Timoteo 1 5:10 - Nyangbo New Testament

¹⁰ pɛ benyi yɛ piapii ɔkɔ yɛ ebui gbangbã tɛbhɛbhɛtɛ, asɛ beyi abha tiɖiɖi ana, asɛ beefu tɛyɛyɛkɛ, anɔ gɛ eplu bɔtsɛɖɛkpɔ akɔ banɔ dadalɛ, anɔ gɛ aplɛnɔ bagɛ beku kibui mɛ pɛ alɔkɔ yɛishu akpɛ ebui gbangbã ka nyia ka tɛbhɛbhɛtɛ mɛ.

Timoteo 1 5:10 Referans Kwoze

Timoteo 1 6:18

Kpɛ alɛ ɔsha sɛ babhɛtɛ kibui gbangbã, sɛ tɛ bamɔ ehoeyi ɔdɔ̃ nɛ ebui gbangbã tɛbhɛbhɛtɛ mɛ, nɛ̀ tɛ balɛ ɛyamɛ pɛ̃ tɛ kɛdɔ̃ kɔkɔ anɔ zã alɛ mɛ.

Tito 3:8

Kibui ɛlɛ tɛɖɔɖɔ nu kibui gbã. Kɛlɛ ɛpɛ sɛ tɛ ɔɖɔ ebui alɛ odzinɔ ɔɖɔ, sɛ tɛ bagɛ ayɛkɛ Owusoso Akaa nabha aŋãa beɖi ishu abha piapii tɛ̀ balɔkɔ balɛishu akɔ kibui gbangbã bhɛbhɛtɛ. Ebui alɛ apɛ̃ kɛlɛ labà manà kibui gbangbã ɔkɔ aka nyia aka.

Banɔkpɛkpɛ Axɔ̃ɛ 9:36

Nɛ Yopa ɔmamɛɛ, adɔkpasɛnɛ teli gɛ bezekulu yɛasɛ Tabita azã ɛkɛlɛ. (Nɛ Hela buluhũɔ mɛɛ, bekului asɛ Dorkas.) Tabita azabhɛtɛ ebui gbangbã pɛ alɔkɔ aplɛnɔ betsyuitsyuiɛ nɔ.

Tito 3:1

Baka banunɔ ɔsɛ bezhinì ishu esi akɔ bekusiɛ nɛ̀ ɔshaeleteɛ, tɛ belũ atɔ̃, tɛ babalɛ elù asɛ babà abhɛtɛ kibui gbangbã,

Tito 2:7

Nɛ kɛka nyia ka mɛɛ, bhɛtɛ ibui ɔkasɛ alɛ ɔganà wɔɛbui gbangbã bhɛbhɛtɛ mɛ. Nɛ wɔ bɔdɔ̃ kakasɛ mɛɛ, kasɛ kana gɛ bazã nɛkpã, nɛ̀ bamɛ gagalĩ.

Timoteo 2 3:17

sɛ tɛ Owusoso Akaa anunɔ abalɔkɔ ɛlɛ epo yɛishu nɔ ɔkɔ kɛxɔ̃ɛ wɔawɔa gbangbã ka nyia ka ɛdi.

Romanɛ 12:13

Nɔplɛnɔ ɔhamɛeyi nɔnɔ́ gɛ kɛdɔ̃ nanà ma yɛahɔɛ. Nɔzã ɛyamɛ gbangbã tɛbhɛbhɛtɛ abha ɔkɔ befu.

Petro 1 2:12

Nɔzã nɛ̀ ɛkpã gbangbã ɛlɛ nɛidi nɛ bagɛ agɛ yɛkɛŋã nɛishi, sɛ gɛ bebu wɔnɔ kɛpɔ sɛ nɔbhɛtɛ ebui kpa tsyɛ elo, babàmɔ wɔnɔ ebui gbangbã tɛbhɛbhɛtɛ kɛlɛ babà dalɛ Owusoso Akaa nɛinyeɛ shu nɛ kiwui ɛlɛ nabha gɛ ababa ebeɖi ɔlɔ.

