Timoteo 2 1:3 - Nyangbo New Testament

³ Ihu Owusoso Akaa ahɔɛ, anɔ gɛ ɛkpɛ kɛtakpu esi ɔkɔ, asɛ kana gɛ mɛashuĩ alɛ abhɛtɛ, nɛ̀ ekpeɖekpeɖe dadalɛ mɛ, ɔmɔ asɛ kɛbakà gɛ ɛbakà wɔɛbui elishi nɛ̀ kemuze kibe nyia be nɛ mɛ Owusoso Akaa tikukulu mɛ.

Timoteo 2 1:3 Referans Kwoze

Hebrianɛ 13:8

Yesu Kristo tenikpo alɛ gɛ azã ivũɔ, yɛalɛ oboɔ nɛ̀ tihɔɔ.

Banɔkpɛkpɛ Axɔ̃ɛ 23:1

Paulo eɖi ɔhamɛ besheshèɛ namɛ pɛ aɖɔ asɛ, “Mɛadzya alɛ mɔ, ɛbhɛtɛ kɛgɛ kɛlɛ sɛ mɛbhɛtɛ petee ɔkɔ Owusoso Akaa nɛ ekpeɖekpeɖe gbangbã mɛ oboyinɔ obuoɔ.”

Banɔkpɛkpɛ Axɔ̃ɛ 24:14

Pɔ, ɛdɛmɛ tɔɖɔ kɛlɛ abha asɛ ɛɛkpɛ kɛtakpu esi ɔkɔ bɔlɔ akaalɛ Owusoso Akaa asɛ anɔ gɛ etsiɖi Kidzo ɛlɛ gɛ bekulu otsiɛ sɛ̀ Nazaretianɛ batɔ̃mɛ gagalĩ otugbà zazã kidzoɔ. Ɛdɛmɛ tɔɖɔ kɛka nyia ka gɛ ɔsha ɖɔɔ nabha, gɛ kɛlɛ bafɔnɔ elú nɛ ebuiɖɔluanɛ keplukpa mɛ,

Timoteo 1 1:19

tɛ ɔnyana tɛyɛyɛkɛŋã mɛ ovunɔ nɛ ekpeɖekpeɖeɛ gɛ adalɛ mɛ. Beteli agɛ yɛkɛ ebui alɛ abha aŋã, klisoɔ balɛ tɛyɛyɛkɛŋã tsí.

Timoteo 1 1:5

Kɛgɛ kɛlɛishu bakpɛ ɔsha ɔlɛ kɛlɛinu tɛdɛdɛmɛ nɔ, gɛide kitúɔ gɛ dalɛ nɛ̀ ekpeɖekpeɖeɛ gɛ yɛmɛ adalɛ ɔplɛnɔ tɛyɛyɛkɛŋã gbangbã.

Banɔkpɛkpɛ Axɔ̃ɛ 24:16

Kliso ɛwlɔãkɛ kibe nyia be ɔsɛ tɛ mɛ ekpeɖekpeɖe mɛ adalɛ nɛ Owusoso Akaa namɛ nɛ̀ anɔdzyrame shu.

Banɔkpɛkpɛ Axɔ̃ɛ 22:3

“Yudaeyi mɛinu, bamɔ́ mɛ nɛ Tarso nɛ Kilikia, pɔ Yerusalem ɔmalɛ mɛ banyɔnɔ mɛ. Gamaliel yɛadɔkpasɛnɛ mɛidzì pɛ ɛkpasɛ bɔlɔ akaalɛ ɔshaa piapii kɛlɛ ɛzɛwlɔakɛ ɔkɔ Owusoso Akaa asɛ kana gɛ wɔnɔ ɔmayɛmɛ aka nyia aka abhɛtɛ ɛlɛ obuɔ ana.

