Bib sou entènèt

Timoteo 1 6:20 - Nyangbo New Testament

²⁰ Timoteo, balɛ gɛdɔɔ gɛ balɔkɔ akpɛ wɔahɔɛ piapii lo. Tsyina ɔshɛ nɛ ebui ɖɔɖɔ nɔnɔ gɛ lagɛ kpaplɛnɔ Owusoso Akaa, nɛ̀ kititì lɔlɔ ebui gɛenu asɛnɛ ebui gɛ baɖɔ asɛ alɛ enu kibui titìɛ shu,

Gade chapit la Kopi

tounen moute ⬆

Timoteo 1 6:20
30 Referans Kwoze

Koloseanɛ 2:8

Nɔoɖi ɛlɛ ɔkɔ sɛ ananà agɛmɔ idzo nanà pɛ alɔkɔ asɛnɛ bubuti ebui alɔkɔ awɔɛ wɔnɔ nɔ, ebui gɛ lakpà plɛnɔ banɔdzyrame ɛkɔɔ nɛ̀ kanɔ mɛ ɛkpã zazãna ebui ɔdɛ Kritoɔ.

Timoteo 2 2:16

Yɔlɔ kaɖɔɔ gɛetinu Owusoso Akaa shu ebuiɛ tɛɖɔɖɔ, ɔmɔsɛ banɔ nɔ gɛ balɔkɔ ishu akpɛ kaɖɔ alɛ nɛidi mɛɛ, bebe zĩ atɔɖɔ adɛ nɛ Owusoso Akaa shu.

Koloseanɛ 2:18

Nɔtɛkɔ anɔ nanà gɛ adɛmɛ ezhini ishu esi nɛ asɛnɛ mɛ, pɛ aakpɛ kɛtakpu esi ɔkɔ baxɔ̃ɛdɛ abhɛtɛ akɔ nɔtɛ mɔ kɛbhɛ̃ babuia nɔ. Anɔ alɛ nɛidiɛ anyɔ̃ ebui mɛ nɛ ebuiɛ gɛ amɔ̃ shu, kɛlɛ yɛ ekpeɖekpeɖeɛ gɛ ama ɔfɔfuĩa nɔ mɛ akɔ efeke yɛishu nɛ kɛgɛ ma kɛnanà mɛ shu.

Romanɛ 3:2

Ebuiɛ gɛ bamɔɔ, lekpè! Kɛgi putɔ ɔkɔ alɛ onu ɔsɛ, Yudanɛ ahɔɛ mɛ Owusoso Akaa alɔkɔ yɛebuiɛ akpɛ.

Timoteo 1 6:14

ɔsɛ tɛ ɔnyana ɔsha mɛ ovunɔ tɛ kihututũ alo kɛpɔ bubu nanà tɛ ba kɔ wɔ ɔvɛnɔ kibeɛ gɛ Apalete Yesu Kristo ebetsyina aba,

Tesalonikanɛ 2 2:15

Klisoɔ, mɛadzya alɛ mɔ, nɔzã gagalĩi nɛ bɔdɔ̃ kakasɛ gɛ bɔlɔkɔ kpɛ wɔnɔ ahɔɛ mɛ, onupɛ kizidzì olugbũ mɛibui alo keplukpa fɔfɔnɔ mɛ tsyɛ.

Tito 3:9

Pɔ yɔlɔ bɔga ebui wɔawlɔ̃akɛ, eshopo tɛshɔshrɔ nɛ̀ ebela ebui nɛ ɔsha shu ɔzɔ wlɔ̃akɛ, ɔmɔsɛ kɛnanà ma ebui alɛ mɛ kɛlɛ alɛ shu axɔ̃ɛ waɔwɔa nanà tsyɛ ama.

Timoteo 2 2:1

Wɔ, mɛeyianyɛ, zã gagalĩi nɛ tibhui bhuibuɔ gɛ kpasɛ Kristo Yesuɔ mɛ.

