Timoteo 2 1:7 - Nyangbo New Testament

⁷ Ɔmɔsɛ Owusoso Akaa agɛ kɔ ɔlɔ ɔfɔfuĩa gɛ lodzi yɔɔ nɔ, pɔ ɔfɔfuĩa nɔ gɛ ohumi ɔkpasɛ ɔlɛ mɛ pɛ lɔonu tɛdɛdɛmɛ nɔ, nɛ̀ ishu abha tɛŋaŋã.

Timoteo 2 1:7 Referans Kwoze

Romanɛ 8:15

ɔmɔsɛ anɛ ɔfɔfuĩa nɔ gɛ lɔkɔ ɔsɛ tɛ anɔ dzidzi esi ifuɔ ɔlɛ lɛ wɔnɔ mɛ, pɔ Ɔfɔfuĩa nɔ gɛ lɔzã beyi mɛɛ, nɔyɛkɛ. Kliso bɔkpɛ ozĩ ɔsɛ, “Ao, lɔɛitití.”

Yohanes 1 4:18

Kifù sisi ma tɛdɛdɛmɛ nɔ mɛ. Pɔ tɛdɛdɛmɛ nɔ gɛnáa bu kifù sisi oyinɔ, ɔmɔsɛ kifusisi mɛ batɔ̃ pɔpɔ̃ azã. Anunɔ gɛ esi kifuɔ yɛ tɛdɛdɛmɛ nɔ tɛnà.

Galatianɛ 5:22

Pɔ Ɔfɔfuĩa nɔ eyuyuɔ yɛenu tɛdɛdɛmɛ nɔ, same mɔmɔ, ishu yɔyɔ, tɛdɔdɔ fɔ̃ɔ, ɛyamɛ gbangbã tɛbhɛbhɛtɛ, kibui gbangbã tɛbhɛbhɛtɛ, kibui gbã tɛɖɔɖɔ,

Banɔkpɛkpɛ Axɔ̃ɛ 1:8

Onupɛ Ɔfɔfuĩa gbangbã ɔba wɔnɔ abhaa, nɔbɔ yɛkɛ ohumi, kɛlɛ nobo dzi banɔ gɛ nɔbɔ mɔ ebui alɛ ɔɖɔ nɛ mɛishu nɛ Yerusalem nɛ̀ Yudea petee ɔvɛnɔ Samaria ɔdɛtɔ̃ kanɔ nɔ̀ ɔtɔ̃kɔ.”

Romanɛ 5:5

Kɛlɛ awɔ̃luluɔ atɛwɔɛ anɔ, ɔmɔsɛ Owusoso Akaa yɛtɛdɛdɛmɛ nɔ̀ɔ yɛalɔkɔ eyuku bɔlɔ etúɔ mɛ nɔ, ɔgana Ɔfɔfuĩa Gbangbã gɛ akɔ ɔlɔ mɛ.

Hebrianɛ 2:15

sɛ tɛ akɔ bagɛ butsí vũ alɛ asɛ banɔ dzidzi, pɛ bezesi utsí ifuɔ, ishu ahɔɛ mɛ zazã.

Banɔkpɛkpɛ Axɔ̃ɛ 20:24

Klisoɔ, ɛtɛka lɔkɔ mɛkpã asɛ lɛinu kɛdɔ nanà ɔkɔ mɛ, pɛ ɛtalà kɛxɔ̃ɛ gɛ Apalete Yesu akpɛ mɛahɔɛ wɔa bekeɛ, kɛxɔ̃ɛ gɛ kɛlɛinu ɔsɛ tɛ ɛdalɛ Owusoso Akaa ibuiɛ gɛ kibhui bɔlɔ buɔ shu.

Korintoanɛ 1 2:4

Mɛ ebuiɛ gɛ ɛɖɔ nɛ Owusoso Akaa shuɔ, etinu bubutì nɛ̀ ebui gɛ batɛ elũ alɛ esi, pɔ lenu ebui gɛ Owusoso Akaa Ɔfɔfuĩa nɔ ohumi nɔ obu ɔkasɛ,

Banɔkpɛkpɛ Axɔ̃ɛ 10:38

kana gɛ Owusoso Akaa asara bɔbɔ akɔ Yesu Nazareteyiɛ nɛ̀ Ɔfɔfuĩa Gbangbã nɛ̀ ohumi, nɛ kana gɛ azagã fala pɛ azabhɛtɛ ebui gbangbã, pɛ ebu banyã nɛ bagazã abosam yɛ ohumi niesi pete mɛ, ɔmɔsɛ Owusoso Akaa azãplɛnii.

Petro 1 1:22

Otsiɛ gɛ nɔoplu ishu pɛ nɔolũ atɔ̃ ɔkɔ kibui gbã, sɛ tɛ nɔdɛmɛ nɔ nɛ̀ wɔnɔ adzya alɛ, tɛ nɔdɛmɛ nɔ nɛ bagɔlɔ denɔ kitúɔ mɛ piapii.

Banɔkpɛkpɛ Axɔ̃ɛ 21:13

Kɛlɛ Paulo ebuiliulũ asɛ, “Kiɖe sopɛ nɔobiyoyò pɛ nɔyɛɛ mɛ kitúɔ ana? Gɛnɛ mɛ tɛnyanyã ete shu mɛ balɛ ɔkɔ, pɔ ɛbalɛ tsyɛ sɛ tɛ̀ itsi nɛ Yerusalem nɛ Apalete Yesu yɛinyeɛ nɛtakpu.”

Koloseanɛ 1:8

pɛ yɛetseɖe ɔlɔ wɔnɔ tɛdɛdɛmɔ nɔ nɛ Ɔfɔfuĩa nɔ mɛ.

Banɔkpɛkpɛ Axɔ̃ɛ 6:8

Stefano anɔ gɛ Owusoso Akaa tibhui bhuibu nɛ̀ ohumi ɔzã yɛmɛ, abhɛtɛ atsyindzye ebui nɛ̀ ebui gɛ labhɛtɛ ibì nɛ banunɔ nɛishi bamɔ.

Banɔkpɛkpɛ Axɔ̃ɛ 9:22

Pɔ ohumi nɔ gɛ lɔzã Saulo mɛ lɔzɔ gagalĩ ɔtɔɖɔ, kɛlɛ kɛbhɛtɛ Yudanɛ gɛazã Damasko nɛibi gɛ azadalɛ kɛlɛ mɛ ɔsɛ Yesu yɛenu Kristoɔ.

Banɔkpɛkpɛ Axɔ̃ɛ 26:25

Paulo ebuiliulũ asɛ, “Mamɛ etiezĩ, bɔlɔ Ekusi Gbagbla Festo, kibuiɛ gɛ ɛɖɔɔ, nu kibui gbã kɛlɛ kesilulũ alɛ kɛlɛ mɛ.

Banɔkpɛkpɛ Axɔ̃ɛ 26:11

Ewuimɛ ewuimɛɛ, ɛlɔ odenɔ ɛtsyɔakɔ ɔvɛnɔ ɛbhlatɔ ɔsɛ tɛ bapɔ̃ batɔ̃ akɔ alɛ, kɛlɛ izitũilɛ kpɛ balɛulũ asɛ tɛ̀ baɖɔ ebusoebui. Mɛ ɔmɔpɔɛ nɔ nɛ balɛishu soɔ, ɛtɔnɔ baliede vɛ amadi bhlatɔ tsyɛ mɛ.