Timoteo 1 4:7 - Nyangbo New Testament

⁷ Tɛ kpɛ olugbũ nɛ bagɛ ama Owusoso Akaa edeɛ asɛnɛ ebui nanà mɛ, nɛ̀ badzɛ sheshèɛ balɛ ɛdzɛdzɛ tata mɛ, pɔ nyɔnɔ wɔ shu nɛ Owusoso Akaa kidzo nabha.

Timoteo 1 4:7 Referans Kwoze

Timoteo 1 1:4

alo tɛ̀ balɔkɔ ishu ashɔkpɛ asɛnɛ ebui nɛ̀ eshopo tɛshɔshɔrɔ gɛeti beleɛ mɛ. Ebui alɛ amana kawlɔ̃akɛ ebui ɔdɛ Owusoso Akaa kɛxɔ̃ɛ-gɛinu tɛyɛyɛkɛŋã.

Timoteo 2 2:16

Yɔlɔ kaɖɔɔ gɛetinu Owusoso Akaa shu ebuiɛ tɛɖɔɖɔ, ɔmɔsɛ banɔ nɔ gɛ balɔkɔ ishu akpɛ kaɖɔ alɛ nɛidi mɛɛ, bebe zĩ atɔɖɔ adɛ nɛ Owusoso Akaa shu.

Tito 2:12

Kɛkasɛ ɔlɔ sɛ bɔɖɔ sɛ, “Ao” nɛ kɛgɛ gɛ kpaplɛnɔ Owusoso Akaa pɛ kinu kanɔ mɛ ebui tɛpɛpɛ shu, nɛ tɛ̀ bɔŋã bɔlɔ shu abha, bɔɖɔ olugbũ tonikpo tɛ bɔzana ɛkpã ɔkɔ Owusoso Akaa nɛ obo kanɔ alɛ mɛ,

Tito 3:9

Pɔ yɔlɔ bɔga ebui wɔawlɔ̃akɛ, eshopo tɛshɔshrɔ nɛ̀ ebela ebui nɛ ɔsha shu ɔzɔ wlɔ̃akɛ, ɔmɔsɛ kɛnanà ma ebui alɛ mɛ kɛlɛ alɛ shu axɔ̃ɛ waɔwɔa nanà tsyɛ ama.

Hebrianɛ 5:14

Banɔ sheshè balɛ aŋã kɛŋaŋã gagalĩ, gɛ bakpala alɛ aganà ebui gelee mɛ soɔ benyi ibui gbangbã nɛ̀ kizizĩ.

Timoteo 2 2:23

Tɛkpɛ ɔha nɛ̀ bɔga ebui tɛwɔawlɔakɛ, ɔmɔsɛ onyi ɔsɛ lamanà ebelá ebui.

Timoteo 2 4:4

Bebè tsyina balɛ atɔ̃mɛ ashɛnɔ nɛ kibui gbã shu kɛlɛ bebè tsyina avɛ ɛdzɛdzɛ ebui shu.

Timoteo 1 6:11

Pɔ wɔ, Owusoso Akaa anɔ, bu tɛtsɛɖɛ mɛ ɔshɛ nɛ ebui alɛ petee shu, tɛ ɔtɔnɔ ebui gbangbã tɛbhɛbhɛtɛ, Owusoso Akaa mɛ tɛzazã, tɛyɛyɛkɛŋã, tɛdɛdɛmɛ nɔ, kemikpɛkpɛ nɛ̀ anɔ yɔyɔ tidzidzi ede.

Banɔkpɛkpɛ Axɔ̃ɛ 24:16

Kliso ɛwlɔãkɛ kibe nyia be ɔsɛ tɛ mɛ ekpeɖekpeɖe mɛ adalɛ nɛ Owusoso Akaa namɛ nɛ̀ anɔdzyrame shu.

Timoteo 1 6:20

Timoteo, balɛ gɛdɔɔ gɛ balɔkɔ akpɛ wɔahɔɛ piapii lo. Tsyina ɔshɛ nɛ ebui ɖɔɖɔ nɔnɔ gɛ lagɛ kpaplɛnɔ Owusoso Akaa, nɛ̀ kititì lɔlɔ ebui gɛenu asɛnɛ ebui gɛ baɖɔ asɛ alɛ enu kibui titìɛ shu,

Tito 1:14

tɛ batɛ taatɔ̃ nɛ̀ Yudanɛ asɛnɛ ebuiɛ, alo bagɛ atɛapɛ kibui gbã asɛ elũɔ ɔsha.

Timoteo 2 3:12

Nɛ kibui gbã mɛɛ, babatɔnɔ anɔ ka nyia ka gɛ apɛ asɛ tɛ azãna ɛkpã kɔ Owusoso Akaa nɛ̀ Yesu Kristoɔ niede,

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Timoteo 1 2:10

pɔ nɛ̀ ebui gbangbã tɛbhɛbhɛtɛ gɛ ashɔnɔ badzɛ gɛ apɛ asɛ tɛ̀ bakpɛ kɛtakpu esi ɔkɔ Owusoso Akaa.

Timoteo 1 1:9

Bunyi tsyɛ sɛ, bagɛ bhɛtɛ ɔsha akɔ banɔ dadalɛ pɔ babhɛtɛ ɔlɛ akɔ bagɛ betso ɔsha nɛ̀ batɔ̃mɛ gagalĩ eleteɛ. Bagɛ betinyi Owusoso Akaa nɛ̀ ebui kpa bhɛbhɛtɛ eleteɛ, bagɛ balɛishu gɛdalɛ nɛ̀ bagɛ batɛ akpɛ ketakpu esiɛ, lɔlɛ ɔkɔ bagɛ eyí balɛ akaalɛ alo balɛ elĩ alɛ, lɔlɛ ɔkɔ bagɛ eyi anɔ,

Timoteo 1 4:8

Ɔmɔsɛ kedzì yɛyɛkɛ tieli idi akpasɛ ishu dzya bɔdɔ̃ kakasɛ mɛ, pɔ Owusoso Akaa mɛ tɛzazã yɛkɛ kedzi ɔkɔ bɔdɔ̃ petee, kɛgɛ nyanã kibuiɛ gɛ batɔɖɔ elu ɔkɔ obo kanɔ alɛ, nɛ̀ kanɔ nɔ gɛ kababa mɛ ovunɔ.

Timoteo 1 6:3

Onupɛ anɔ teli akasɛ asɛnɛ ɔdɔ̃ pɛ agɛ dɛmɛ atɔɖɔ Apalete Yesu Kristo yɛebuiɛ nɛ̀ Owusoso Akaa ɔdɔ̃ kakasɛ nabhaa,

Timoteo 1 6:5

nɛ̀ kawlɔ̃akɛ ebui kibe nyia be nɛ banɔ gɛ balɛ ekpeɖekpeɖe mɛ agɛ dalɛ nɛishi, banɔ gɛ bagɛ pɛasɛ eti kibui gbã pɛ abhɛtɛ alɛ asɛ Owusoso Akaa mɛ tɛzazã nu kidzo ɔkɔ ehoeyi tɛmɔmɔ.

Timoteo 2 3:5

babà abhɛtɛ ishu asɛ Owusoso Akaa ibuiɛ kpasɛ alɛ mɛ, pɔ babà shɛnɛ ahɔɛ nɛ kɛlɛ ohumi nɔ shu. Tɛ kpɛ alɛ ɔha.