Timoteo 1 6:14 - Nyangbo New Testament

¹⁴ ɔsɛ tɛ ɔnyana ɔsha mɛ ovunɔ tɛ kihututũ alo kɛpɔ bubu nanà tɛ ba kɔ wɔ ɔvɛnɔ kibeɛ gɛ Apalete Yesu Kristo ebetsyina aba,

Timoteo 1 6:14 Referans Kwoze

Petro 2 3:14

Klisoɔ, mɛ ɔbhialɛ gɛ ɛdɛmɛ nɔ, gɛ nɔoɖì idzomɛ ɔkɔ ebui ɛlɛ soɔ, nɔbhɛtɛ kɛka nyia ka gɛ nɔbɔlà tɛ̀ batɛ mɔ kibò nɛ̀ bamɛtsitsí ibui nanà nɛ wɔnɔ shu, tɛ̀ nɔzã nɛ ishu yɔyɔ mɛ ɔplɛnii.

Petro 1 1:7

Ebui alɛ aba ɛlɛ mɛ ana sɛ tɛ̀ wɔnɔ tɛyɛyɛkɛŋã, gɛ kigbogbolo ɔdɛ sikãɛkpã gɛ bazĩ, gɛ balɔkɔ kifù adalɛ ɛlɛ shu nɔ pɔ flogo. Tɛ babhɛtɛ ɛlɛ kidzi kibui ɛgbã gɛ babakpɛ ɛlɛ inye nɛitití, pɛ ishu dadalɛ nɛ̀ inyè gbangbã tsyɛ bazã ɛlɛ shu gɛ onupɛ Yesu Kristo ebekoeyìɛ.

Tesalonikanɛ 1 5:23

Owusoso Akaa, yɛahɔɛ ishu yɔyɔ, dalɛ wɔnɔ shu tɛ̀ edzinɔ adalɛ. Tɛ̀ Wɔnɔ ɔfɔfuĩa nɔ petee, kɛtɔwuiɛ nɛ̀ ishudzyaa zã kɛpɔ mabu mabu nɛ Apalete Yesu Kristo tɛbabaa shu.

Yuda 1:24

Ishu dadalɛ ɔkɔ anunɔ gɛ yɛakɔ asɛ tɛ̀ nɔtɛ dɔ oboe, sɛ tɛ̀ alɔkɔ ɔnɔ elù anɔ dadalɛ amɛ tɛ̀ kibui kpa tɛzã wɔnɔ shu pɔ nɛ same mɛɛ,

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.

Tito 2:13

nɛ kibeɛ gɛ buɖi kidzo mɛ ɔkɔ tiyuyula gɛ buɖi kidzo mɛ ɔkɔɔ, nɛ kibeɛ gɛ bupo tiyuyula ɛwuiɛ gɛ buɖi kidzo mɛ ɔkɔ nɛ Owusoso Akaa gbagbla yɛ tɛdadalɛ nɛ̀ Yesu Kristo gɛ ebu ɔlɔ tɛbaba nabha,

Kibui Bubú Kasɛ 1:7

Noɖio abà nɛ̀ ɔmɔlɔ̃, kɛlɛ kiwuhũ ka nyia ka bamɔɛ, bagɛ bashɔɛ nɛ̀ bɔɖadɔ̃ tsyɛ abamɔɛ, yɛ soɔ, kanɔmanɛ pete abamɔ̃ ɔwɔ̃nyɔnɔ. Kana kɛbàba ɛlɛ mɛ! Amen.

Hebrianɛ 9:14

Kiɖuwoe gɛ bakɔ ɔsɛ, Kristo gɛ agã Ɔfɔfuĩa tihɔɔ nɔ mɛ pɛ alɔkɔ yɛishu akɔ, pɛ bamɛ tsitsí nanà ma yɛishu nɛ Owusoso Akaa na mɛɛ, atɛ alà akɔ asɛ yɛdzyosu nɔ eplu bɔlɔ etú mɛ ebui kpa gɛ lagbana ɔlɔ akpɛ butsí mɛɛ, sɛ tɛ bɔmɔ idzo dɛ axɔ̃ɛ ɔkɔ Owusoso Akaa gɛenu enunuɔ mɔɔ dza!

Timoteo 2 4:1

Nɛ Owusoso Akaa nɛ̀ Kristo Yesu amɛɛ, anunɔ gɛ yɛebè kulu kebhu nɛ̀ bagɛ alɛ nɛkpã nɛ betsitsiɛ, kɛlɛ nɛ yɛ tɛbaba nɛ yɛikusi ɔŋãkɔɔ, ɛkɔ wɔ ɔsha ɔlɛ sɛ,

Tesalonikanɛ 2 2:8

Kɛlɛ bebèbu kɛtakpu mɛ gagalĩ eleteɛ akasɛ, anunɔ gɛ Apalete Yesu abalɔkɔ yɛolugbũ mɛ ɛlɛɛ́ nɔ atsɛ yɛ atɛɛ niegbu nabha kɛlɛ abalɔkɔ yɛ titsetséɛ nɛ yɛ tɛbaba mɛ eyii nɔ.