Hebrianɛ 13:21

alɔkɔ ɔdɔ̃ gbangbã ka nyia ka idi akɔ ɔnɔ sɛ tɛ nɔbhɛtɛ nɛ yɛibui tɔtɔɖɔ nabha, tɛ abhɛtɛ kɛgiku yɛawɔ̃ nɛ bɔlɔ mɛ ɔgana Yesu Kristo abha. Yɛyɛ́ kɛlinu ishu dadalɛ odenɔ otsiɛ ɔvɛnɔ tihɔ, tihɔ. Amen.

Hebrianɛ 13:2

Nɔdɛmɛ befu yɛyɛkɛ ibui, ɔmɔsɛ nɛ mati matì mɛɛ, beteli bayɛkɛ Owusoso Akaa axɔ̃ɛdɛɛ.

Hebrianɛ 10:24

Nɔkɔ bɔkpɛ ɛtakpu mɛ nɛ kɛnyana gɛ bɔba nyana bagɔlɔ nɛ̀ tɛdɛdɛmɛ nɔ nɛ̀ ebui gbangbã tɛbhɛbhɛtɛ mɛ.

Tito 3:14

Kɛlɛ sɛ bɔlɔ banɔ nɔ akpasɛ kana gɛ babalɔkɔ balɛishu akɔ kibui gbangbã bhɛbhɛtɛ, sɛ tɛ balà amɔ kɛdɔ̃ ɔkɔ kiwui nyia wui ebui bhɛbhɛtɛ tɛ batɛ zãna ɛkpã gɛ lɛgɛ kpa plɛnɔ kɛxɔ̃ɛ wɔawɔa.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Yohanes 3 1:12

Anɔ ka nyia ka aɖɔ ebui gbangbã nɛ Demetrio shu, kibuiɛ tsyɛ ɖɔaɖɔ gbangbã nɛishu ana. Bɔlɔ tsyɛ ɖɔaɖɔ gbangbã nɛ yɛishu, kɛlɛ nɔonyi ɔsɛ bɔlɔ kibuiɛ gɛ bɔɖɔ dalɛ yɛishuɔ nu kibui gbã.

Petro 1 4:9

Nɔyɛkɛ agɔlɔ kpɛ bapãmɛ ɔkɔ tɛ̀ nɔtɛ zɔɖɔ kaɖɔ nɛ kɛlɛ shu.

Timoteo 2 3:15

kɛlɛ nɛ kana gɛ onyi Owusoso Akaa kibui odenɔ kinuvɔbe soɔ, kibui gɛ bhɛtɛ wɔ pɛ odzì ebuitinɛ ɔkɔ wɔ tibubu ɔgana tɛyɛyɛkɛŋã nɛ Kristo Yesu abha.

Timoteo 2 2:21

Onupɛ anɔ teli eplu yɛishu edenɔ ebui kukuɔ mɛɛ, ebedzi anɔ gɛ abazã akɔ ebui piapii, gɛ babhɛtɛ ladalɛ, pɛ lapɛ̃ akɔ Apaleteɛ asɛ alɔkɔ awɔa axɔ̃ɛ gbangbã ka nyia ka ɛdi nɔ.

Timoteo 2 1:5

Batɛkɔ mɛitì nɛ wɔ tɛyɛyɛkɛŋã gbangbã shu, gɛ kiputɔ zã wɔedzé Lois nɛ̀ wɔelĩ Eunike mɛ, kɛlɛ kɛzã mɛuli sɛ kɛkpasɛ wɔ tsyɛ mɛ ana.

Timoteo 1 5:25

Nɛidzo ɛlɛ abhaa, ebui gbangbã bhɛbhɛtɛ tsyɛ awɔ̃ɛ, kɛlɛ agɛ atɛawɔ̃ɛ tsyɛɛ, batɛ balà alɛ ekpũ.

Timoteo 1 2:10

pɔ nɛ̀ ebui gbangbã tɛbhɛbhɛtɛ gɛ ashɔnɔ badzɛ gɛ apɛ asɛ tɛ̀ bakpɛ kɛtakpu esi ɔkɔ Owusoso Akaa.

