Timoteo 1 6:5 - Nyangbo New Testament

⁵ nɛ̀ kawlɔ̃akɛ ebui kibe nyia be nɛ banɔ gɛ balɛ ekpeɖekpeɖe mɛ agɛ dalɛ nɛishi, banɔ gɛ bagɛ pɛasɛ eti kibui gbã pɛ abhɛtɛ alɛ asɛ Owusoso Akaa mɛ tɛzazã nu kidzo ɔkɔ ehoeyi tɛmɔmɔ.

Timoteo 1 6:5 Referans Kwoze

Timoteo 2 3:5

babà abhɛtɛ ishu asɛ Owusoso Akaa ibuiɛ kpasɛ alɛ mɛ, pɔ babà shɛnɛ ahɔɛ nɛ kɛlɛ ohumi nɔ shu. Tɛ kpɛ alɛ ɔha.

Petro 2 2:3

Nɛ balɛ awuhũ dzadzã nɛ bɔdɔ̃ shu soɔ, asɛnɛ badɔkasɛ alɛ abalɔkɔ alɛ ɛdzɛdzɛ gɛ bafatɛ zhinì wɔnɔ kpɛ nɔ. Balɛ ɛpɔ bubuɔ dzi po alɛ kukuku, kɛlɛ kɛgɛ bayì alɛ, lɛ nɛ̀ awɔ̃.

Tito 1:11

Kɛlɛ sɛ bakɔ bata atɔ̃, ɔmɔsɛ bezĩ bapãmɛ nɛ̀ bɔdɔ̃ kakasɛ gɛma ɔsɛ bakasɛ ɔkɔ kidzo kpa abha ɔdɔ̃ mɔmɔ.

Timoteo 2 3:8

Asɛ kana gɛ Yane nɛ̀ Yambre alɔɛtití nɛ Moses shuɔ, kana ɛbe banɔ alɛ tsyɛ abalɔɛtití nɛ kibui gbã shu-banɔ gɛ balɛ ekpeɖekpeɖe mɛ agɛ dalɛ, banɔ gɛ bashɛnɛ ahɔɛ nɛ balɛishu nɛ tɛyɛyɛkɛŋã mɛ.

Timoteo 1 6:6

Pɔ Owusoso Akaa mɛ tɛzazã gɛixui anɔ nu kɛdɔ̃ gikpe.

Timoteo 1 3:3

anɔ gɛ agɛ lɔkɔ yɛishu akɔ bunù gbagbla tɛwɔɛwɔɛ, etidzi agbagbà ebui bhɛbhɛtɛ elete pɔ edzì anɔ yɔyɔ, etidzi ebela pɛelete, pɛ adzã kiwuhũ nɛ ehoeyi shu.

Timoteo 1 1:6

Beteli ashɛ nɛ ebui alɛ ede pɛ betsyina avɛ kaɖɔɖɔɖɔ gɛ kesi lulũ nanà ama kalɛishuɔ mɛ.

Kibui Bubú Kasɛ 18:3

Ɔmɔsɛ amadiɛ pete awɔ̃ɛ yɛunuɔ ebuku yɛegugù unuɔ gɛ amɔ edenɔ yɛɔmamɛ dɛdɛ mɛ. Kesiakpa abha ekusiɛ awɔ̃sɔ nɛ̀ adzɛ alɛ, kɛlɛ kesiakpa abha edzinigã bedzi ehoeyielete ɔgana yɛehoeyiudɔ̃ kpekpèɛ gɛzɛ pɔɖiɛ mɛ.”

Yuda 1:11

Aba gagalĩ akɔ alɛ! Balɔkɔ Kain idzoɔ, bebu tɛtsɛɖɛ mɛ avɛ̀ tɛ badɛ mɔ ɛdɔ̃ gɛmɔ tɔɖɔ odenɔ Baalam kesi tata mɛ, beyì alɛ nɛ Korax kititì lɔlɔ mɛ.

Petro 2 2:15

Bashɛ̀ nɛ kidzoɔ gidzì tĩi nabha pɛ betsyina atɔnɔ̃ Balam gɛenu Boa yɛeyianyɛ edzoɔ niede, anɔ gɛ adɛmɛ kɛbhɛ babuia nɛ̀ kɛtakpu mɛ gagalĩ ebui.

Timoteo 1 3:8

Nɛidzo ɛlɛ nabha, ɔhamɛ ɛzãkɔ bhlui eleteɛ tsyɛ, kɛlɛ sɛ bedzi banyɛ gɛ badɛmɛ alɛ ibui, banɔ gɛ baɖɔ kibui gbã, batɛ lɔkɔ ishu ɔkpɛ bunu gbagbla tɛwɔɛwɔɛ mɛ, pɛ batɛ kpatɔnɔ bɔdɔ̃ pɛpɛ gana edzo kpa abha.

Tesalonikanɛ 2 3:6

Mɛadzya alɛ mɔ, nɛ Apalete Yesu Kristo kinyeɛ mɛ, bɔɔkpɛ wɔnɔ ɔsha, sɛ nɔtɛ kpɛ ɔha nɛ adzya ka nyia ka gɛ edzi nɛ ahɔɛkpakpa pɛ atɛa zana ɛkpã nɛ bɔdɔ̃ kakasɛ gɛ nɔyɛkɛ odenɔ bɔlɔ ahɔɛ mɛ shu.

Kibui Bubú Kasɛ 18:13

etuku gɛenu osí huhuhù toli gɛ bekulu asɛ sinamɔn nɛ̀ babɔ̀ huhuhù gɛ basara, pepere, kilifi nɛ̀ ahaliwɔɛ, wain nɛ̀ bɔbɔ́ ŋaŋã, bɔna hɔhɔ nɛ̀ agɔlɛ, banɛtsyɔɛ nɛ̀ ibhoshi, basɔɔ nɛ̀ bapakahu, ɔlɔkɔ plɛnɔ banɔdzyrame nɛ̀ balɛ atɔwuiɛ.

Korintoanɛ 1 11:16

Onupɛ anɔ teli apɛ asɛ tɛ̀ awlɔ̃akɛ kibui ɛlɛ, kibui nanà bha má bɔlɔ nɛ̀ Owusoso Akaa ɔhaa xɔnɔ ahɔɛ bɔɔ bhɛtɛ̀.

Timoteo 1 4:7

Tɛ kpɛ olugbũ nɛ bagɛ ama Owusoso Akaa edeɛ asɛnɛ ebui nanà mɛ, nɛ̀ badzɛ sheshèɛ balɛ ɛdzɛdzɛ tata mɛ, pɔ nyɔnɔ wɔ shu nɛ Owusoso Akaa kidzo nabha.

Timoteo 1 4:8

Ɔmɔsɛ kedzì yɛyɛkɛ tieli idi akpasɛ ishu dzya bɔdɔ̃ kakasɛ mɛ, pɔ Owusoso Akaa mɛ tɛzazã yɛkɛ kedzi ɔkɔ bɔdɔ̃ petee, kɛgɛ nyanã kibuiɛ gɛ batɔɖɔ elu ɔkɔ obo kanɔ alɛ, nɛ̀ kanɔ nɔ gɛ kababa mɛ ovunɔ.