Timoteo 2 1:1 - Nyangbo New Testament

¹ Paulo, gɛenu Yesu Kristo yɛanɔkpɛkpɛ nɛ Owusoso Akaa tɛpɛpɛ ulũ, nɛ tɛtɔtɔɖɔ olu ɔkɔ ɛkpã zazãna gɛlɛ Kristo Yesu mɛ,

Timoteo 2 1:1 Referans Kwoze

Hebrianɛ 9:15

Nɛ kidzo ɛlɛ nabhaa, Kristo edzi iboe evuvũ akɔ olũgbu nyanyã vɔvɔ ɔlɛ, sɛ tɛ bagɛ bekuluɔ tɛ bamɔ kaŋãsi tihɔɔ ayɛkɛ nɛ tɛtɔtɔɖɔ nulũ, Kristo ebetsí sɛ tɛ ebu balɛ eyinɔ nɛ balɛ ebui kpaa gɛ babhɛtɛ nɛ olugbũ nyanyã gɛ oputɔ nɛibeɛ.

Korintoanɛ 2 1:1

Paulo gɛedzi anɔkpɛkpɛ akɔ Yesu Kristo nɛ Owusoso Akaa tɛpɛpɛ ulũɔ, nɛ̀ Timoteo gɛenu bɔlɔ adzyaa, Mɛ sɛsɛ Korintoanɛ ɔhaa keplukpa alɛ ɔlɔkɔ plɛnɔ bagɛ bayɛkɛ aŋã nɛ Axaya petee asɛ,

Tito 1:2

tɛyɛyɛkɛŋã nɛ̀ kibuititiɛ gɛipo ɛkpã tihɔɔ gɛ buɖi kidzo mɛ, gɛ Owusoso Akaa, anɔ gɛ atɛ sɛ asɛnɛ, atɔɖɔ elu akɔ ɔlɔ flogo pɛ kanɔ nɔ̀ abakpɛ esi,

Efesoanɛ 3:6

Kibui kpukpũ ɛlɛ kɛlɛinu ɔsɛ ɔgana kibui gbangbã nabha, bagɛ etinu Yudanɛ tsyɛ abamɔ̃ kaŋãsiɛ ɔplɛnɔ Israel, gɛ bebedzi banɔ tenikpo gɛede ishudzya tinikpo mɛ, nɛ̀ banɔ gɛ aba yɛkɛ ɔdɔ̃ itsù nɛ tɛtɔtɔɖɔ lu nulũ nɛ Kristo Yesu mɛ.

Yohanes 1 2:25

Kɛlɛ kɛgɛ atɔɖɔ elú akɔ bɔlɔ kɛlɛinu, ɛkpã gɛlɛ tihɔɔ nɔ.

Timoteo 1 6:19

Nɛidzo ɛlɛ abhaa, bebe shogò ehoeyi ɔdɔ̃ akɔ balɛishu asɛ buvũ esi kpɛkpɛ ɛklagbu gɛ gagalĩ ɔkɔ kibèɛ gɛbaa, sɛ tɛ bamɔ ɛkpã gɛ ɛlɛinu ɛkpã gbangbã.

Korintoanɛ 2 1:20

Kikpè gɛ Owusoso Akaa ebui ɖɔɖɔ luɔ zikpè kɔ ɔlɔ tsyɛ elo, lɛenu “Ee” nɛ Kristo mɛ. Kliso ɔgana yɛabhaa, bɔɖɔ “Amen” ɔkɔ Owusoso Akaa nɛinye shu tɛdadalɛ.

Korintoanɛ 1 1:1

Mɛ Paulo gɛ bekulú asɛ tɛ idzì anɔkpɛkpɛ ɔkɔ Yesu Kristo nɛ Owusoso Akaa yɛ tɛpɛpɛ ulũɔ, nɛ̀ bɔlɔ adzya Sostenese yɛafɔnɔ keplukpa alɛ.

Romanɛ 6:23

Ɔmɔsɛ kɛbhɛ gɛ babuia ɔkɔ ebui kpa bhɛbhɛtɛ, kɛli nu butsí, pɔ Owusoso Akaa yɛdɔ̃ kɔkɔ kɛli nu ɛkpã tihɔɔ nɛ Kristo Yesu bɔlɔ Apaleteɛ mɛ.

