Timoteo 1 6:4 - Nyangbo New Testament

⁴ efeke yɛishu kɛlɛ etielũ kɛnanà esi. Enu anɔ gɛ akpɛ same nɛ ebui wɔawlɔ̃akɛ gɛ kesilulũ nanà ama alɛ shuɔ mɛ, ebela pɛpɛɛ nɛ̀ ebui gɛ la mana kiwuhũ dzadzã, anɔ nyanyana kpɛ ɛyamɛ, anɔ shu zizĩ ebui tɛɖɔɖɔ, kizizĩ tɛlɔlɔkɔ nɛ anɔ shu,

Timoteo 1 6:4 Referans Kwoze

Timoteo 2 2:23

Tɛkpɛ ɔha nɛ̀ bɔga ebui tɛwɔawlɔakɛ, ɔmɔsɛ onyi ɔsɛ lamanà ebelá ebui.

Timoteo 2 3:4

babà kpɛ anɔ ahɔɛ, babà pɛ bɔdɔ̃ ziazia, baba yɛkɛ balɛishu abha aŋã, baba dɛmɛ nɔ nɛ̀ kanɔ mɛ same mɔmɔ ebui ɔdɛ Owusoso Akaa-

Timoteo 1 3:6

Kɛma ɔsɛ tɛ̀ edzi anɔ gɛ etsyina avɔvɔ, onu gɛnɛ ana, ebefeke yɛishu kɛlɛ ebeku kebhu kukulu mɛ asɛ gɛ abosam tsyɛ ezhieku ana.

Yuda 1:10

Pɔ banɔ alɛ xɔnɔ baɖɔ akwalatu ebui alɔɛtití nɛ kibui nɔnɔ gɛ begilũ kɛlɛ esiɛ shu. Asɛ efutumɛ agã gɛ batɛ abhɛtɛ ekpeɖekpeɖe mɛ, ebui nɛ alɛ gɛezĩ alɛ.

Petro 2 2:12

Pɔ banɔ alɛ aaɖɔ atsɔ̃bui nɛ ebui nɔnɔ gɛ̀ begilũ alɛ esi mɛ. Bedzi asɛ kifutù mɛ bagãhoe, gɛ bamɔ alɛ sɛ tɛ̀ bevu alɛ eyí, kɛlɛ balɛ tsyɛ ebetsì asɛ bagãhoe ana.

Timoteo 2 2:14

Zã kɛlɛ abha tɛ ɔzɔ bakà alɛ nɛ̀ ebui alɛ shu. Kpɛ alɛ ɔsha nɛ Owusoso Akaa namɛ nɛ ebelà ebui ɖɔɖɔ shu, gɛ kɛnanà maɛlɛ mɛ, bagɛ elũ ɛlɛ ete kiizĩ.

Yuda 1:16

Banɔ alɛ enù banɔ gɛ̀ bakpɛmɛ ishu pɛ bapɛ̀ kizizĩ nɛ anɔ shu, batɔnɔ balɛ ahɔɛ ebui kpa tɛpɛpɛɛ ede, beetũ ahɔɛ etelũ ɔkɔ balɛishu pɛ beedzyinì banɔ akpɛ̀ akɔ balɛishu tɛpɛpɛ so.

Petro 2 2:18

Pɔ baaɖɔ kɛlɛ́ɛ mɛ ebui alɔkɔ ahɔɛ etũ etelũ nɔ, kɛlɛ balɔkɔ balɛ ishupiɛ nɛ̀ ebui kpa gɛ badɛmɛ nɔ, awɔɛ bagɛ akpɛ esi ebù tɛtsɛɖɛ̀ mɛ ashɛ nɛ bagɛ azanà ɛkpã kpa ɔbha.

Timoteo 1 1:7

Bapɛ asɛ tɛ̀ bedzi ɔshadɔkasɛ, pɔ betinyi kɛnɔnɔ shu gɛ baɖɔaɖɔ alo kɛnɔnɔ abha gɛ batɔɖɔ kɛklagbuɔ.

Timoteo 1 1:4

alo tɛ̀ balɔkɔ ishu ashɔkpɛ asɛnɛ ebui nɛ̀ eshopo tɛshɔshɔrɔ gɛeti beleɛ mɛ. Ebui alɛ amana kawlɔ̃akɛ ebui ɔdɛ Owusoso Akaa kɛxɔ̃ɛ-gɛinu tɛyɛyɛkɛŋã.