Timoteo 1 1:11

ɔsha gɛ lɔbhɛtɛ tenikpo nɛ̀ Owusoso Akaa gɛ beyulà yɛibui gbangbã, kibui gɛ alɔkɔ akpɛ mahɔɛ mɛ.

Tesalonikanɛ 2 1:4

Klisoɔ, nɛ Owusoso Akaa ɔhaa nɛishiɛ, butũ ahɔɛ nɛitélũ nɛ kana gɛ nɔkpɛ kemi nɛ wɔnɔ tɛyɛyɛkɛŋã, kede tɛtɔtɔnɔ nɛ̀ tifefekeɖiɛ gɛ nɔkpɛ emi ɔkɔ.

Tito 1:14

tɛ batɛ taatɔ̃ nɛ̀ Yudanɛ asɛnɛ ebuiɛ, alo bagɛ atɛapɛ kibui gbã asɛ elũɔ ɔsha.

Tito 1:9

Kɛlɛ sɛ anyana kibuiɛ gɛ lɛ ɛlɛ ɔzãkɔ pɛ balɔkɔ akpɛ yɛahɔɛ mɛ ovunɔ gagalĩ asɛ gɛ bakasɛ yɛana, sɛ tɛ alà akpɛ bagɔgɔɛ nɔ emi nɛ̀ bɔdɔ̃ kakasɛ piapi tɛ etilũ bagɛ balɔ kititì nɛishuɔ atɔ̃.

Timoteo 1 6:11

Pɔ wɔ, Owusoso Akaa anɔ, bu tɛtsɛɖɛ mɛ ɔshɛ nɛ ebui alɛ petee shu, tɛ ɔtɔnɔ ebui gbangbã tɛbhɛbhɛtɛ, Owusoso Akaa mɛ tɛzazã, tɛyɛyɛkɛŋã, tɛdɛdɛmɛ nɔ, kemikpɛkpɛ nɛ̀ anɔ yɔyɔ tidzidzi ede.

Timoteo 1 4:7

Tɛ kpɛ olugbũ nɛ bagɛ ama Owusoso Akaa edeɛ asɛnɛ ebui nanà mɛ, nɛ̀ badzɛ sheshèɛ balɛ ɛdzɛdzɛ tata mɛ, pɔ nyɔnɔ wɔ shu nɛ Owusoso Akaa kidzo nabha.

Timoteo 1 1:6

Beteli ashɛ nɛ ebui alɛ ede pɛ betsyina avɛ kaɖɔɖɔɖɔ gɛ kesi lulũ nanà ama kalɛishuɔ mɛ.

Timoteo 1 1:4

alo tɛ̀ balɔkɔ ishu ashɔkpɛ asɛnɛ ebui nɛ̀ eshopo tɛshɔshɔrɔ gɛeti beleɛ mɛ. Ebui alɛ amana kawlɔ̃akɛ ebui ɔdɛ Owusoso Akaa kɛxɔ̃ɛ-gɛinu tɛyɛyɛkɛŋã.

Korintoanɛ 1 3:19

Ɔmɔsɛ kanɔ mɛ bubuti ɛlɛ nu bɔga dɔdɔ nɛ Owusoso Akaa namɛ. Asɛ gɛ bafɔnɔ elú asɛ, “Eevũ bagɛ eɖi asɛ benyi kibuiɛ nɛ balɛ bɔshɛ̃ ebui bhɛbhɛtɛ mɛ”

Banɔkpɛkpɛ Axɔ̃ɛ 17:21

(Atenanɛ nɛ̀ befùɔ petee gɛ azã ɛkɛlɛ agɛza lɔkɔ balɛ kibeɛ abhɛtɛ kɛnanà nɔ ɔdɛ tɛ̀ baɖɔaɖɔ tɛ̀ bataatɔ̃ nɔ nɛ̀ ebuivɔvɔ alɛ gɛ beluɔ.)