Timoteo 2 3:15

kɛlɛ nɛ kana gɛ onyi Owusoso Akaa kibui odenɔ kinuvɔbe soɔ, kibui gɛ bhɛtɛ wɔ pɛ odzì ebuitinɛ ɔkɔ wɔ tibubu ɔgana tɛyɛyɛkɛŋã nɛ Kristo Yesu abha.

Timoteo 2 1:5

Batɛkɔ mɛitì nɛ wɔ tɛyɛyɛkɛŋã gbangbã shu, gɛ kiputɔ zã wɔedzé Lois nɛ̀ wɔelĩ Eunike mɛ, kɛlɛ kɛzã mɛuli sɛ kɛkpasɛ wɔ tsyɛ mɛ ana.

Tesalonikanɛ 1 3:10

Elishi nɛ̀ kemuze bukulu Owusoso Akaa gagalĩi sɛ tɛ̀ buwlui mɔ wɔnɔ sɛ tɛ bɔkɔ wɔnɔ kɛgɛ ma wɔnɔ ahɔɛ nɛ tɛyɛyɛkɛŋã mɛ.

Efesoanɛ 1:16

ɛka yɔlɔ ahɔɛhuhu nɛ ɔnɔ ɛtakpu ɖi, nɛ̀ ɔnɔ tɛbabakà nɛ Owusoso Akaa tikukulu mɛ.

Galatianɛ 1:14

Ɛzɛmɔ otugbà vɛvɛ nɛ Yudanɛ ɛkɔ mɛ ɔdɛ Yudanɛ gelee gɛ bɔnɛ alɛ kpasɛ agɔ mɛ, kɛlɛ ɛzã mɛakaa alɛ ɛkɔɔ tishushu ebuiɛ nabha gagalĩi.

Korintoanɛ 2 1:12

Pɔ otsiɛ nɔ butũ kitélũ ɔsɛ, bɔlɔ kitú mɛ ebui etseɖe bɔlɔ ɔsɛ bɔnyãna bɔlɔ shu piapii nɛ kanɔ nɔ̀ mɛ, asɛ kana gɛ bɔkpɛ ɔha nɛ̀ wɔnɔ, nɛ tɛdadalɛ kibui gɛlɛ kɛlɛ ɔzãkɔ tɛɖɔɖɔ kide Owusoso Akaa ɔkɔ. Gɛnɛ kesiakpa abha bubutì bɔlɔkɔ bhɛtɛ ebui alɛ nɔ, pɔ nɛ Owusoso Akaa tibhui bhuibu mɛ boŋ.

Romanɛ 9:1

Ɛɖɔ kɛgɛ lɛ kɛlɛ ɔzãkɔ nɛ Kristo mɛgɛ ɛtɛsɛ asɛnɛ, mɛitú mɛ ebuiɛ atɔɖɔ ahɔɛ nɛ kɛlɛ abha nɛ Ɔfɔfuĩa Gbangbã mɛ.

Banɔkpɛkpɛ Axɔ̃ɛ 27:23

Kivũɔ elishiɛ, Owusoso Akaa axɔ̃ɛdɛ teli gɛ ɛkpɛ kɛtakpu esì ɔkɔɔ ebu yɛishu akasɛ mɛ

Banɔkpɛkpɛ Axɔ̃ɛ 26:4

“Yudanɛ petee enyi kana gɛ ɛzanà mɛkpã odenɔ mɛ kinuvɔbè gɛ ɛkpɛ mɛkpã esi, nɛ mɛ kesiakpa nabhaa nɛ̀ Yerusalemuɔ tsyɛ.

Timoteo 1 5:5

Avɛvɛ yɛedziniɛ gɛ kɛdɔ nana ma yɛahɔɛ pɛ yɛ ete yɛalɛ, yɛotugbà mɛ ɖiɖiɛ petee otsiɖi Owusoso Akaa nabha, kɛlɛ azã ɛlɛ abha elishi nɛ̀ kiwui mɛ tɛ ekulu Owusoso Akaa tɛ ezebisi tepɛplɛnɔ edenɔ yɛahɔɛ mɛ.