Timoteo 1 6:17 - Nyangbo New Testament

¹⁷ Kpɛ obo kanɔ alɛ mɛ ehoeyi eleteɛ ɔsha tɛ betifeke ishu alo tɛ balɔkɔ otugbà mɛ tiɖiɖiɛ atɔɖɔ ehoeyi mɔmɔ abha, gɛ betinyi kɛgɛ baba, pɔ balɔkɔ balɛ otugbà mɛ tiɖiɖiɛ atɔɖɔ Owusoso Akaa nabha, anɔ gɛ yɛakɔ bɔlɔ ehoeyi nɛ̀ kɛka nyia ka ɔkɔ bɔlɔ samɛ mɔmɔ.

Timoteo 1 6:17 Referans Kwoze

Banɔkpɛkpɛ Axɔ̃ɛ 14:17

Pɔ ebui gbangbã gɛ abhɛtɛ aɖɔaɖɔ nɛishu. Abhɛtɛ ɛyamɛ gbangbã, gɛ akɔ subha adɔ edenɔ kititíɛ kɛlɛ bɔŋaŋã ba nɛ bɔlɛ kibe. Akɔ bɔlɔ kɛŋaŋã kpekpè kɛlɛ akɔ same mɔmɔ aba bɔlɔ etúɔ mɛ.”

Timoteo 1 4:10

(ɔmɔsɛ kibui ɛlɛ shu bɔmɔ̃ bɔtɔ pɛ wlɔãkɛ ɔkɔ), sɛ bɔlɔkɔ bɔlɔ otugbà mɛ ɖiɖiɛ ɔkpɛ Owusoso Akaa enunuɔ ahɔɛ mɛ, anɔ gɛ yɛebu banunɔ petee nɛ butsi mɛ, asɛ bɔnɔ nɔ̀ gɛ bayɛkɛ aŋã ana.

Tito 2:12

Kɛkasɛ ɔlɔ sɛ bɔɖɔ sɛ, “Ao” nɛ kɛgɛ gɛ kpaplɛnɔ Owusoso Akaa pɛ kinu kanɔ mɛ ebui tɛpɛpɛ shu, nɛ tɛ̀ bɔŋã bɔlɔ shu abha, bɔɖɔ olugbũ tonikpo tɛ bɔzana ɛkpã ɔkɔ Owusoso Akaa nɛ obo kanɔ alɛ mɛ,

Koloseanɛ 3:16

Nɔkɔ Kristo ibuiɛ zã wɔnɔ mɛ nɛ kedzi yɛyɛkɛ mɛ nɛ kibeɛ gɛ nɔkasɛ ɔdɔ̃ pɛ nohu buluhũ ɔkɔ agɔlɔ nɛ bubutì petee mɛ, nɛ kibeɛ gɛ nɔɔkalà ɛdzɛ zhazhã eplukpa pɛ nɔzhã ɛfɔfuĩa mɛ ɛdzɛɛ nɛ̀ ahɔɛhuhu nɛ wɔnɔ etúɔ mɛ ɔkɔ Owusoso Akaa.

Romanɛ 11:20

Kɛlɛ kɛlɛ́ mɛ. Pɔ bebhui bɔshɛ nɔ atsɛ ɔmɔsɛ bagɛ yɛkɛ aŋã, wɔ xɔnɔ wɔ tɛyɛyɛkɛŋã so pɛ bayɛkɛ wɔedzu. Tɛofeke ishu, kɔ kifu pɔ zã wɔ mɛ.

Timoteo 2 4:10

Dema xɔnɔ gɛ adɛmɛnɔ nɛ̀ kanɔ alɛ mɛ soɔ, ashɛ ayɔlɔ mɛ avɛ Tesalonika. Kreske tsyɛ avɛ Galatia, kɛlɛ Tito tsyɛ avɛ Dalmatia.