Koloseanɛ 4:17

Nɔotseɖe Akipo ɔsɛ, “Ɖi ɛlɛ ɔkɔ ɔsɛ ɔwɔa kɛxɔ̃ɛ gɛ ɔyɛkɛ odenɔ Apaleteɛ ɔkɔ obeke.”

Koloseanɛ 1:22

Pɔ otsiɛ xɔnɔ, abhɛtɛ̀ ɔnɔ tenikpo nɛ̀ Kristo ishudzya ɔganà butsi mɛ, tɛ̀ abhɛtɛ wɔnɔ ishu lɛ dalɛ nɛ yɛamɛ, tɛ̀ batɛmɔ kihututũ nanà nɛ ɔnɔ shu tɛ̀ noboli odenɔ kɛpɔ bubu mɛ,

Filipianɛ 1:10

sɛ tɛ nɔlà mɔ kɛgɛ pɛ̃ɔdɛ pɛ kɛlɛishu dalɛ pɛ bamɛ tsitsí ama ɛlɛ shu ɔvɛnɔ Kristo yɛiwuiɛ nabha.

Korintoanɛ 1 1:8

Abakɔ nɔzã gagalĩ ɔvɛnɔ kiwui gɔgɔ nabha, kɛba kɔsɛ nɔtɛ bɔmɔ bamɛ tsitsí nɛ bɔlɔ Apalete Yesu Kristo yɛiwui nabha.

Yohanes 1 3:2

Mɛadzya alɛ gɛ ɛdɛmɛ nɔɔ, otsi alɛ bunu Owusoso Akaa yɛeyi alɛ, kɛlɛ bekebu kɛgɛ bɔbà dziɛ kasɛ. Pɔ bunyi sɛ onupɛ ebekoeyìɛ, bɔbà zã asɛ yɛanà, ɔmɔsɛ bɔbà mɔ yɛ asɛ kana gɛ alɛɛ ana.

Petro 1 1:19

Pɔ nɛ Kristo dzyosu dadalɛ gɛenu obhoshi eyiɛ gɛ ɔkɔ nanà ogizĩ nɛ ɔlɛ shuɔ mɛ.

Timoteo 1 6:20

Timoteo, balɛ gɛdɔɔ gɛ balɔkɔ akpɛ wɔahɔɛ piapii lo. Tsyina ɔshɛ nɛ ebui ɖɔɖɔ nɔnɔ gɛ lagɛ kpaplɛnɔ Owusoso Akaa, nɛ̀ kititì lɔlɔ ebui gɛenu asɛnɛ ebui gɛ baɖɔ asɛ alɛ enu kibui titìɛ shu,

Tesalonikanɛ 2 2:1

Nɛ Apalete Yesu tɛbaba nɛ̀ bɔlɔ tishoshogò nɛ̀ yɛishuɔ, bubisi wɔnɔ, badzya,

Tesalonikanɛ 1 3:13

Tɛ̀ Yesu akpɛ wɔnɔ etúɔ ohumi sɛ tɛ betibu wɔnɔɛpɔ tɛ wɔnɔ shu dalɛ nɛ Owusoso Akaa namɛ gɛ onupɛ bɔlɔ Apalete Yesu aba nɛ yɛ̀ banɔ dadalɛ petee.

Filipianɛ 2:15

sɛ tɛ batɛmɔ bamɛ tsitsí nanà nɛ ɔnɔ shu, pɔ tɛ wɔnɔ shu dalɛ asɛ Owusoso Akaa yɛeyi alɛ gɛ batɛ amɔ kibui zizĩ nɛ ɔnɔ shu, nɛ obo kanɔ kɔklɔ̃ nɛ̀ ebui kpa bhɛbhɛtɛ alɛ mɛ gɛ wɔnɔ xɔnɔ̃ otsè asɛ awɔ̃ɛɛ gɛ alɛ kititiɛ ana,

Filipianɛ 1:6

gɛ ilù awɔ̃ nɛ ibui ɛlɛ abha soɔ, inyi sɛ anunɔ gɛ yɛakpɛ kɛxɔ̃ɛ gbangbã tɛwɔawɔa esi nɛ ɔnɔ, abavɛ ɛlɛ abha ɔdɛ tɔ̃ nɛ Kristo Yesu kiwui nabha.

Efesoanɛ 5:27

sɛ tɛ alɔkɔ ɔlɛ akɔ yɛishu asɛ ɔha gɛ lootséɛ, tɛ kibo, ishupi bɔbɔlɔ alo kihututũ nanà tɛzã ɔlɛ shu, pɔ tɛ lɔdalɛ tɛ batɛ mɔ bamɛ tsitsí nana nɛ ɔlɛ shu.

Petro 2 2:21

Kɛtapɛ̃ ɔkɔ alɛ ɔdɛ sɛ begitì edzo dadalɛ, ɔdɛ sɛ betì ɛlɛ pɛ bewlui tsyina ede kpɛ ɔsha dadalɛ gɛ bakɔ alɛ.

Petro 2 3:2

Ɛpɛ ɔsɛ nɔ bakà ebuiɛ gɛ ebuiɖɔluanɔ dadalɛ aɖɔ elù aba falanɔ nɛ̀ ɔsha gɛ bɔlɔ Apaleteɛ gɛ ebu ɔlɔ akɔ ɔlɔ ɔganà wɔnɔ banɔkpɛkpɛ nabha.