Timoteo 2 2:15 - Nyangbo New Testament

¹⁵ Bhɛtɛ piapii tɛ̀ ɔlɔkɔ wɔ shu ɔkɔ Owusoso Akaa, asɛ anɔ gɛ batɔɖɔ ahɔɛ nɛ yɛabha ana, axɔ̃ɛwɔa gɛ kɛma sɛ tɛ kiwũi yii pɛ enu axɔ̃ɛwɔa gɛ anyanã kibui gbã mɛ ovunɔ piapi.

Timoteo 2 2:15 Referans Kwoze

Tesalonikanɛ 1 2:4

Nɛ kidzo bhlatɔ abhaa, bɔɖɔ kaɖɔ asɛ banyɛ gɛ Owusoso Akaa atɔɖɔ ahɔɛ nɛ bɔlɔ abha pɛ alɔkɔ yɛibuiɛ akpɛ bɔlɔ ahɔɛ. Bɔtɛ pɛɛ sɛ tɛ buku banɔdzyrame awɔ̃ pɔ Owusoso Akaa boŋ gɛ efeke bɔlɔ etúɔ mɛ eɖiɛ.

Petro 2 1:10

Klisoɔ, mɛadzya alɛ mɔ, nɔ owlui ɔkpɛ emi gagalĩ tɛ kɛkasɛ ɔsɛ wɔnɔ tikukuluɔ nɛ̀ tibubuɔ lɛ ɛlɛ ɔzakɔ. Ɔmɔsɛ onupɛ nɔbhɛtɛ̀ ana, nɔtɛ bɔdɔ̃ oboe oɖi,

Timoteo 1 4:6

Onupɛ obu ebui alɛ ɔkasɛ badzyaa, obodzi axɔ̃ɛdɛ gbangbã ɔkɔ Kristo Yesu, gɛ banyɔnɔ nɛ kibui gbã tɛyɛyɛkɛŋã mɛ nɛ̀ bɔdɔ̃ kakasɛ gbangbã gɛ bɔlɛ ede wɔlɛ mɛ.

Korintoanɛ 2 10:18

Ɔmɔsɛ gɛnɛ anunɔ gɛ aɖɔaɖɔ akpɛ yɛishu nɛititíɛ yɛabha batɔɖɔ ahɔɛ, pɔ anunɔ gɛ Apaleteɛ aɖɔaɖɔ nɛishuɔ.

Korintoanɛ 2 5:9

Klisoɔ, kinu kibui gɛ bɔtɔɖɔ sɛ bɔpɛ sɛ tɛ buku yɛawɔ, gɛ onupɛ edzi asɛ bɔkpasɛ bɔpãlɛ ginu ishudzya alo onupɛ bɔma bɔlɛ mɛ tsyɛ.

Korintoanɛ 2 4:2

Pɔ, bɔtɛ badɛmɛ tɔɖɔ ebui kpukpũ nanà tɛɖɔɖɔ nɛ̀ awũi edzo abha, bɔgɛ lɔkɔ tɛwɔɛwɔɛ ebui, alo pɛ butsyina Owusoso Akaa yɛibuiɛ tũ. Pɔ nɛ kidzo ɛlɛ nabha, bɔlɔkɔ kibui gɛlɛ ɛlɛ ɔzãkɔ bɔlɔkɔ ɖɔ kitú mɛ kibui, nɛ Owusoso Akaa namɛ.

Petro 2 3:14

Klisoɔ, mɛ ɔbhialɛ gɛ ɛdɛmɛ nɔ, gɛ nɔoɖì idzomɛ ɔkɔ ebui ɛlɛ soɔ, nɔbhɛtɛ kɛka nyia ka gɛ nɔbɔlà tɛ̀ batɛ mɔ kibò nɛ̀ bamɛtsitsí ibui nanà nɛ wɔnɔ shu, tɛ̀ nɔzã nɛ ishu yɔyɔ mɛ ɔplɛnii.

Galatianɛ 1:10

Banɔ mɛpɛ otsiɛ ɔsɛ baɖɔ atɔɖɔ mɛibuiɛ nabha pɛnɔsɛ Owusoso Akaa dza? Pɛnɔsɛ banɔ mɛpɛ ɔsɛ tɛ mɛiku alɛ awɔ̃ dza? Onupɛ ɛka pɛ ɔsɛ tɛ mɛiku banɔ awɔ̃ɔ, kɛlɛ ɛtɛ balà dzi axɔ̃ɛdɛ ɔkɔ Kristo.

Petro 2 1:15

Kliso ɛbà bhɛtɛ kɛka nyia ka tɛ mɛiɖi ɛlɛ ɔkɔ ɔsɛ onupɛ ɛba shɛɛ, nɔbɔ zɔbakà ebui alɛ kiwui nyia iwui.