Koloseanɛ 1:10

Kɛlɛ bukulù Owusoso Akaa sɛ tɛ̀ nɔzã nɛkpã gɛ ɛshɔ̃ ɔkɔ Apaleteɛ pɛ lɛbàku yɛawɔ̃ nɛ kidzo ka nyia ka abha, tɛ̀ nɔoyu eyuyù nɛ kɛxɔ̃ɛ gbangbã ka nyia ka wɔawɔa mɛ̀, tɛ̀ nɔoshè nɛ Owusoso Akaa kibuititìɛ mɛ,

Efesoanɛ 2:10

Owusoso Akaa ahɔɛ ɛdɔ̃ bhɛbhɛtɛ bunu, gɛ babhɛtɛ nɛ Kristo Yesu mɛ sɛ tɛ bɔwɔa axɔ̃ɛ gbangbã, gɛ Owusoso Akaa eputɔ abalɛ elu akɔ ɔlɔ sɛ bɔbhɛtɛ.

Banɔkpɛkpɛ Axɔ̃ɛ 22:12

“Anyɛ teli gɛ bekulu asɛ Anania yɛaba ebeɖi mɛ. Edzi anɔ gɛ ezeshù ɔsha, kɛlɛ Yudanɛ petee gɛazã kɛma ɛlɛ mɛ adɛmɛ yɛibui.

Banɔkpɛkpɛ Axɔ̃ɛ 10:22

Banyɛ ebuiliulũ asɛ, “Bude Keyuiza otugbànɔ Kornelio ɔkɔ. Enu anɔ gɛ yɛishu dalɛ pɛ esi Owusoso Akaa nɛifù, anɔ gɛ Yudanɛ petee adɛmɛ yɛibui. Axɔ̃ɛdɛ dadalɛ teli etseɖe yɛasɛ akɔ wɔba yɛɔpã mɛ tɛ̀ ebelũ wɔebuiɛ gɛ ɔpɛ ɔsɛ tɛ̀ ɔɖɔ otseɖe yɛ.”

Banɔkpɛkpɛ Axɔ̃ɛ 9:39

Petro avɛ nɛ̀ alɛ, kɛlɛ gɛ ediku ɛkɛlɛɛ, bagbani yɛavɛnɔ kabhavũɔ mɛ. Kɛlɛ bavɛvɛ edziniɛ alɛ pete abalɔɛtití nɛ Petro ɔbha, pɛ bezebi yoyo kɛlɛ balɔkɔ bɔdɔ̃ kpɛkpɛ gɛ Tabita eyú nɛ kibeɛ gɛ azã balɛ ɔbha aakasɛ alɛ.

Banɔkpɛkpɛ Axɔ̃ɛ 6:3

Kliso, mɛadzya alɛ mɔ, nobu banyɛ tegegene nɛ wɔnɔɛshi gɛ nonyi ɔsɛ, Ɔfɔfuĩa Gbangbã nɛ̀ bubutì kpasɛ alɛ mɛ, bɔbà lɔkɔ kɛxɔ̃ɛ ɛlɛ kpɛ ahɔɛ ɔkɔ alɛ

Timoteo 1 5:16

Onupɛ adzɛ teli gɛ ayɛkɛ aŋã, pɛ bavɛvɛ yɛedzini alɛ yɛɔpã mɛɛ, akɔ alɛ tɛpɛplɛnɔ tɛ betidzi bɔtɔ ɔkɔ ɔhaa, sɛ tɛ ɔhaa tsyɛ alà aplɛnɔ bavɛvɛ edzini alɛ gɛ bapɛ tɛpɛplɛnɔ gagalĩ nɔ.

Timoteo 1 3:7

Kɛlɛ sɛ edzi anɔ gɛ bagɛ ama ɔhaa mɛ tsyɛ adɛmɛ yɛibui, sɛ tɛ̀ atɛba mɔ awũi ebui, tɛ̀ ebezhieku abosam kɛgbã mɛ.

Timoteo 1 3:2

Kɛma ɔsɛ tɛ̀ bazã amɔ bamɛ tsitsí ebui nɛ osofo nɔ shu, edzì anɔ gɛ agbana adzɛ tenikpo, anɔ gɛ elu kitú esi, pɛ aŋã yɛishu abha, anɔ gɛ atɛkpɛ yɛishu awũi, anɔ gɛ adɛmɛ beefu tɛyɛyɛkɛ ibui pɛ alà kasɛ ɔdɔ̃ tsyɛ,