Timoteo 2 1:13 - Nyangbo New Testament

¹³ Kɛgɛ nɔolũ odenɔ mɛɔkɔ, nɔnyanà ɛlɛ ovunɔ asɛ bɔdɔ̃ kakasɛ piapii, ɔplɛnɔ tɛyɛyɛkɛŋã nɛ̀ tɛdɛdɛmɛ nɔ nɛ Kristo Yesu mɛ.

Timoteo 2 1:13 Referans Kwoze

Tito 1:9

Kɛlɛ sɛ anyana kibuiɛ gɛ lɛ ɛlɛ ɔzãkɔ pɛ balɔkɔ akpɛ yɛahɔɛ mɛ ovunɔ gagalĩ asɛ gɛ bakasɛ yɛana, sɛ tɛ alà akpɛ bagɔgɔɛ nɔ emi nɛ̀ bɔdɔ̃ kakasɛ piapi tɛ etilũ bagɛ balɔ kititì nɛishuɔ atɔ̃.

Timoteo 2 3:14

Pɔ wɔ xɔnɔɔ, zã ɛlɛ abha ɔzɔbhɛtɛ kɛgɛ ɔkpasɛ, pɛ olũ kɛlɛ esiɛ, ɔmɔsɛ onyi banɔ alɛ gɛ balɛ ɔkɔ wɔ kpasɛ alɛ odenɔ,

Filipianɛ 4:9

Kɛnɔnɔ gɛ nɔ kpasɛ alo nɔ yɛkɛɛ alo nolũ odenɔ mɛ ɔkɔɔ, alo pɛ nɔmɔ ɛlɛ nɛ mɛ mɛɛ, nɔ bhɛtɛ ɛlɛ abha. Kɛlɛ Owusoso Akaa gɛenu ishu yɔyɔ anunɔ abazã aplɛnɔ ɔnɔ.

Romanɛ 6:17

Pɔ nohu Owusoso Akaa yɛahɔɛ ɔsɛ, wɔnɔ gɛ nodzi banɔ dzidzi ɔkɔ ebui kpa flogo nɔɔ, nɔbɔlɔkɔ wɔnɔ etúɔ nyɔ̃ɔ nɛ̀ batɔ̃ lulũ ɔyɛkɛ bɔdɔ̃ kakasɛ ɛlɛ, gɛ balɔkɔ akpɛ ahɔɛ akɔ wɔnɔ.

Timoteo 2 2:2

Nɛ̀ ebuiɛ gɛ olũ mɛɖɔ nɛ banɔ kpekpèɛ gɛ azã amɔ ebui alɛ amɛ, lɔkɔ ɛlɛ ɔkɔ banɔ gɛ belu awɔ̃ nɛ balɛ abha pɛ balɛ tsyɛ ashɔ̃ asɛ bakasɛ banɔ bhlatɔ ɔdɔ̃.

Kibui Bubú Kasɛ 3:11

Ɛbàba otsiɛ tsĩɔɔ. Nyana kɛgɛ lɛ wɔahɔɛ mɛ ovunɔ, sɛ tɛ anɔ nanà atɛ yɛkɛ wɔekusikutuɔ nɛ wɔahɔɛ.

Kibui Bubú Kasɛ 3:3

Kliso bakà kɛgɛ olũ pɛ ɔyɛkɛɛ, lũ atɔ̃ ɔkɔ ɛlɛ tɛ otsyina itú mɛ. Pɔ ɔgɛ nyɛmɛɛ, ɛbàba asɛ ezĩ ana, kɛlɛ oti botì kibeɛ gɛ ɛbaba yi nɛ̀ wɔɔ.

Timoteo 1 1:14

Apaleteɛ akɔ mɛ yɛ tibhui bhuibuɔ nɛ tikpekpe mɛ, ɔlɔkɔ plɛnɔ tɛyɛyɛkɛŋã nɛ̀ tɛdɛdɛmɛ nɔ gɛ kɛkpasɛ Kristo Yesu mɛ.

Yuda 1:3

Mɛbhia alɛ gɛ ɛdɛmɛ nɔ, gɛ kinù mɛ same ɔsɛ tɛ̀ mɛ fɔnɔ keplukpa akɔ ɔnɔ nɛ tibubuɔ gɛ bɔmɔ̃ shu tsyɛɛ, ɛmɔsɛ kɛlɛ ɔsɛ mɛ fɔnɔ keplukpa akɔ wɔnɔ tɛ̀ ɛlɔkɔ kpalà wɔnɔ ɔsɛ tɛ nɔkɔ tɛyɛyɛkɛŋã gɛ balɔkɔ akpɛ ahɔɛ akɔ bayɛyɛkɛŋã ku balɛ awɔ̃.

Hebrianɛ 10:23

Nɔkɔ bɔnyana kɛgɛ kɛlɛ mɛ bɔdalɛ, pɛ buuɖi kɛlɛ idzo mɛɛ vunɔ gagalĩi, ɔmɔsɛ anunɔ gɛ yɛatɔɖɔ kibuiɛ lɛ eluɔ abhɛtɛ ibui abha.

