Timoteo 2 1:18 - Nyangbo New Testament

¹⁸ Kɛkɔ sɛ tɛ̀ Apaleteɛ aplɛnɔ yɛ tɛ amɔ ashagabui ɖiɖi nɛ kiwui ɛlɛ nabha. Onyi edzo kpekpèɛ gɛ alɛ abha yɛaplɛnɔ mɛ piapii nɛ Efesoɔ.

Timoteo 2 1:18 Referans Kwoze

Hebrianɛ 6:10

Owusoso Akaa etinu asɛnɛ elete, pɛ abadzɛkɛ wɔnɔ axɔ̃ɛ wɔawɔa nɛ̀ wɔnɔ tɛdɛdɛmɛ nɔ nɛ̀ banɔ gɛ nobu ɔkasɛ ɔgana nɛ tɛpɛplɛnɔɔ gɛ nɔkɔ yɛaxɔ̃ɛwɔa. Gɛ notsiɖi ɛlɛ abha ɔkɔ yɛanunɔ tɛpɛplɛnɔ ɔmana otsiɛ.

Timoteo 2 1:12

Kliso pɛ ɛmɔ bɔtɔ ɔlɛ asɛ gɛ ɛmɔ ana. Pɔ kiwũi tiyi mɛ, ɔmɔsɛ inyi anunɔ gɛ yɛabha mɛyɛkɛŋã, kɛlɛ ɛyɛkɛŋã sɛ abalà anyanã kibuiɛ gɛ ɛkpɛ yɛahɔɛ ovunɔ ɔvɛnɔ kiwui ɛlɛ nabha.

Timoteo 2 1:16

Kɛkɔ sɛ tɛ̀ Apaleteɛ ebu yɛashagabui bibiɛ akasɛ Onesiforo yɛɔpã, ɔmɔsɛ akpɛ mɛ kemi kibe nyia be kɛlɛ kiwũi tiyii nɛ ɛɖahuiɛ mɛ gɛ ɛkpasɛ shu.

Timoteo 1 1:3

Asɛ kana gɛ ɛkpalà wɔ nɛ kibeɛ gɛ ɛvɛ Makedonia nɔ, zã Efesoɔ tɛ̀ ɔkpɛ ɔsha ɔkɔ banɔ nɔ teli, sɛ batɛ zakasɛ asɛnɛ bɔdɔ̃

Kibui Bubú Kasɛ 2:1

“Fɔnɔ ebui alɛ ɔsɛsɛ axɔ̃ɛdɛ nɛ Efeso ɔha mɛ. Anɔ nɔ̀ gɛ anyana awɔ̃ɛ tegegeneɛ evunɔ nɛ kɛŋã ahɔɛ mɛ, pɛ agãfala nɛ sikã efu isí tigegene nɛishiɛ, yɛebui nu alɛ.

Petro 1 1:10

Nɛ atɔwui tibubu kibui ɛlɛ shuɔ, ebuiɖɔluanɛ, gɛ baɖɔaɖɔ nɛ tibhui bhuibuɔ gɛ babaa ɔkɔ ɔnɔ shuɔ, kibui gɛ belu awɔ̃ eɖi ɛlɛ piapii pɛ beɖi ɛlɛ abha piapii,

Timoteo 2 4:12

Ɛsɛsɛ Tixiko nɛ Efeso.

Tesalonikanɛ 1 2:19

Pɔ kiɖuwoe gɛ kɛlɛinu bɔlɔ kidzo mɛ ɖiɖiɛ, bɔlɔ sameɛ, alo kikutuɔ gɛ kɛlɛ mɛ bɔba mɔ ishu dadalɛ nɛ Apalete Yesu amɛ gɛ onupɛ abaa dza? Gɛnɛ wɔnɔ dza?

Efesoanɛ 2:4

Pɔ, nɛ yɛ tɛdɛdɛmɛ nɔ gi gbogblo ɔkɔ ɔlɔ soɔ, Owusoso Akaa gɛ yɛashagabuiɛ ayɛkɛ kedziɛ,

Korintoanɛ 2 9:1

Kɛbha ma ɔsɛ tɛ ɛfɔnɔ keplukpa kɔ wɔnɔ nɛ axɔ̃ɛ wɔawɔa ebui alɛ nɛ banɔ dadalɛ shu.

Korintoanɛ 1 16:8

Pɔ ɛbazã Efeso odiyinɔ Pentekoste kiwui nabha,

Banɔkpɛkpɛ Axɔ̃ɛ 19:1

Kibeɛ gɛ Apolo azã Koritoɔ, Paulo agã kishitɛbha kidzoɔ avɛ ediyì nɛ Efeso. Ɛkɛlɛ yɛadɛ tɔnɔ badɔkpasɛanɛ teli

Banɔkpɛkpɛ Axɔ̃ɛ 18:19

Bediku Efeso, ɛkɛlɛ Paulo ashɛ ayɔlɔ Priskila nɛ̀ Akwila. Yɛ xɔnɔ avɛ ɔtsyɔakɔ pɛ adɛ bhɛtɛ ekpeɖekpeɖe mɛ aplɛnɔ Yudanɛ.

Banɔkpɛkpɛ Axɔ̃ɛ 18:21

Pɔ gɛ ashɛɛ, atɔɖɔ elú asɛ, “Ɛba tsodzi ba gɛ Onupɛ kinu Owusoso Akaa tɛpɛpɛɛ.” Kɛlɛ eku kelĩabhaohuɔ odenɔ Efeso.

Korintoanɛ 1 1:8

Abakɔ nɔzã gagalĩ ɔvɛnɔ kiwui gɔgɔ nabha, kɛba kɔsɛ nɔtɛ bɔmɔ bamɛ tsitsí nɛ bɔlɔ Apalete Yesu Kristo yɛiwui nabha.

Korintoanɛ 1 3:13

yɛxɔ̃ɛ bakasɛ kɛgɛ yɛalɔkɔ abhɔ bɔlɛ nɔ, ɔmɔsɛ Kiwuiɛ babu ɛlɛ kasɛ. Bebebù ɛlɛ akasɛ nɛ̀ kifú, kɛlɛ kifúɔ badalɛ aka nyia aka yɛ ɛxɔ̃ɛ wɔawɔa shu.

Timoteo 2 1:17

Nɛ kɛlɛ shuɔ, gɛ ebeku Roma nɔ, apɛɛ mɛ nɛ̀ awuhũ dzadzã ɔvɛnɔ kibeɛ gɛ amɔ mɛ.

Timoteo 2 4:8

Otsi alɛ xɔnɔ, balɔkɔ kibui gbangbã tɛbhɛbhɛtɛ kikutuɔ abalɛ elu akɔ mɛ, kɛgɛ Apalete gɛenu kebhu gbangbã kukulu eleteɛ, abalɔkɔ akɔ mɛ nɛ kiwui ɛlɛ nabhaa, kɛlɛ gɛnɛ mɛ ete yɛabakɔ, pɔ abakɔ bagɛ eɖi yɛ tɛbaba idzo mɛ tsyɛ.