Timoteo 2 1:12 - Nyangbo New Testament

¹² Kliso pɛ ɛmɔ bɔtɔ ɔlɛ asɛ gɛ ɛmɔ ana. Pɔ kiwũi tiyi mɛ, ɔmɔsɛ inyi anunɔ gɛ yɛabha mɛyɛkɛŋã, kɛlɛ ɛyɛkɛŋã sɛ abalà anyanã kibuiɛ gɛ ɛkpɛ yɛahɔɛ ovunɔ ɔvɛnɔ kiwui ɛlɛ nabha.

Timoteo 2 1:12 Referans Kwoze

Timoteo 2 1:8

Kliso tɛkɔ kiwũi yi wɔ nɛ Apaleteɛ nɛibuiɛ tɛɖɔɖɔ shu, alo tɛ kiwũi yi wɔ nɛ mɛ ɔɖavũɔ mɛ gɛ ɛkpasɛ shu. Pɔ plɛnɔ mɛ nɛ bɔtɔ gɛ ɛmɔ nɛ kibui gbangbã shu, nɛ Owusoso Akaa ohumi nɔ shu,

Yuda 1:24

Ishu dadalɛ ɔkɔ anunɔ gɛ yɛakɔ asɛ tɛ̀ nɔtɛ dɔ oboe, sɛ tɛ̀ alɔkɔ ɔnɔ elù anɔ dadalɛ amɛ tɛ̀ kibui kpa tɛzã wɔnɔ shu pɔ nɛ same mɛɛ,

Petro 1 4:19

Klisoɔ otsiɛ nɔ, bagɛ bamɔ ɔtɔ nɛ Owusoso Akaa tɛpɛpɛ ulũɔ, balɔkɔ balɛishu akɔ Agɛ yɛabhɛtɛ̀ alɛ pɛ aɖɔ kibui gbã tɛ̀ bazã ɛlɛ abha azabhɛtɛ ebui gbangbã.

Timoteo 2 4:8

Otsi alɛ xɔnɔ, balɔkɔ kibui gbangbã tɛbhɛbhɛtɛ kikutuɔ abalɛ elu akɔ mɛ, kɛgɛ Apalete gɛenu kebhu gbangbã kukulu eleteɛ, abalɔkɔ akɔ mɛ nɛ kiwui ɛlɛ nabhaa, kɛlɛ gɛnɛ mɛ ete yɛabakɔ, pɔ abakɔ bagɛ eɖi yɛ tɛbaba idzo mɛ tsyɛ.

Hebrianɛ 7:25

Kliso Yesu alà ebu bagɛ aba Owusoso Akaa ɔkɔ, ɔgana yɛabha, ɔmɔsɛ alɛ nɛ ɛkpã gɛ ayɛkɛ ebui nɛ alɛ ulũ.

Timoteo 1 6:20

Timoteo, balɛ gɛdɔɔ gɛ balɔkɔ akpɛ wɔahɔɛ piapii lo. Tsyina ɔshɛ nɛ ebui ɖɔɖɔ nɔnɔ gɛ lagɛ kpaplɛnɔ Owusoso Akaa, nɛ̀ kititì lɔlɔ ebui gɛenu asɛnɛ ebui gɛ baɖɔ asɛ alɛ enu kibui titìɛ shu,

Romanɛ 1:16

Ɔmɔsɛ Kibui Gbangbã tinu kiwuĩbui ɔkɔ mɛ, ɔmɔsɛ kinu Owusoso Akaa yɛohumi ɔkɔ, anɔ nyia anɔ gɛ ayɛkɛ aŋãa yɛtibubu. Putɔ nɔɔ, ɔkɔ Yudanɛ flogo pɛ bagɛ betinu Yudanɛ.

Petro 1 1:5

banɔ gɛ ɔgana tɛyɛyɛkɛŋã mɛ balɔkɔ Owusoso Akaa ohumi nɔ akpɛ ɔkã nɛ wɔnɔ shu, ɔvɛnɔ kibeɛ gɛ anɔ tibubuɔ gɛ babalɛ elu akɔ nɛ ewui gɔgɔɛ mɛ babà.

Timoteo 2 1:18

Kɛkɔ sɛ tɛ̀ Apaleteɛ aplɛnɔ yɛ tɛ amɔ ashagabui ɖiɖi nɛ kiwui ɛlɛ nabha. Onyi edzo kpekpèɛ gɛ alɛ abha yɛaplɛnɔ mɛ piapii nɛ Efesoɔ.

Filipianɛ 3:21

anɔ gɛ, ohumi ɔlɛ yɛahɔɛ, pɛ alɔkɔ agbanà kɛka nyia ka ɔkpɛ yɛesi nɔ, ebè tsyina ɔlɔ ishudzya ɛlɛ gɛ ma kɛnanà mɛɛ tɛ bɔzã asɛ yɛɔyɛ dadalɛ.