Timoteo 2 1:14

Nyanà kibui gbangbã gɛ balɔkɔ akpɛ wɔ ahɔɛ mɛ ovunɔ piapii, nyanà ɛlɛ mɛ ovunɔ ɔganà Ɔfɔfuĩa Gbangbã gɛ ɔkpasɛ ɔlɔ mɛ tɛpɛplɛnɔ mɛ.

Romanɛ 2:20

gɛ onu adɔkasɛ ɔkɔ bawaga, nɛ̀ adɔkasɛ ɔkɔ bunuvɔɛ, ɔmɔsɛ bùbuti nɛ̀ kibui gɛlɛ ɛlɛ ɔzãkɔɔ, kɛlɛ kpasɛ wɔ mɛɛ.

Tito 2:1

Kɛlɛ sɛ ɔkasɛ kɛgɛ shɔnɔ pɛ kinu bɔdɔ̃ kakasɛ gbangbã.

Timoteo 1 6:3

Onupɛ anɔ teli akasɛ asɛnɛ ɔdɔ̃ pɛ agɛ dɛmɛ atɔɖɔ Apalete Yesu Kristo yɛebuiɛ nɛ̀ Owusoso Akaa ɔdɔ̃ kakasɛ nabhaa,

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Timoteo 1 1:10

lɔlɛ ɔkɔ ɔmamɛ dɛdɛ elete, nɛ̀ bagɛ abhɛtɛ atsɔ̃buiɛ, lɔlɛ ɔkɔ bagɛ agã banɔ dzizì edziɛ, basɛnɛ elete nɛ̀ bagɛ betielũ atɔ̃ akɔ ɔsha-nɛ̀ kɛka nyia ka ɛdi gɛ kɛgã ɔtɔ nɛ bɔdɔ̃ kakasɛ gbangbã shuɔ

Kibui Bubú Kasɛ 2:25

Nɔnyana kɛgɛ lɛ wɔnɔ ahɔɛ mɛ ovunɔ piapii, ɔvɛnɔ mɛ babeɛ.

Hebrianɛ 4:14

Kliso gɛ banɔlũazazã gbagbla, gɛ agã iwusoso nɔ mɛ pɛ yɛenu Owusoso Akaa Yɛeyi Yesu soɔ, nɔkɔ bɔnyana bɔlɔ tɛyɛyɛkɛŋã gɛ ɛlɛ mɛ bɔdalɛ vunɔ gagalĩi.

Hebrianɛ 3:6

Kristo xɔnɔ alɔkɔ ibui gɛlɛ ɛlɛ ɔzãkɔ, gɛ eɖi Owusoso Akaavũ nabha asɛ Eyi ana. Kɛlɛ bɔlɔ nu yɛɔpãa, onupɛ bɔkpɛ emi zã yɛede, pɛ buɖi yɛidzo mɛ nɛ̀ awɔ̃luluɔ gɛ butù itèlũ kɔɔ.

Tito 2:8

Kasɛ kaɖɔ gbangbã gɛ batɛ balà lɔɛtití nɛ alɛ shu tɛɖɔɖɔ, sɛ tɛ kiwũi yi bagɛ balɔɛtití nɛ wɔ shuɔ, ɔmɔsɛ bagɛ mɔ kibui kpa nanà gɛ abaɖɔ nɛ bɔlɔ shu.

Tesalonikanɛ 1 5:21

Nɔlũ awɔ̃ oɖi kɛka nyia ka piapii. Nɔnyana kɛgɛ pɛ̃ɛ ovunɔ.

Koloseanɛ 1:4

ɔmɔsɛ bulu wɔnɔ tɛyɛyɛkɛŋã nɛ Yesu Kristo abha nɛ̀ wɔnɔ tɛdɛdɛmɛ nɔ gɛ nɔlɔkɔ ɔkɔ banɔ dadalɛ petee,

Timoteo 2 1:1

Paulo, gɛenu Yesu Kristo yɛanɔkpɛkpɛ nɛ Owusoso Akaa tɛpɛpɛ ulũ, nɛ tɛtɔtɔɖɔ olu ɔkɔ ɛkpã zazãna gɛlɛ Kristo Yesu mɛ,

Timoteo 2 4:3

Ɔmɔsɛ kibèɛ baba gɛ, banɔ azapɛ asɛ tɛ belũ batɔ̃ akɔ bɔdɔ̃ kakasɛ piapii nɔ. Pɔ tɛ beku ishu awɔ̃ soɔ, babalɔkɔ badɔ̃ kakasɛ kpekpè akana balɛ ishu tɛ betseɖe alɛ kɛgɛ batɔ̃ gɛ awɔɛsɛ̃ alɛ apɛɛ asɛ tɛ belũɔ.