Romanɛ 5:21

Asɛ kɛŋã gɛ kibui kpa ŋã bukusi nɛ bekpu mɛɛ, kidzo ɛlɛ nabha tibhui bhuibu tsyɛ baŋã bukusi ɔgana kɛgbangbã mɛ, sɛ tɛ banɔ amɔ ɛkpã tihɔɔ ɔgana Yesu Kristo bɔlɔ Apalete nabha.

Romanɛ 1:1

Mɛ Paulo, Kristo Yesu yɛaxɔ̃ɛdɛ gɛ bekulu asɛ tɛ edzi anɔkpɛkpɛ, pɛ bebu elu akɔ Owusoso Akaa Ibui Gbangbã.

Galatianɛ 3:26

Beyì wɔnɔ petee onu ɔkɔ Owusoso Akaa ɔgana tɛyɛyɛkɛŋã gɛ ɛlɛ Kristo Yesu mɛ,

Galatianɛ 3:28

Yudaeyi alo Helaeyi nanà abha ma, anɔ dzidzi alo anɔ gɛ alɛ yɛishu ahɔɛ mɛ, anyɛ alo adzɛ abha ma, ɔmɔsɛ wɔnɔ petee odzi tenikpo nɛ Kristo Yesu mɛ.

Timoteo 2 1:9

anɔ gɛ yɛebu ɔlɔ pɛ ekulu bɔlɔ amana ɛkpã gɛ ɛlishu dalɛ mɛ, gɛnɛ kɛnanà gɛ bɔbhɛtɛ shu so, pɔ nɛ yɛ tɛtɔtɔɖɔ nɛ̀ tibhui bhuibuɔ shu so. Bakɔ ɔlɔ tibhui bhuibu ɛlɛ nɛ Kristo Yesu mɛ flogo pɛ kanɔ alɛ mɛ abakpɛ esi,

Timoteo 2 1:10

pɔ otsi alɛ bebu ɛlɛ akasɛ ɔgana agɛ yayɛkɛ akɔ ɔlɔ tɛbaba mɛ, Kristo Yesu, anɔ gɛ aŋã butsì abha pɛ alɔkɔ ɛkpã gɛ bazã tihɔɔ nɔ amana tɛdadalɛ ɔgana kibui gbangbã mɛ.

Timoteo 2 1:13

Kɛgɛ nɔolũ odenɔ mɛɔkɔ, nɔnyanà ɛlɛ ovunɔ asɛ bɔdɔ̃ kakasɛ piapii, ɔplɛnɔ tɛyɛyɛkɛŋã nɛ̀ tɛdɛdɛmɛ nɔ nɛ Kristo Yesu mɛ.

Timoteo 2 2:1

Wɔ, mɛeyianyɛ, zã gagalĩi nɛ tibhui bhuibuɔ gɛ kpasɛ Kristo Yesuɔ mɛ.

Timoteo 2 2:3

Kpɛ emi nɛ ebui gagalĩ mɛ asɛ keyuadɛ akɔ Kristo Yesu ana.

Timoteo 2 2:10

Klisoɔ ɛkpɛ kemi ka nyia ka ɛdi ɔkɔ bagɛ bebuɔ, sɛ tɛ balɛ tsyɛ amɔ tibubuɔ gɛ kpasɛ Yesu Kristoɔ mɛ, nɛ tɛdadalɛ tihɔɔ.

Timoteo 2 3:15

kɛlɛ nɛ kana gɛ onyi Owusoso Akaa kibui odenɔ kinuvɔbe soɔ, kibui gɛ bhɛtɛ wɔ pɛ odzì ebuitinɛ ɔkɔ wɔ tibubu ɔgana tɛyɛyɛkɛŋã nɛ Kristo Yesu abha.

Tito 1:4

Ɛlɔkɔ asɛsɛ wɔ Tito, mɛeyianyɛ gɛ ɔkpasɛ bɔlɔ tɛyɛyɛkɛŋã mɛ, Tibhui bhuibu nɛ̀ ishu yɔyɔ de Owusoso Akaa nɛ̀ Kristo Yesu gɛenu agɛ yɛebu ɔlɔ kɔ.