Yakobo 1:19

Mɛadzya alɛ gɛ ɛdɛmɛ nɔ, nolu awɔ̃ nɛ̀ ibui ɛlɛ ɔsɛ, anɔ nyia anɔ àhɔa nɛ ibui tilulũ mɛ, tɛ adɔfɔ̃ nɛ kaɖɔ ɖɔɖɔ nɛ̀ ɔmɔpɔɛ kpɛkpɛ mɛ,

Tito 3:9

Pɔ yɔlɔ bɔga ebui wɔawlɔ̃akɛ, eshopo tɛshɔshrɔ nɛ̀ ebela ebui nɛ ɔsha shu ɔzɔ wlɔ̃akɛ, ɔmɔsɛ kɛnanà ma ebui alɛ mɛ kɛlɛ alɛ shu axɔ̃ɛ waɔwɔa nanà tsyɛ ama.

Banɔkpɛkpɛ Axɔ̃ɛ 15:2

Kibui ɛlɛ̀ badzì kawlɔ̃akɛ nɛ̀ ebui mɛ tsatsaɖakɛ nɛ Paulo, Barnaba nɛ̀ banunɔ nɛishi. Kliso bebu Paulo nɛ̀ Barnaba ɔplɛnɔ bayɛyɛkɛŋã teli, asɛ bavɛ Yerusalem tɛ bavɛ adɛmɔ banɔkpɛkpɛ nɛ̀ ɔhamɛ beshesheɛ nɛ kibui ɛlɛ shu.

Kibui Bubú Kasɛ 3:17

Ɔɖɔ ɔsɛ, ‘Inu ehoeyielete, gɛ ɛmɔ ehoeyiudɔ̃ gɛ ɛtɛpɛ ɛdɔ̃ nanà.’ Pɔ ɔgɛmɔ wɔshu ɔsɛ onu ahɔɛ kpaelete, ashagabuielete, etsyuitsyui, awuhũpu nɛ̀ ɛdɔ̃ makpɛ makpɛ nɛishu anɔ.

Tesalonikanɛ 2 2:4

Anɔ alɛ aba lɔɛtití kɛlɛ ebe feke yɛishu nɛ kɛka nyia ka gɛ bekulu sɛ Owusoso Akaa alo pɛ bakpɛ kɛtakpu esi akɔ shu, sɛ tɛ edidzu yɛishu nɛ Owusoso Akaa uvũɔ mɛ asɛ yɛenu Owusoso Akaa.

Koloseanɛ 2:18

Nɔtɛkɔ anɔ nanà gɛ adɛmɛ ezhini ishu esi nɛ asɛnɛ mɛ, pɛ aakpɛ kɛtakpu esi ɔkɔ baxɔ̃ɛdɛ abhɛtɛ akɔ nɔtɛ mɔ kɛbhɛ̃ babuia nɔ. Anɔ alɛ nɛidiɛ anyɔ̃ ebui mɛ nɛ ebuiɛ gɛ amɔ̃ shu, kɛlɛ yɛ ekpeɖekpeɖeɛ gɛ ama ɔfɔfuĩa nɔ mɛ akɔ efeke yɛishu nɛ kɛgɛ ma kɛnanà mɛ shu.

Filipianɛ 2:14

Nɔtɛ bhɛtɛ kibui nanà nɛ ishu kpakpãmɛ alo ebui wɔawlɔ̃akɛ mɛ,

Filipianɛ 2:3

Nɔtɛ bhɛtɛ kibui nanà ɔlɔkɔ pɛ ishu tɛpɛpɛ̃ nɔ, alo ishu fefeke gɛ ma kɛnanà mɛ, pɔ nɔ ozhinì ishu esi, tɛ nɔmɔ babhlatɔ asɛ bapɛ̃ adɛ ɔnɔ shu.

Filipianɛ 1:15

Kibui gbã kinu ɔsɛ, beteli aɖɔ Kristo ibuiɛ nɛ kiwuhũ dzadzã nɛ̀ kabhã wɔawlɔ̃akɛ mɛ, pɔ teli xɔnɔ̃ aɖɔ ɛlɛ ɔganà kibui gbangbã mɛ.

Galatianɛ 6:3

Onupɛ anɔ teli eɖi asɛ enu kɛdɔ̃ tili pɔ ama kɛnanà mɛɛ, ishu yɛawɔɛ.

Galatianɛ 5:26

Nɔtɛ kɔ buzi feke ɔlɔ ishu, tɛ bɔzɛ kpɛ bagɔlɔ ɔmɔpɔɛ nɛ̀ awɔ̃.

Galatianɛ 5:15

Onupɛ nɔ onemì agɔlɔ asɛ tɛ̀ novũ agɔlɔ mɛnɔ ana, nɔoɖi piapii onu gɛnɛ ana, noboyì agɔlɔ.

