Timoteo 1 5:3 - Nyangbo New Testament

³ Plɛnɔ bavɛvɛ edzɛniɛ gɛ ɛdɔ̃ nanà ma alɛ ahɔɛ.

Timoteo 1 5:3 Referans Kwoze

Banɔkpɛkpɛ Axɔ̃ɛ 6:1

Nɛ ewui alɛ mɛ, gɛ badɔkpasɛanɛ tɛkaklà mɛ zikpè tɔɖɔɔ, Helanɛ gɛenu Yudanɛ gɛazã balɛishiɛ bazakpamɛ ishu nɛ Hebrianɛ gɛenu Yudanɛ shu, ɔmɔsɛ beebhui Helanɛ bavɛvɛ edzyini alɛ bho kibe nyia be nɛ bɔŋaŋã tibubú ɔkɔ alɛ mɛ.

Petro 1 2:17

Nɔkpɛ kɛtakpu esi gbangbã ɔkɔ aka nyia aka. Nɔdɛmɛ nɔ nɛ̀ bayɛyɛkɛŋã balɛ kɛdzya bhɛbhɛtɛ, nɔosì Owusoso Akaa nɛifù, tɛ nɔkpɛ ɛtakpu esi ɔkɔ ekusiɛ.

Petro 1 3:7

Badzɛenyine mɔ, nɛ kidzo ɛlɛ abhaa, wɔnɔ tsyɛ nɔolũ ebui esi ɔkɔ wɔnɔ edzinì alɛ nɛ kibeɛ gɛ nɔlɛ ɔplɛnɔ alɛ, tɛ nɔgbanà alɛ nɛ̀ kɛtakpu esi kpɛkpɛ ɔkɔ alɛ asɛ ohumi bhlui elete ana gɛ wɔnɔ nɛ alɛ ɔbɔ mɔ kaŋãsiɛ nɛ̀ tibhui bhuibu idɔ kɔkɔ ɔkɔ ɛkpã, sɛ tɛ kɛdɔ̃ nanà tɛbà kɔ nɔyɔlɔ Owusoso Akaa tikukulu.

Yakobo 1:27

Kɛtakpu esi kpɛkpɛ gɛ kɛli shu bhui pɛ kibo nanà ma kɛlɛishu, nɛ bɔlɔ Owusoso Akaa namɛɛ nu ɔsɛ tɛ nɔplɛnɔ batsyãnbhi nɛ̀ bavɛvɛ edzini nɛ balɛ ɔtɔ mɛ. Kɛlɛ tɛ anɔ alà yɛishu ebu nɛ kanɔ mɛ ebuiɛ gɛ letuturu anunɔɔ mɛ.

Tesalonikanɛ 1 2:6

Gɛnɛ banɔ tɛkpɛkpɛ nɛitití bɔpɛ odenɔ banɔ ɔkɔ, bɔtɛ pɛ ana odenɔ wɔnɔ, alo anɔ nanà tsyɛ ɔkɔ. Asɛ banɔkpɛkpɛ ana, tsyɛ alo bɔtadzì bɔtɔ kɔ wɔnɔ,

Banɔkpɛkpɛ Axɔ̃ɛ 9:39

Petro avɛ nɛ̀ alɛ, kɛlɛ gɛ ediku ɛkɛlɛɛ, bagbani yɛavɛnɔ kabhavũɔ mɛ. Kɛlɛ bavɛvɛ edziniɛ alɛ pete abalɔɛtití nɛ Petro ɔbha, pɛ bezebi yoyo kɛlɛ balɔkɔ bɔdɔ̃ kpɛkpɛ gɛ Tabita eyú nɛ kibeɛ gɛ azã balɛ ɔbha aakasɛ alɛ.

Timoteo 1 5:2

badzɛ sheshèɛ asɛ beelĩ ana, nɛ̀ badzɛnuvɔɛ nɔ asɛ baada ana, tɛ banyana ishu ovunɔ nɛishu dadalɛ mɛ.

Banɔkpɛkpɛ Axɔ̃ɛ 9:41

Petro anyana yɛahɔkpɔɔ, pɛ aplɛni yɛalɔ azã yɛtsɛɖɛ nabha. Kɛlɛ ekulu bayɛyɛkɛŋã nɛ̀ bavɛvɛ edzini alɛ pɛ alɔkɔɛ akpɛ ahɔɛ akɔ alɛ enunù.