Banɔkpɛkpɛ Axɔ̃ɛ 17:18

Epikoroanɛ teli gɛ beshogò ishu ɔplɛnɔ Stoanɛ teli gɛenu bebutìnɛ abakpà kibui wlɔãkɛ nɛ̀ Paulo. Balɛ mɛ beteli ezebisi yɛasɛ, “Kinuvɔ ibui ɖuwoe idi yɛaɖɔ ana?” Bagɔgɔɔ tsyɛ aɖɔ asɛ, “Abhɛtɛ asɛ aɖɔaɖɔ tɛ alɔkɔ ebu amadi bhlatɔ ibudi ulũ nɔ.” Baɖɔ kibui ɛlɛ ɔmɔsɛ Paulo azaɖɔ kibui gbangbã nɛ Yesu shu, nɛ̀ tɛlɔlɔ odenɔ bekpuɔ mɛ shu.

Kibui Bubú Kasɛ 3:3

Kliso bakà kɛgɛ olũ pɛ ɔyɛkɛɛ, lũ atɔ̃ ɔkɔ ɛlɛ tɛ otsyina itú mɛ. Pɔ ɔgɛ nyɛmɛɛ, ɛbàba asɛ ezĩ ana, kɛlɛ oti botì kibeɛ gɛ ɛbaba yi nɛ̀ wɔɔ.

Tito 1:4

Ɛlɔkɔ asɛsɛ wɔ Tito, mɛeyianyɛ gɛ ɔkpasɛ bɔlɔ tɛyɛyɛkɛŋã mɛ, Tibhui bhuibu nɛ̀ ishu yɔyɔ de Owusoso Akaa nɛ̀ Kristo Yesu gɛenu agɛ yɛebu ɔlɔ kɔ.

Korintoanɛ 1 2:6

Bɔkaaɖɔ bubuti ebui alɛ nɛ bagɛ batɛ kpɛ iguɔ nɛishi, pɔ gɛnɛ obo kanɔ alɛ mɛ bubuti alo bagɛ baaŋã bukusì nɛ kalɛ mɛ, gɛ beti bedzi kɛdɔ̃ nanà.

Romanɛ 1:22

Beɖi asɛ bebuitinɛ benu, pɔ bebedzi baga,

Banɔkpɛkpɛ Axɔ̃ɛ 16:1

Paulo agã edikoeyi nɛ Derbe nɛ̀ Listra, ɛkɛlɛ adɔkpasɛanɛ teli gɛ bezekulu asɛ Timoteo azã, anɔ gɛ yɛelĩ enu Yudadzi nɛ̀ anɔ gɛ ayɛyɛkɛŋã, pɔ yɛakaa edzi Helanɔ.

Timoteo 1 1:2

Mɛ sɛsɛ Timoteo mɛeyianyɛ gɛ akpasɛ tɛyɛyɛkɛŋã mɛ keplukpa alɛ, Tibhui bhuibu, ashagabui ɖiɖi nɛ̀ ishu yɔyɔ de Owusoso Akaa nɛ̀ Kristo Yesu bɔlɔ Apaleteɛ ɔkɔ.

Timoteo 1 1:9

Bunyi tsyɛ sɛ, bagɛ bhɛtɛ ɔsha akɔ banɔ dadalɛ pɔ babhɛtɛ ɔlɛ akɔ bagɛ betso ɔsha nɛ̀ batɔ̃mɛ gagalĩ eleteɛ. Bagɛ betinyi Owusoso Akaa nɛ̀ ebui kpa bhɛbhɛtɛ eleteɛ, bagɛ balɛishu gɛdalɛ nɛ̀ bagɛ batɛ akpɛ ketakpu esiɛ, lɔlɛ ɔkɔ bagɛ eyí balɛ akaalɛ alo balɛ elĩ alɛ, lɔlɛ ɔkɔ bagɛ eyi anɔ,

Swiv nou:

Lyen patwone

Piblisite

Piblisite