Timoteo 1 6:13

Nɛ Owusoso Akaa namɛɛ, anɔ gɛ yɛakɔ kɛdɔ̃ ka nyia ka ɛkpã, nɛ̀ Kristo Yesu, anɔ gɛ nɛ kibeɛ gɛ adalɛ kibuiɛ mɛ nɛ Pontio Pilatoɔ amɛ, adalɛ kibui mɛ piapii, gɛ kɛlɛ mɛlɔkɔ kpɛ wɔahɔɛ

Timoteo 1 1:3

Asɛ kana gɛ ɛkpalà wɔ nɛ kibeɛ gɛ ɛvɛ Makedonia nɔ, zã Efesoɔ tɛ̀ ɔkpɛ ɔsha ɔkɔ banɔ nɔ teli, sɛ batɛ zakasɛ asɛnɛ bɔdɔ̃

Tesalonikanɛ 1 1:9

ɔmɔsɛ batɛɖɔ kɛlɛ nɛ balɛishu ahɔɛ mɛ nɛ kana gɛ nɔyɛkɛ bɔlɔ shu. Betseɖe bɔlɔ nɛ kana gɛ notsyina odenɔ ibudiɛ ɔkɔ pɛ nɔba ɔsɛ tɛ nɔkpɛ kɛtakpu esi ɔkɔ Owusoso Akaa gbangbã gɛ alɛ nɛ ɛkpãa pɛ enu enunuɔ,

Efesoanɛ 5:5

Nɛ kibui ɛlɛ shuɔɔ, nɔ ɔbɔ ɔtɔɖɔ ahɔɛ nɛ ɛlɛ abha ɔsɛ, ɔmamɛ dɛdɛ, ishu madalɛ madalɛ alo anɔ gɛ apɛɛ ɛdɔ̃ akɔ yɛ ete shu, anɔ alɛ nɛidi enu obudi elete, kɛlɛ atɛ bamɔ kaŋãsiɛ galɛ Kristo nɛ̀ Owusoso Akaa bukusi ɔŋãkɔ mɛ.

Banɔkpɛkpɛ Axɔ̃ɛ 17:25

Kɛlɛ gɛnɛ anɔdzyrame ahɔɛ balɔkɔ akpɛ kɛtakpu esi akɔɛ nɔ, asɛ gɛ onupɛ apɛ kɛdɔ̃ tili ana, ɔmɔsɛ yɛakɔ banɔdzyrameɛ petee ɛkpã, ɔfɔfuĩa nɛ̀ kɛka nyia ka.

Banɔkpɛkpɛ Axɔ̃ɛ 14:27

Gɛ bediku Antioxia nɔ, beshogo ɔha kɛlɛ bakɔ alɛ tititì nɛ ebuiɛ gɛ Owusoso Akaa abhɛtɛ aganà balɛ abha, nɛ̀ kana gɛ adalɛ idzo akɔ tɛyɛyɛkɛŋã ɔkɔ bagɛ etinu Yudanɛ.

Tito 3:6

ɔfɔfuĩa nɔ gɛ alɔkɔ ɛyamɛ gbangbã abalɛ̀ bɔlɔ abha ɔgana Yesu Kristoɔ gɛ ebu ɔlɔ nabha,

Timoteo 1 5:21

Ɛlɛkɔ ɛlɛ kpɛ wɔahɔɛ sɛ, nɛ Owusoso Akaa nɛ̀ Kristo Yesu nɛ̀ baxɔ̃ɛdɛ namɛɛ, tɛ ɔnyana ebui alɛ mɛ ovunɔ banɔ amɛ maɖi maɖi, kɛlɛ tɛbhɛtɛ kɛnanà tsyɛ ɔlɔkɔ oku banɔ awɔ̃ nɔ.

Timoteo 1 3:15

onupɛ ɛbawɔ kideɛ, obotì kana gɛ kɛlɛ sɛ anɔ azã nɛ̀ ɛkpã nɛ Owusoso Akaa bɔpã mɛ, ɔhaa gɛenu Owusoso Akaa enunuɔ ɔyɛ, kɛgɛ inu bubhi asha, nɛ̀ buvũ esi kpɛkpɛ ɛklagbuɔ ɔkɔ kibui gbã.

Timoteo 1 6:9

Banɔ gɛ bapɛ asɛ tɛ bamɔ ehoeyiɛ, bezhieku tifefekeɖi nɛ̀ kɛgbã dɔdɔ mɛ nɛ bɔga dɔdɔ ebui, nɛ̀ ebui kpa gɛ lagbana anɔ kpɛ kizizĩ nɛ̀ butsi mɛ.

Petro 2 1:11

kɛlɛ nɔbɔ mɔ tɛtsyatyanà gbangbã otsoku ɔlɔ Apalete Yesu Kristoɔ gɛ ebu ɔlɔ yɛukusi ŋaŋã tihɔɔ nɔ mɛ.