Timoteo 2 2:9

gɛ kɛlɛ shu mɛmɔ bɔtɔ ɔlɛ vɛnɔ sɛ bakpɛ mɛ nɛ ɛɖahui mɛ asɛ kɛtakpu mɛ gagalĩ elete ana. Pɔ bagɛ kpɛ ɛɖahui nɛ Owusoso Akaa nɛibuiɛ xɔnɔ shu.

Filipianɛ 3:10

Ɛpɛ sɛ tɛ mɛiti Kristo nɛ̀ ohumi nɔ gɛ ɔlɔkɔ yɛalɔ edenɔ bekpuɔ mɛ, nɛ̀ ɔhakpɛkpɛ gɛ ɔkɔ sɛ bɔmɔ ɔtɔ ɔlɛ plɛni, tɛ budzi asɛ yɛ ana nɛ yɛutsi mɛ,

Filipianɛ 3:8

Kɛgɛ zɛdɛɛ, ɛlɔkɔ ɛlɛ sɛ ɛgɛ mɔ̃ kɛnanà odenɔ kɛxɔ̃ɛ ɛlɛ mɛ, nɛ gɛinu kibui hohoe ɔdɛ ɔkɔmɛ sɛ ɛmɔ̃ Kristo Yesu gɛenu mɛ Apaleteɛ gɛ yɛ shu so pɛ ɛga mɔ̃ kɛdɔ̃ nanà nɔ. Ɛmɔ ebui alɛ sɛ tɛwɔnɔ̃ ete lenu sɛ tɛ ɛmɔ̃ Kristo

Korintoanɛ 1 3:13

yɛxɔ̃ɛ bakasɛ kɛgɛ yɛalɔkɔ abhɔ bɔlɛ nɔ, ɔmɔsɛ Kiwuiɛ babu ɛlɛ kasɛ. Bebebù ɛlɛ akasɛ nɛ̀ kifú, kɛlɛ kifúɔ badalɛ aka nyia aka yɛ ɛxɔ̃ɛ wɔawɔa shu.

Romanɛ 9:33

Asɛ kibuiɛ gɛ bafɔnɔ elu asɛ, “Dio, ilu kɛklagbu gɛkɔ sɛ anɔ akpata pɛ adɔ oboeɛ nɛ Zion ɔxɔa gɛ lɔkɔ ɔsɛ banɔ bakpata tɛ badɔ oboe, anɔ gɛ elu awɔ̃ nɛ Owusoso Akaa nabhaa, batɛ bakpɛ yɛalɛ awuĩ.”

Petro 1 4:16

Klisoɔ, onupɛ nɔmɔ bɔtɔ asɛ Kristoeyi ana, nɔ tɛkɔ kiwũi yi wɔnɔ, pɔ nɔkpɛ Owusoso Akaa nɛinye nɛitití sɛ nɔyɛkɛ kinye ɛlɛ nɛidi.

Hebrianɛ 12:2

Nɔkɔ ɔlɔ awuhũ àzã Yesu abha, yɛ gɛ akpɛ ɛlɛ esi pɛ ewoese ɔlɔ tɛyɛyɛkɛŋãa, kɛlɛ gɛ enyi same nɔnɔ́ gɛ alɛ akɔɛ idegba soɔ, akpɛ emi nɛ butsí osiɛ abha zazã bɔtɔ mɛ, kɛlɛ butsí osi abha zazã gɛiku yɛiwũi nanà. Otsi alɛ ezhi azã Owusoso Akaa bukusiegbu nɛŋã mɛ.

Hebrianɛ 2:18

Ɔmɔsɛ gɛ amɔ bɔtɔ nɛ yɛtifefeke ɖi mɛ soɔ, abalà aplɛnɔ banunɔ gɛ beefeke eɖiɛ tsyɛ.

Tesalonikanɛ 1 2:16

babhɛtɛ ɛlɛ ana tɛ badã kidzo akɔ bɔlɔ tɛ bɔtɛ ɖɔ kibuiɛ ɔkɔ bagɛ betinu Yudanɛ sɛ tɛ bayɛkɛ balɛ elu nɛkpã. Nɛidzo ɛlɛ nabhaa, bakaa bhɔ balɛ ebui kpa bhɛbhɛtɛ atɔɖɔ sɛ tɛ lewu kabha. Owusoso Akaa ɔmɔpɔɛ nɔ tɛba balɛ abha otsi alɛ.