Efesoanɛ 1:13

Kɛlɛ wɔnɔ tsyɛ ɔkpasɛ Kristoɔ nɛ kibeɛ gɛ nolũ kibuiɛ gɛinu kibui gbãa, kibui gbangbã gɛ yɛkɛ ɔnɔ lu nɛkpã. Gɛ nɔyɛkɛ ɔŋã soɔ, atsà kɛna ɔkɔ ɔnɔ elu pɛ balɔkɔ adadã edere ɔnɔ ulũ, nɛ̀ Ɔfɔfuĩa Gbangbã gɛ atɔɖɔ eluɔ akɔ ɔnɔ,

Tesalonikanɛ 1 5:14

Bɔlɔ adzya alɛ mɔ, bɔkpalà ɔnɔ sɛ tɛ notseɖe nɔ nɛ̀ bagɛ benu banɔ zhɔzhɔrɛ, nɔkpɛ bagɛ kitu bhui balɛ ohuiɛ kemi, nɔplɛnɔ bagɛ ebotsoɔ, tɛ̀ nɔdɔ fɔ̃ɔ ɔkɔ anɔ ka nyia ka.

Korintoanɛ 2 3:6

Yɛakɔ bɔlà kɛxɔ̃ɛ gbangbã wɔawɔa nɛ̀ olugbũ nyanyã vɔvɔ ɔlɛ, anɛ ɔsha keplukpa ɔkɔ kide, pɔ Ɔfɔfuĩa nɔ, ɔmɔsɛ keplukpa xɔnɔ eyì banɔ, pɔ Ɔfɔfuĩa nɔ xɔnɔ lɔkɔ ɛkpã.

Romanɛ 14:18

Ɔmɔsɛ anunɔ gɛ akpɛ ɛtakpu esi akɔ Kristo nɛ idzo ɛlɛ nɛidi abhaa yɛibui Owusoso Akaa adɛmɛ nɔ, kɛlɛ banɔ tsyɛ adɛmɛ atɔɖɔ kɛlɛ abha.

Hebrianɛ 4:11

Kliso nɔkɔ bɔkpɛ emi ka nyia ka idi sɛ tɛ butsoku omoelekɔ ɔlɛ, sɛ tɛ anɔ nanà atɛ gagalĩ atɔ̃ tɛ abadɔ oboe asɛ alɛ ana.

Yakobo 1:18

Adɛmɛ ayɛkɛ ɔlɔ amɔ aganà yɛibuiɛ gɛlɛ ɛlɛ ɔzãkɔ mɛ, sɛ tɛ budzi asɛ yɛɔdɔ̃ eyuyu gɛiputɔ odenɔ yɛɔdɔ̃ bhɛbhɛtɛ nɛishi.

Korintoanɛ 1 2:6

Bɔkaaɖɔ bubuti ebui alɛ nɛ bagɛ batɛ kpɛ iguɔ nɛishi, pɔ gɛnɛ obo kanɔ alɛ mɛ bubuti alo bagɛ baaŋã bukusì nɛ kalɛ mɛ, gɛ beti bedzi kɛdɔ̃ nanà.

Banɔkpɛkpɛ Axɔ̃ɛ 2:22

“Israelanɛ, nɔtaatɔ̃ tɛ noɔlũ kibui ɛlɛ, Yesu Nazareteyiɛ enu anɔ gɛ Owusoso Akaa alɔkɔ akpɛ ahɔɛ akɔ wɔnɔ ɔsɛ tɛ̀ abhɛtɛ atsyindzye ebui, ebui gɛ labhɛtɛ kibì, tɛ̀ ebù ebui akasɛ, ebui alɛ enu ebui gɛ Owusoso Akaa abhɛtɛ nɛ wɔnɔɛshi ɔgana yɛabha asɛ gɛ nonyi ana.

Banɔkpɛkpɛ Axɔ̃ɛ 20:27

Ɔmɔsɛ ɛgɛ yɔlɔ ebuiɛ petee gɛ Owusoso Akaa atɔɖɔ tɛɖɔɖɔ tseɖe wɔnɔ.

Romanɛ 16:10

Sɛnɔ Apeles, anɔ gɛ eshè nɛ̀ ɔhakpɛkpɛ nɛ Kristo mɛ. Sɛnɔ Aristobolo nɛ̀ yɛɔpãmɛanɛ tsyɛ piapii.

Romanɛ 6:13

Nɔtɛ shɛnɛ ahɔɛ nɛ wɔnɔ ishupiɛ shu ɔkɔ nanà ɔkɔ kibui kpa, asɛ kɛxɔ̃ɛwadɔ̃ ɔkɔ kɛtakpu mɛ gagalĩ ebui bhɛbhɛtɛ, pɔ nɔshɛnɛ ahɔɛ nɛ wɔnɔshu ɔkɔ Owusoso Akaa ɔmɔ asɛ banɔ gɛ bebu edenɔ butsí mɛ ɔmana ɛkpã mɛ ana, tɛ nɔshɛnɛ ahɔɛ nɛ wɔnɔ ishupiɛ shu ɔkɔ nyia ɔkɔ ɔkɔɛ, asɛ bɔxɔ̃ɛwɔadɔ̃ ɔkɔ kibui gbangbã tɛbhɛbhɛtɛ.

Yakobo 1:12

Bebè yula akɔ anyɛ nɔnɔ gɛ akpɛ emi nɛ yɛtifefekeɖi mɛ, ɔmɔsɛ alàkpɛ emiɛ avɛnɔ adɛtɔ̃ɔ, abayɛkɛ ɛkpã ɛkutuɔ gɛ Owusoso Akaa atɔɖɔ elu akɔ bagɛ adɛmɛ niyɛ.