Timoteo 2 1:5 - Nyangbo New Testament

⁵ Batɛkɔ mɛitì nɛ wɔ tɛyɛyɛkɛŋã gbangbã shu, gɛ kiputɔ zã wɔedzé Lois nɛ̀ wɔelĩ Eunike mɛ, kɛlɛ kɛzã mɛuli sɛ kɛkpasɛ wɔ tsyɛ mɛ ana.

Timoteo 2 1:5 Referans Kwoze

Timoteo 1 1:5

Kɛgɛ kɛlɛishu bakpɛ ɔsha ɔlɛ kɛlɛinu tɛdɛdɛmɛ nɔ, gɛide kitúɔ gɛ dalɛ nɛ̀ ekpeɖekpeɖeɛ gɛ yɛmɛ adalɛ ɔplɛnɔ tɛyɛyɛkɛŋã gbangbã.

Banɔkpɛkpɛ Axɔ̃ɛ 16:1

Paulo agã edikoeyi nɛ Derbe nɛ̀ Listra, ɛkɛlɛ adɔkpasɛanɛ teli gɛ bezekulu asɛ Timoteo azã, anɔ gɛ yɛelĩ enu Yudadzi nɛ̀ anɔ gɛ ayɛyɛkɛŋã, pɔ yɛakaa edzi Helanɔ.

Timoteo 1 4:6

Onupɛ obu ebui alɛ ɔkasɛ badzyaa, obodzi axɔ̃ɛdɛ gbangbã ɔkɔ Kristo Yesu, gɛ banyɔnɔ nɛ kibui gbã tɛyɛyɛkɛŋã mɛ nɛ̀ bɔdɔ̃ kakasɛ gbangbã gɛ bɔlɛ ede wɔlɛ mɛ.

Timoteo 2 3:15

kɛlɛ nɛ kana gɛ onyi Owusoso Akaa kibui odenɔ kinuvɔbe soɔ, kibui gɛ bhɛtɛ wɔ pɛ odzì ebuitinɛ ɔkɔ wɔ tibubu ɔgana tɛyɛyɛkɛŋã nɛ Kristo Yesu abha.

Romanɛ 15:14

Mɛelɛ alɛ mɔ, ɛmɔ kɛlɛ idenɔ mɛishu mɛ ɔsɛ, nodzi banɔ gbangbã nɛ bubuti mɛ, kɛlɛ nɔna gɛ nɔbɔlà kasɛ bagɔlɔ ɔdɔ̃.

Hebrianɛ 6:9

Mɛɔbhia alɛ mɔ, gɛ bɔɖɔ ebui alɛ nanà tsyɛ elo, wɔnɔ xɔnɔ bɔyɛkɛ wɔnɔ abha ŋã nɛ wɔnɔ ibui gbangbã-nɛ̀ ebuiɛ gɛ aplɛnɔ wɔnɔ tibubuɔ shu.

Timoteo 2 1:12

Kliso pɛ ɛmɔ bɔtɔ ɔlɛ asɛ gɛ ɛmɔ ana. Pɔ kiwũi tiyi mɛ, ɔmɔsɛ inyi anunɔ gɛ yɛabha mɛyɛkɛŋã, kɛlɛ ɛyɛkɛŋã sɛ abalà anyanã kibuiɛ gɛ ɛkpɛ yɛahɔɛ ovunɔ ɔvɛnɔ kiwui ɛlɛ nabha.

Korintoanɛ 2 6:6

nɛ ekpeɖekpeɖe gbangbã mɛ, ebui esi lulũ, kitú esi lulu nɛ̀ ɛyamɛ gbangbã tɛbhɛbhɛtɛ mɛ, nɛ Ɔfɔfuĩa Gbangbã mɛ tɛzazã nɛ̀ tɛdɛdɛmɛ nɔ gidzuɔ mɛ̀,

Romanɛ 8:38

Ɔmɔsɛ ɛyɛkɛŋã ɔsɛ, onu butsí tsyɛo alo ɛkpã, akaa axɔ̃ɛdɛ alo ɛfɔfuĩa zizĩ, kibe ɛlɛ alo kɛgɛ babaa, alo ihumi,

Romanɛ 4:21

gɛ ayɛkɛ aŋã piapii asɛ ohumi ɔlɛ Owusoso Akaa ahɔɛ sɛ abalà abhɛtɛ kɛgɛ atɔɖɔ asɛ ababhɛtɛɛ.

Hebrianɛ 11:13

Banɔ alɛ pete nɔ, tɛyɛyɛkɛŋã ɛlɛ zã alɛ ahɔɛ flogo pɛ bétsí. Pɔ bagɛ yɛkɛ ɔdɔ̃ gɛ batɔɖɔ elu akɔ alɛ. Bamɔ bɔlɛ ete, kɛlɛ batsyana ɔlɛ edenɔ kitsí. Badɛmɛ atɔɖɔ ɛlɛ abha asɛ befu nɛ̀ baafafala ete benu nɛ esiakpa nabha.

Romanɛ 14:14

Mɛ, asɛ anɔ gɛ alɛ Apalete Yesu mɛɛ anaa, kɛlɛ mɛ dalɛ ɔkɔ mɛ piapii ɔsɛ, kɛŋaŋã kpa na nà ma nɛ kɛlɛishu ahɔɛ mɛ. Pɔ anunɔ gɛ amɔ kɛŋaŋã tili asɛ kɛlɛishu gɛ dalɛɛ, kɛlɛ anɔ alɛ kɛgɛ dalɛ ɔkɔ.

Romanɛ 14:5

Kana ɛbe anɔ teli tsyɛ alɔkɔ kiwui tili asɛ kɛlɛ shu dalɛ dɛ tili. Anɔ bhlatɔ pɔ alɔkɔ ewuiɛ nyɔ̃ɔ asɛ lashɔ̃. Kɛlɛ sɛ tɛ anɔ ka nyia ka abhɛtɛ yɛekpeɖekpeɖe mɛ nɛ kɛgɛ aɖɔɔ shu.

Banɔkpɛkpɛ Axɔ̃ɛ 26:26

Ekusiɛ enyi ebui alɛ, kɛlɛ ɛbalà ɖɔ kaɖɔ nɛ alɛishu kɔɛ fãa. Inyi sɛ ebui alɛ ɔmayɛmɛ nanà ama matì mati mɛ ɔkɔɛ, ɔmɔsɛ batɛ abhɛtɛ alɛ nɛ okpukpũ ɔkɔ.

Petro 1 1:22

Otsiɛ gɛ nɔoplu ishu pɛ nɔolũ atɔ̃ ɔkɔ kibui gbã, sɛ tɛ nɔdɛmɛ nɔ nɛ̀ wɔnɔ adzya alɛ, tɛ nɔdɛmɛ nɔ nɛ bagɔlɔ denɔ kitúɔ mɛ piapii.