɛ ɛmɔ nɛ kibui gbangbã shu, nɛ Owusoso Akaa ohumi nɔ shu,

Koloseanɛ 4:3

Kɛlɛ nɔ okulu Owusoso Akaa nɛ bɔlɔ tsyɛ ɛtakpu, sɛ tɛ̀ Owusoso Akaa adalɛ kedulũ ɔkɔ kibuiɛ gɛ bɔɖɔɔ, sɛ tɛ̀ bɔɖɔ Kristo yɛebui kpukpũɔ ɔkanà, kibuiɛ gɛ ɛlɛ shu mɛ kpasɛ ɛɖahuiɛ mɛ.

Timoteo 2 4:17

Pɔ, Apaleteɛ azã aplɛnɔ mɛ pɛ akpɛ mɛ ohumi, sɛ tɛ ɔgana mɛabhaa, baba ɖɔ kibuiɛ akana, kɛlɛ bagɛ betinu Yudanɛ tsyɛ ebelũ ɛlɛ. Kɛlɛ bebu mɛ edenɔ dzata olugbũ mɛ.

Petro 1 2:12

Nɔzã nɛ̀ ɛkpã gbangbã ɛlɛ nɛidi nɛ bagɛ agɛ yɛkɛŋã nɛishi, sɛ gɛ bebu wɔnɔ kɛpɔ sɛ nɔbhɛtɛ ebui kpa tsyɛ elo, babàmɔ wɔnɔ ebui gbangbã tɛbhɛbhɛtɛ kɛlɛ babà dalɛ Owusoso Akaa nɛinyeɛ shu nɛ kiwui ɛlɛ nabha gɛ ababa ebeɖi ɔlɔ.

Petro 1 4:15

Onupɛ nɔmɔ ɔtɔɔ, kɛtɛ zã asɛ anɔ gɛeyì anɔ, ezĩ alo anɔ kpa nanà idi, alo asɛ anɔ gɛ akpɛ olugbũ nɛ ebui gɛ lagɛ kpà plɛnɔ yɛɛ mɛ.

Timoteo 2 1:12

Kliso pɛ ɛmɔ bɔtɔ ɔlɛ asɛ gɛ ɛmɔ ana. Pɔ kiwũi tiyi mɛ, ɔmɔsɛ inyi anunɔ gɛ yɛabha mɛyɛkɛŋã, kɛlɛ ɛyɛkɛŋã sɛ abalà anyanã kibuiɛ gɛ ɛkpɛ yɛahɔɛ ovunɔ ɔvɛnɔ kiwui ɛlɛ nabha.

Tesalonikanɛ 2 3:1

Gɔgɔɛ nɔ, mɛadzya alɛ mɔ, nokulu Owusoso Akaa ɔkɔ ɔlɔ, sɛ tɛ Apaleteɛ nɛibuiɛ yì falanɔ nɛ tɛtsɛɖɛ bubu mɛ tɛ bakpɛ kɛtakpu esi akɔ ɛlɛ, asɛ kɛlɛ gɛ kɛlɛ wɔnɔ ɔkɔ ana.

Koloseanɛ 4:18

Mɛ Paulo, mɛ lɔkɔ mɛahɔɛ pɛ ɛfɔnɔ keplukpa alɛ. Nɔbakà ɛɖahuiɛ mɛ gɛ ɛkpasɛ. Tɛ Akaa tibhui bhuibuɔ zã plɛnɔ wɔnɔ.

Efesoanɛ 3:1

Nɛ kibui ɛlɛ shu soɔ, mɛ Paulo, gɛinu buvũazazã ɔkɔ Kristo Yesu nɛ wɔnɔ bagɛ nɔotinu Yudanɛ ɛtakpu-.

Banɔkpɛkpɛ Axɔ̃ɛ 9:16

Ɛbakasɛ yɛ bɔtɔ nɔnɔ́ɛ ɛdi gɛ kɛlɛ ɔsɛ amɔ nɛ mɛinye nɛ takpu.”

Petro 1 3:16

tɛ̀ ɔkɔ wɔnɔ etúɔ mɛ ebuiɛ adalɛ piapi, sɛ tɛ̀ kiwũi yi bagɛ balɛ aɖɔaɖɔ kpa pɛ beezhinì olugbũ esi nɛ wɔnɔ ɛkpã gbangbã tɛzazãna nɛ Kristo mɛ shu.

Petro 1 2:14

alo amadi ekusiɛ, gɛ ekusiɛ akpɛ asɛ apɔ̃ batɔ̃ kɔ bagɛ abhɛtɛ ebui kpa tɛ akpɛ ebui gbangbã bhɛbhɛtɛ elete nɛitití.

Timoteo 2 1:16

Kɛkɔ sɛ tɛ̀ Apaleteɛ ebu yɛashagabui bibiɛ akasɛ Onesiforo yɛɔpã, ɔmɔsɛ akpɛ mɛ kemi kibe nyia be kɛlɛ kiwũi tiyii nɛ ɛɖahuiɛ mɛ gɛ ɛkpasɛ shu.

Banɔkpɛkpɛ Axɔ̃ɛ 21:33

Keyuiza otugbà anɔ nɔ̀ avɛ edivũi, kɛlɛ akɔ asɛ banyã yɛ nɛ̀ ɛɖahui tɛbha. Kɛlɛ ebisì yɛ anɔ nɔɛdi gɛ enuɔ nɛ̀ kɛgɛ yɛabhɛtɛɛ.

Filipianɛ 1:17

Bagɛ eti putɔɔ, balɛ aɖɔ Kristo ibuiɛ ɔkɔ balɛ ishu tɛpɛpɛ̃, kigi de balɛ etúɔ mɛ, pɔ babhɛtɛ ɛlɛ ana asɛ tɛ bakɔ mɛmɔ buluhũ nɛ kibeɛ gɛ ɛkpasɛ ɛɖahuiɛ mɛ.

Tesalonikanɛ 1 1:8

Apaleteɛ nɛibuiɛ gɛiku wɔnɔ batɔ̃ mɛ̀ nɛ Makedonia nɛ̀ Axaya ete, bebetì wɔnɔ tɛyɛyɛkɛŋã nɛ Owusoso Akaa nabha nɛ ɔkɔ nyia ɔkɔ. Klisoɔ kɛbha ma ɔsɛ tɛ bɔkaɖɔ kibui nyiɛ bui nɛ kɛlɛ shu,

Timoteo 2 2:3

Kpɛ emi nɛ ebui gagalĩ mɛ asɛ keyuadɛ akɔ Kristo Yesu ana.