Filipianɛ 1:20

Iɖi idzo mɛ gagalĩi pɛ ilu awɔ̃ sɛ ɛtɛ bà ŋã kiwũi nɛidzo nanà abha, pɔ ɛba mɔ̃ kemì kpɛkpɛ gelee, sɛ tɛ otsiɛ nɔ gɛ babà zakpɛ̀ Kristo inyeɛ nɛitití nɛ mɛ mɛ̀, kɛbà gã ɛkpã mɛ alo butsì mɛ tsyɛo.

Banɔkpɛkpɛ Axɔ̃ɛ 21:13

Kɛlɛ Paulo ebuiliulũ asɛ, “Kiɖe sopɛ nɔobiyoyò pɛ nɔyɛɛ mɛ kitúɔ ana? Gɛnɛ mɛ tɛnyanyã ete shu mɛ balɛ ɔkɔ, pɔ ɛbalɛ tsyɛ sɛ tɛ̀ itsi nɛ Yerusalem nɛ Apalete Yesu yɛinyeɛ nɛtakpu.”

Banɔkpɛkpɛ Axɔ̃ɛ 13:50

Pɔ Yudanɛ ezetsu kifu akpɛ badzɛ awɔpɔ̃nɔ gɛ bakpɛ kɛtakpu esi akɔ Owusoso Akaa nɛ̀ baanyɛ awɔpɔ̃nɔ teli tsyɛ nɛ ɔma. Bakɔ asɛ balɔɛtití nɛ Paulo nɛ̀ Barnaba shu kɛlɛ bakakalɛ ebu nɛ kɛma ɛlɛ mɛ.

Banɔkpɛkpɛ Axɔ̃ɛ 13:46

Kɛlɛ Paulo nɛ̀ Barnaba ebu balɛ ishu ulũ nɛ kifù masi masi mɛ asɛ, “Wɔnɔ kɛlɛ ɔsɛ buputɔ ɖɔ Owusoso Akaa ibuiɛ ɔkɔ. Pɔ gɛ nɔgɛ yɛkɛ ɛlɛ pɛ nɔmɔ ɔsɛ nɔshɔnɔ ɔkɔ ɛkpã tihɔ nɔ soɔ, butsyina ɛlɛ ɔvɛnɔ bagɛ etinu Yudanɛ ɔkɔ.”

Banɔkpɛkpɛ Axɔ̃ɛ 9:16

Ɛbakasɛ yɛ bɔtɔ nɔnɔ́ɛ ɛdi gɛ kɛlɛ ɔsɛ amɔ nɛ mɛinye nɛ takpu.”

Banɔkpɛkpɛ Axɔ̃ɛ 7:59

Kibeɛ gɛ baata aklagbuɔ ehu Stefanoɔ, ekulu Owusoso Akaa asɛ, “Apalete Yesu, yɛkɛ mɛɔfɔfuĩa nɔ.”

Tesalonikanɛ 1 5:4

Pɔ mɛadzya alɛ, nɔma otumũ mɛ̀ ɔsɛ tɛ kiwui ɛlɛ̀ babhɛtɛ wɔnɔ asɛ ezĩ tɛbaba ana.

Korintoanɛ 1 1:8

Abakɔ nɔzã gagalĩ ɔvɛnɔ kiwui gɔgɔ nabha, kɛba kɔsɛ nɔtɛ bɔmɔ bamɛ tsitsí nɛ bɔlɔ Apalete Yesu Kristo yɛiwui nabha.

Timoteo 2 1:14

Nyanà kibui gbangbã gɛ balɔkɔ akpɛ wɔ ahɔɛ mɛ ovunɔ piapii, nyanà ɛlɛ mɛ ovunɔ ɔganà Ɔfɔfuĩa Gbangbã gɛ ɔkpasɛ ɔlɔ mɛ tɛpɛplɛnɔ mɛ.

Timoteo 2 1:16

Kɛkɔ sɛ tɛ̀ Apaleteɛ ebu yɛashagabui bibiɛ akasɛ Onesiforo yɛɔpã, ɔmɔsɛ akpɛ mɛ kemi kibe nyia be kɛlɛ kiwũi tiyii nɛ ɛɖahuiɛ mɛ gɛ ɛkpasɛ shu.

Tito 3:8

Kibui ɛlɛ tɛɖɔɖɔ nu kibui gbã. Kɛlɛ ɛpɛ sɛ tɛ ɔɖɔ ebui alɛ odzinɔ ɔɖɔ, sɛ tɛ bagɛ ayɛkɛ Owusoso Akaa nabha aŋãa beɖi ishu abha piapii tɛ̀ balɔkɔ balɛishu akɔ kibui gbangbã bhɛbhɛtɛ. Ebui alɛ apɛ̃ kɛlɛ labà manà kibui gbangbã ɔkɔ aka nyia aka.