Timoteo 1 6:11 - Nyangbo New Testament

¹¹ Pɔ wɔ, Owusoso Akaa anɔ, bu tɛtsɛɖɛ mɛ ɔshɛ nɛ ebui alɛ petee shu, tɛ ɔtɔnɔ ebui gbangbã tɛbhɛbhɛtɛ, Owusoso Akaa mɛ tɛzazã, tɛyɛyɛkɛŋã, tɛdɛdɛmɛ nɔ, kemikpɛkpɛ nɛ̀ anɔ yɔyɔ tidzidzi ede.

Timoteo 1 6:11 Referans Kwoze

Timoteo 2 2:22

Bu tɛtsɛɖɛ mɛ ɔshɛ nɛ bɔyisɔ̃ mɛ ebui zizĩ tɛpɛpɛ shu, tɛ ɔtɔnɔ ebuiɛ gɛ alɛishu adalɛ, gɛenu tɛyɛyɛkɛŋã, tɛdɛdɛmɛ nɔ nɛ̀ ishu yɔyɔ ede, ɔlɔkɔ plɛnɔ bagɛ bekulu Apaleteɛ odenɔ kitúɔ gɛ dalɛ mɛ.

Timoteo 2 3:17

sɛ tɛ Owusoso Akaa anunɔ abalɔkɔ ɛlɛ epo yɛishu nɔ ɔkɔ kɛxɔ̃ɛ wɔawɔa gbangbã ka nyia ka ɛdi.

Timoteo 1 4:12

Tɛkɔ ɔsɛ ananà eɖi wɔ asɛ anuvɔ wɔonu so, pɔ kpɛ kibui tili olu ɔgana kaɖɔ ɖɔɖɔ mɛ, nɛ wɔɛkpã mɛ, wɔtɛdɛdɛmɛ nɛ̀ anɔ, nɛ tɛyɛyɛkɛŋã nɛ̀ ɛkpã dadalɛ mɛ.

Hebrianɛ 12:14

Nɔgã idzo ka nyia ka abha tɛ nɔzã nɛ ishu yɔyɔ mɛ nɛ̀ anɔ ka nyia ka tɛ wɔnɔ shu dalɛ, ɔmɔsɛ onu anɛ tɛdadalɛ mɛɛ, anɔ nanà atɛ balà amɔ Apaleteɛ.

Korintoanɛ 1 10:14

Klisoɔ mɛɔbhia alɛ, nɔobu tɛtsɛɖɛmɛ nɛ ibudi ebui shu.

Petro 1 3:11

Kɛlɛ sɛ etsyinà edenɔ kibui kpa shu tɛ̀ abhɛtɛ kɛgbangbã, kɛlɛ sɛ apɛɛ ishu yɔyɔ tɛ abhɛtɛ ɛlɛ abha.

Korintoanɛ 1 6:18

Nɔobu tɛtsɛɖɛ mɛ ɔshɛ nɛ kɛgɔlɔ ŋaŋã ebui shu. Ebui kpa ka nyia ka gɛ anɔ abhɛtɛ, abhɛtɛ alɛ nɛ ishupi niede, pɔ anunɔ gɛ abhɛtɛ kibui kpa odenɔ kɛgɔlɔ ŋaŋã mɛɛ xɔnɔɔ, abhɛtɛ kibui kpa nɛ yɛahɔɛ ishudzya shu.

Timoteo 1 5:10

pɛ benyi yɛ piapii ɔkɔ yɛ ebui gbangbã tɛbhɛbhɛtɛ, asɛ beyi abha tiɖiɖi ana, asɛ beefu tɛyɛyɛkɛ, anɔ gɛ eplu bɔtsɛɖɛkpɔ akɔ banɔ dadalɛ, anɔ gɛ aplɛnɔ bagɛ beku kibui mɛ pɛ alɔkɔ yɛishu akpɛ ebui gbangbã ka nyia ka tɛbhɛbhɛtɛ mɛ.

Korintoanɛ 1 14:1

Nɔtɔnɔ tɛdɛdɛmɛ nɔ kidzoɔ ede gagalĩ, tɛ̀ nɔpɛ ɔfɔfuĩa mɛ bɔdɔ̃ kɔkɔ, asɛ kibuiɖɔlu bɔdɔ̃ kɔkɔ ana.

Romanɛ 14:19

Kliso nɔkɔ bɔkpɛ emi tɛ bɔbhɛtɛ kɛgɛ bamana ishu yɔyɔɔ, tɛ bɔbhɛtɛ ebuiɛ gɛ bɔba lɔkɔ kpɛ bagɔlɔ ohumi nɔɔ nɔ̀.

Timoteo 1 6:20

Timoteo, balɛ gɛdɔɔ gɛ balɔkɔ akpɛ wɔahɔɛ piapii lo. Tsyina ɔshɛ nɛ ebui ɖɔɖɔ nɔnɔ gɛ lagɛ kpaplɛnɔ Owusoso Akaa, nɛ̀ kititì lɔlɔ ebui gɛenu asɛnɛ ebui gɛ baɖɔ asɛ alɛ enu kibui titìɛ shu,

Timoteo 1 1:14

Apaleteɛ akɔ mɛ yɛ tibhui bhuibuɔ nɛ tikpekpe mɛ, ɔlɔkɔ plɛnɔ tɛyɛyɛkɛŋã nɛ̀ tɛdɛdɛmɛ nɔ gɛ kɛkpasɛ Kristo Yesu mɛ.

Timoteo 2 2:21

Onupɛ anɔ teli eplu yɛishu edenɔ ebui kukuɔ mɛɛ, ebedzi anɔ gɛ abazã akɔ ebui piapii, gɛ babhɛtɛ ladalɛ, pɛ lapɛ̃ akɔ Apaleteɛ asɛ alɔkɔ awɔa axɔ̃ɛ gbangbã ka nyia ka ɛdi nɔ.

Timoteo 2 3:10

Wɔ, onyi ibui odenɔ mɛɔdɔ̃ kakasɛ petee shu, mɛ ɛkpã gɛ idzinɔ, kɛgɛ ɛtɔɖɔ, mɛ tɛyɛyɛkɛŋã, mɛ kitú esi lulu, mɛ tɛdɛdɛmɛ nɔ, mɛ kemì tɛkpɛkpɛ,