Korintoanɛ 2 11:20

Nɛ kibui gbã mɛɛ, nɔzã ɔplɛnɔ bagɛ abhɛtɛ wɔnɔ asɛ banɔ dzidziɛ kura tsyɛ, pɛ bedzyinì wɔnɔkpɛ alo pɛ bamɔ̃ kidzo nɛ wɔnɔ shu so, alo pɛ bafala eputɔ pɛ amanà wɔnɔ kɛdɔ nɛ bamɛ.

Korintoanɛ 1 11:18

Putɔ nɔɔ, ilũ ɔsɛ onupɛ nɔba oshogò asɛ ɔhaa ana, ɔtɔbubú ɔkpasɛ wɔnɔɛishi, kɛlɛ nɛ ebuiteli shu soɔ, ɛyɛkɛ kɛlɛ abha ŋã.

Korintoanɛ 1 11:16

Onupɛ anɔ teli apɛ asɛ tɛ̀ awlɔ̃akɛ kibui ɛlɛ, kibui nanà bha má bɔlɔ nɛ̀ Owusoso Akaa ɔhaa xɔnɔ ahɔɛ bɔɔ bhɛtɛ̀.

Korintoanɛ 1 3:18

Nɔtɛ̀ wɔɛ wɔnɔshu. Onupɛ abhɛtɛ wɔnɔ mɛ anɔ teli asɛ enyi kibui nɛ obo kanɔ alɛ mɛ bubutì ulũɔ, etsyina edzì “awɔaga” sɛ tɛ̀ ebedzi ebutinɛ.

Korintoanɛ 1 3:3

Kanɔ mɛ banɔ ete nonu. Gɛ kiwuhũ dzadzã nɛ̀ ebela ebui akpasɛ wɔnɔɛishiɛɛ, kɛlɛ kanɔ mɛ anɔ nonuɔ dza? Nɔtɛ ɔbhɛtɛ ebui ɔmɔ asɛ kanɔ nɔ̀ mɛ banɔ nɔ ete dza?

Romanɛ 14:1

Nɔyɛkɛ anunɔ gɛ yɛtɛyɛyɛkɛŋãa kakpɛ oguɔ tsyɛ ɔkpɛ wɔnɔishi, tɛ nɔtɛ ozokulu ebhu nɛ ebui wawlãkɛ shu.

Romanɛ 13:13

Nɔkɔ bɔzã nɛ ɛkpã gbangbã asɛ kiwui dadalɛ mɛ ana, tɛ bɔta bhɛtɛ agbagbà ebui asɛ bɔmɔ same, tɛ bɔzɛwɔ̃ɛ bunũ tizì buku, tɛ bɔɔbhɛtɛ banyɛ nɛ̀ badzɛ ebui pɛ bɔbaatɛ ishu lu esi. Kɛgɛ pɛ ɔsɛ tɛ bɔɔkpɛ ɔmɔpɔɛ tɛ bɔzɛpɛ ebalá alo tɛ bɔzɛdzã awuhũ nɛ bagɔlɔ shu.

Romanɛ 12:16

Nɔzã nɛ tenikpo bhɛbhɛtɛ mɛ nɛ̀ bagɔlɔ. Nɔtɛ ozofeke ishu, pɔ nɔdɛmɛ tɛ nɔzã tenikpo nɛ̀ bagɛ alɛ wɔnɔ esiɛ. Nɔtɛ ɔlɔkɔ ishu asɛ bebutianɛ nonu.

Romanɛ 2:8

Pɔ bagɛ bapɛ balɛyɛ ete tɛpɛpɛ, pɛ bashɛ nɛ ahɔɛ nɛ kibui gɛlɛ ɛlɛ ɔzãkɔ shu pɛ balɛ ebui kpa edeɛ, batɔ̃ pɔpɔ̃ gagalĩi nɛ̀ ɔmɔpɔɛ ɔlɛ ɔkɔ alɛ.

Banɔkpɛkpɛ Axɔ̃ɛ 18:15

Pɔ gɛ kinu kibui gɛ kɛkpà ɔplɛnɔ ebui, enyè nɛ̀ wɔnɔ ɔsha shu soɔ, nowoese wɔnɔ ahɔɛ ibui, itɛbadzi anɔ gɛ ɛbakulu kebhu nɛ ebui alɛ nɛidi shu.”

Banɔkpɛkpɛ Axɔ̃ɛ 8:9

Nɛ kibè tilì anyɛ teli gɛ bezekulu asɛ Simon, edzì ehuinɛ gɛ kɛkɔ ɔsɛ kɛbhɛtɛ Samarianɛ pete ibi. Efeke yɛishu asɛ anɔ gbagbla teli idì yɛenu,