Timoteo 1 6:1 - Nyangbo New Testament

¹ Banunɔ petee gɛ akpasɛ banɔ dzidzì ɔsha niesiɛ, kɛlɛ sɛ tɛ bakpɛ kɛtakpu esi akɔ balɛ apalete alɛ, sɛ tɛ̀ batɛ bagã olũgbu kedzi nɛ Owusoso Akaa yɛinyéɛ nɛ̀ yɛɔdɔ̃ kakasɛ shu.

Timoteo 1 6:1 Referans Kwoze

Tito 2:5

tɛ baŋã balɛishu abha tɛ balɛishu dalɛ, tɛ bazadɛ bɔpã mɛ axɔ̃ɛ, tɛ balɛ ɛyamɛ pɛ, tɛ bakpɛ kɛtakpu esi ɔkɔ balɛ enyine alɛ, sɛ tɛ ananà atɛɖɔ kaɖɔ kpà nɛ Owusoso Akaa nɛibuiɛ shu.

Romanɛ 2:24

Asɛ kɛfɔnɔ gɛ bafɔnɔ elu asɛ, “Wɔnɔ Yudanɛ wɔnɔ ɔkɔ ɔsɛ bagɛ etinu Yudanɛ baɖɔ ebusoebui nɛ Owusoso Akaa shu.” (Yesaya 52.5).

Petro 1 3:16

tɛ̀ ɔkɔ wɔnɔ etúɔ mɛ ebuiɛ adalɛ piapi, sɛ tɛ̀ kiwũi yi bagɛ balɛ aɖɔaɖɔ kpa pɛ beezhinì olugbũ esi nɛ wɔnɔ ɛkpã gbangbã tɛzazãna nɛ Kristo mɛ shu.

Petro 1 2:12

Nɔzã nɛ̀ ɛkpã gbangbã ɛlɛ nɛidi nɛ bagɛ agɛ yɛkɛŋã nɛishi, sɛ gɛ bebu wɔnɔ kɛpɔ sɛ nɔbhɛtɛ ebui kpa tsyɛ elo, babàmɔ wɔnɔ ebui gbangbã tɛbhɛbhɛtɛ kɛlɛ babà dalɛ Owusoso Akaa nɛinyeɛ shu nɛ kiwui ɛlɛ nabha gɛ ababa ebeɖi ɔlɔ.

Galatianɛ 5:1

Ishu ahɔɛmɛ zazã shu so pɛ Kristo akɔ ɔlɔ ishu ahɔɛmɛ zazã. Kliso nɔzã gagalĩi, kɛlɛ nɔtɛ ɔkɔ kɔ ɔwɔ̃nyɔnɔ zã wɔnɔ mɛ nɛ banɔ dzidzi ɛkɔɔ shu.

Banɔkpɛkpɛ Axɔ̃ɛ 15:10

Otsiɛnɔ pɔ, kiɖe so pɛ nɔpɛ ɔsɛ tɛ nofeke Owusoso Akaa oɖi? Kiɖeso pɛ nɔlɔkɔ etukuɔ gɛ bɔlɔ alo bɔlɔ akaa alɛ tsyɛ agɛlà etukùɔ, ɔlɔkɔ tɔɖɔ badɔkpasɛanɛ xɔnɔ atakpu dza?

Banɔkpɛkpɛ Axɔ̃ɛ 10:22

Banyɛ ebuiliulũ asɛ, “Bude Keyuiza otugbànɔ Kornelio ɔkɔ. Enu anɔ gɛ yɛishu dalɛ pɛ esi Owusoso Akaa nɛifù, anɔ gɛ Yudanɛ petee adɛmɛ yɛibui. Axɔ̃ɛdɛ dadalɛ teli etseɖe yɛasɛ akɔ wɔba yɛɔpã mɛ tɛ̀ ebelũ wɔebuiɛ gɛ ɔpɛ ɔsɛ tɛ̀ ɔɖɔ otseɖe yɛ.”

Banɔkpɛkpɛ Axɔ̃ɛ 10:7

Gɛ axɔ̃ɛdɛ gɛ aɖɔaɖɔ nɛ yɛ ashɛɛ, Kornelio ekulu yɛaxɔ̃ɛdɛ taabha, nɛ̀ keyuadɛdɛ tenikpo gɛ adɛ yɛaxɔ̃ɛ, pɛ ekènu anɔ gɛ aplɛnɔ yɛ tsyɛ amana.

Timoteo 1 5:14

Kliso pɛ itseɖe badzɛ gɛ beke shè pɛ benu bavɛvɛ edzini alɛ asɛ bazana anyɛ, tɛ bamɔ eyi, tɛ beɖi balɛ bɔpã abha tɛ batɛkɔ Satana idzo nɛ olugbũ kedzi gagã shu.

Korintoanɛ 1 10:32

Nɔtɛ kɔ sɛ anɔ nanà akpatà bɔdɔ̃, edzi asɛ Yudanɛ o, Helanɛ, pɛnɔsɛ Owusoso Akaa yɔhaa